{"id":50635,"date":"2023-07-07T17:24:57","date_gmt":"2023-07-07T17:24:57","guid":{"rendered":"https:\/\/rdnews.al\/?p=50635"},"modified":"2023-07-07T17:24:57","modified_gmt":"2023-07-07T17:24:57","slug":"nje-pergenjeshtrim-qe-me-shume-akuzon","status":"publish","type":"post","link":"https:\/\/foltore.al\/index.php\/2023\/07\/07\/nje-pergenjeshtrim-qe-me-shume-akuzon\/","title":{"rendered":"Nj\u00eb p\u00ebrg\u00ebnjeshtrim q\u00eb m\u00eb shum\u00eb akuzon!"},"content":{"rendered":"

Deklarat\u00eb e Partis\u00eb Demokratike<\/strong><\/p>\n

Dit\u00ebn e hen\u00eb, me dat\u00eb 3 korrik, Drejtuesi i K\u00ebshillit t\u00eb Informacionit t\u00eb Qeveris\u00eb s\u00eb Iranit, Sepehr Khalaji n\u00eb nj\u00eb komunikat\u00eb n\u00eb em\u00ebr t\u00eb K\u00ebshillit t\u00eb Informacionit t\u00eb Republik\u00ebs Islamike t\u00eb Iranit, deklaron se pjes\u00eb nga 232 kompjuter t\u00eb konfiskuar nga Policia Shqiptare, me dat\u00eb 20 qershor, n\u00eb kampin Ashraf 3 t\u00eb Muxhahedin\u00ebve t\u00eb Popullit n\u00eb Man\u00ebz, gj\u00ebnden n\u00eb Teheran, n\u00eb duart e organeve kompetente zyrtare t\u00eb siguris\u00eb Iraniane. Nga dita e h\u00ebn\u00eb deri dje, dit\u00ebn e enjte pasdite, autoritetet shqiptare hesht\u00ebn si fija barit ndaj k\u00ebtij lajmi q\u00eb u p\u00ebrhap me shpejt\u00ebsi n\u00eb mbar\u00eb bot\u00ebn i cili n\u00eb rast se \u00ebsht\u00eb i v\u00ebrtet\u00eb d\u00ebshmon:<\/p>\n

-S\u00eb pari nj\u00eb akt vasaliteti t\u00eb plot\u00eb t\u00eb regjimit t\u00eb Tiran\u00ebs ndaj regjimit t\u00eb Ajetolloh\u00ebve, nj\u00eb regjimi barabar q\u00eb vet\u00ebm vitin e fundit ka ekzekutuar mbi 300 dhe ka arrestuar me mij\u00ebra e mij\u00ebra t\u00eb reja dhe t\u00eb rinj iranian, luft\u00ebtar lirije p\u00ebr protetstat e tyre kund\u00ebr diktatur\u00ebs teokratike n\u00eb Iran.<\/p>\n

-S\u00eb dyti p\u00ebrb\u00ebn nj\u00eb akt madhor tradh\u00ebtie t\u00eb regjimit t\u00eb narkoshtetit shqiptar ndaj a\u00ebtar\u00ebve t\u00eb Frontit t\u00eb Rezistenc\u00ebs Iraniane, luft\u00ebtar\u00ebve t\u00eb liris\u00eb, t\u00eb strehuar n\u00eb Shqip\u00ebri.<\/p>\n

Ky lajm po t\u00eb provohet i v\u00ebrtet\u00eb \u00ebsht\u00eb dor\u00ebzimi i t\u00eb dh\u00ebnave, lidhjeve familjare dhe bashk\u00ebpun\u00ebtor\u00ebve t\u00eb Frontit t\u00eb Rezistenc\u00ebs s\u00eb Iranit n\u00eb duart e Policis\u00eb Sekrete t\u00eb Iranit me pasoj\u00eb zbulimin, arrestimin, burgosjen dhe ekzekutimin e mij\u00ebra e mij\u00ebra familjar\u00ebve dhe bashk\u00ebpun\u00ebtor\u00ebve t\u00eb an\u00ebtar\u00ebve t\u00eb Frontit t\u00eb Rezistenc\u00ebs Iraniane, gj\u00eb q\u00eb do mbetej n\u00eb histori si nj\u00eb akt pabesie ekstreme e damk\u00eb e zez\u00eb p\u00ebr kombin shqiptar q\u00eb ka si virtut kryesor bes\u00ebn.<\/p>\n

Duke par\u00eb heshtjen e plot\u00eb disa ditore t\u00eb autoriteteve shqiptare ndaj ketij lajmi t\u00eb tmerresh\u00ebm, me t\u00eb cil\u00ebn ato n\u00eb nj\u00eb far\u00eb m\u00ebnyre, me k\u00ebt\u00eb heshtje pranonin si fakt t\u00eb kryer deklarat\u00ebn e z\u00ebdh\u00ebn\u00ebsit t\u00eb qeveris\u00eb iraniane, dit\u00ebn e enjte n\u00eb ora 14:00, Kryetari i PD Sali Berisha deklaroi para mediave se n\u00eb rast se ky akt \u00ebsht\u00eb i v\u00ebrtet\u00eb, qeveria e Edi Ram\u00ebs ka kryer akt t\u00eb pashembullt tradh\u00ebtie t\u00eb lart\u00eb me pasoja shum\u00eb te r\u00ebnda p\u00ebr Frontin e Rezistenc\u00ebs Iraniane.<\/p>\n

Vet\u00ebm pas k\u00ebsaj deklarate Policia Shqiptare reagoi me nj\u00eb gjoja p\u00ebrg\u00ebnjeshtrim me t\u00eb cil\u00ebn ajo ngjalli edhe m\u00eb shum\u00eb dyshime se sa hodhi posht lajmin. N\u00eb deklarat\u00ebn e tyre policia e narkoshtetit mohon q\u00eb materialet t\u00eb jen\u00eb d\u00ebrguar n\u00eb Teheran, por \u00e7udit\u00ebrisht ajo shprehet se: \u201cT\u00eb gjitha njoftimet q\u00eb qarkullojn\u00eb n\u00eb rrjete sociale dhe media p\u00ebr sa m\u00eb sip\u00ebr, jan\u00eb jo vet\u00ebm t\u00eb rreme por dhe n\u00eb raste specifike kan\u00eb q\u00ebllime t\u00eb tjera t\u00eb cilat shkojn\u00eb p\u00ebrtej informimit t\u00eb publikut.\u201d<\/p>\n

Si\u00e7 e shikoni n\u00eb komunikat\u00ebn e saj Policia e Shtetit n\u00eb asnj\u00eb fjal\u00eb dhe n\u00eb asnj\u00eb rrjesht nuk guxon t\u2019i referohet komunikat\u00ebs zyrtare t\u00eb Drejtuesit t\u00eb K\u00ebshillit Islamik t\u00eb Informacionit si burim zyrtar i lajmit trondit\u00ebs, por ju referohet rrjeteve sociale dhe mediave t\u00eb cilat kan\u00eb publikuar, transmetuar lajmin. N\u00eb k\u00ebt\u00eb m\u00ebnyr\u00eb qeveria e Edi Ram\u00ebs i shmanget k\u00ebshtu ballafaqimit me burimin zyrtar publik t\u00eb lajmit, K\u00ebshillin e Informacionit t\u00eb Republik\u00ebs Islamike t\u00eb Iranit. Kjo shmangie e q\u00ebllimshme e citimit t\u00eb burimit zyrtar d\u00ebshmon p\u00ebr frik\u00ebn e p\u00ebrg\u00ebnjeshtrimit duke ju referuar direkt K\u00ebshillit t\u00eb Informacionit t\u00eb Iranit mbasi ky mund t\u00eb faktoj\u00eb me prova deklarat\u00ebn e tij.<\/p>\n

P\u00ebrve\u00e7 k\u00ebtyre, dyshime t\u00eb forta ngjall edhe vet fakti i p\u00ebrg\u00ebnjeshtrimit nga policia e shtetit t\u00eb lajmit t\u00eb kreut t\u00eb K\u00ebshillit t\u00eb Informacionit t\u00eb Republik\u00ebs Islamike. Kjo sepse ky p\u00ebrg\u00ebnjeshtrim duhet t\u00eb vinte nga zyra e Informacionit e Qeveris\u00eb Shqiptare dhe jo nga Policia e Shtetit e cila nuk ka asnj\u00eb tag\u00ebr t\u00eb flas\u00eb n\u00eb em\u00ebr t\u00eb prokuroris\u00eb dhe sh\u00ebrbimeve inteligjente t\u00eb vendit.<\/p>\n

Perve\u00e7 k\u00ebtyre, lidhur me bashk\u00ebpunimin e autoriteteve t\u00eb Tiran\u00ebs me regjimin e Ajetullah\u00ebve, an\u00ebtari i komisionit parlamentar t\u00eb pun\u00ebve t\u00eb jashtme dhe t\u00eb sigurise t\u00eb regjimit t\u00eb Teheranit, gjeneral brigade Esmaeil Kowasari ka deklaruar se:<\/p>\n

\u201cPrej disa muajve ka patur komunikime midis aparateve t\u00eb siguris\u00eb t\u00eb Iranit me vende t\u00eb tilla si Shqip\u00ebria dhe kjo ka patur rezultate shum\u00eb pozitive\u201d.<\/p>\n

-S\u00eb treti po k\u00ebshtu injorohet me q\u00ebllim deklarata e gjeneralit iranian p\u00ebr bashk\u00ebpunimin me rezultate shum\u00eb pozitive n\u00eb fush\u00ebn e siguris\u00eb nd\u00ebrmjet regjimit t\u00eb Ajetullah\u00ebve t\u00eb Teheranit dhe regjimit t\u00eb narkoshtetit t\u00eb Tiran\u00ebs.<\/p>\n

E v\u00ebrteta \u00ebsht\u00eb se aktakuza zyrtare e autoriteve gjyq\u00ebsore shqiptare ndaj Muxhahedin\u00ebve t\u00eb Popullit t\u00eb strehuar n\u00eb Kampin Ashraf 3 n\u00eb Man\u00ebz \u00ebsht\u00eb: Shpallje lufte!<\/p>\n

Dometh\u00ebn\u00eb Muxhahedin\u00ebt e Popullit i kan\u00eb shpallur luft\u00eb nga Manza Republik\u00ebs Islamike t\u00eb Teheranit. Kjo aktakuze ndaj luft\u00ebtar\u00ebve t\u00eb liris\u00eb \u00ebsht\u00eb e turpshme dhe duket e formuluar t\u00ebresisht n\u00eb Teheran dhe \u00ebsht\u00eb nj\u00eb prov\u00eb e qart\u00eb e bashk\u00ebpunimit t\u00eb Tiran\u00ebs zyrtare me Teheranin e Ajetullah\u00ebve ndaj dhe autoritetet e Tiran\u00ebs nuk p\u00ebrg\u00ebnjeshtrojn\u00eb dot deklarat\u00ebn e gjeneralit iranian.<\/p>\n

Partia Demokratike e cila n\u00eb pushtet ka vendosur pranimin e Muxhahedin\u00ebve t\u00eb Popullit n\u00eb territorin e Shqip\u00ebris\u00eb ka mb\u00ebshtetur dhe mb\u00ebshtet kauz\u00ebn e tyre drejt rezistenc\u00ebs s\u00eb tyre ndaj regjimit obskurantist t\u00eb Ajetullah\u00ebve. Ajo ka d\u00ebnuar reidin brutal t\u00eb policis\u00eb s\u00eb shtetit n\u00eb Kampin Ashraf 3 t\u00eb Muxhahedin\u00ebve t\u00eb Popullit t\u00eb bazuar n\u00eb akuza t\u00eb fabrikuara n\u00eb Teheran, si nj\u00eb shkelje t\u00eb hapur t\u00eb Kushtetut\u00ebs s\u00eb vendit, Konvent\u00ebs Europiane t\u00eb t\u00eb Drejtave t\u00eb Njeriut, Konvet\u00ebs t\u00eb OKB p\u00ebr refugjat\u00ebt. Ajo duke shprehur solidaritetin e saj t\u00eb plot\u00eb me kauz\u00ebn e drejt\u00eb, luft\u00ebn dhe p\u00ebrpjekjen e Muxhahedin\u00ebve t\u00eb Popullit kund\u00ebr regjimit teokratik totalitar iranian, d\u00ebnon \u00e7do form\u00eb bashk\u00ebpunimi t\u00eb regjimit t\u00eb Tiran\u00ebs me regjimin e Ajetullah\u00ebve dhe i b\u00ebn\u00eb thirrje Organizat\u00ebs s\u00eb Kombeve t\u00eb Bashkuara t\u00eb hetoj\u00eb me p\u00ebrpar\u00ebsi bashk\u00ebpunimin e rreziksh\u00ebm t\u00eb k\u00ebtyre regjimeve kund\u00ebr Frontit t\u00eb Rezistenc\u00ebs Iraniane.<\/p>\n

\u2014\u2014\u2014\u2014<\/p>\n

Nj\u00eb njoftimin p\u00ebr mediat, Policia deklaron se nuk ka pasur asnj\u00eb lloj kontakti me Iranin.<\/p>\n

Konkretisht Policia e Shtetit sqaron se:<\/p>\n