{"id":48698,"date":"2023-06-15T18:20:19","date_gmt":"2023-06-15T18:20:19","guid":{"rendered":"https:\/\/rdnews.al\/?p=48698"},"modified":"2023-06-15T18:20:19","modified_gmt":"2023-06-15T18:20:19","slug":"bugajski-per-edi-ramen-me-shume-rendesi-ka-lidhja-personale-me-vucicin-se-sa-kosova","status":"publish","type":"post","link":"https:\/\/foltore.al\/index.php\/2023\/06\/15\/bugajski-per-edi-ramen-me-shume-rendesi-ka-lidhja-personale-me-vucicin-se-sa-kosova\/","title":{"rendered":"Bugajski: P\u00ebr Edi Ram\u00ebn, m\u00eb shum\u00eb r\u00ebnd\u00ebsi ka lidhja personale me Vu\u00e7i\u00e7in se sa Kosova"},"content":{"rendered":"<p><strong>Nga Janusz Bugajski, The GeoPost<\/strong><\/p>\n<p>Ndon\u00ebse shqiptar\u00ebt vazhdimisht e shfaqin unitetin komb\u00ebtar me val\u00ebvitje flamujsh, fjalime t\u00eb m\u00ebdha e gjeste simbolike, n\u00eb t\u00eb v\u00ebrtet\u00eb vet\u00ebm pak n\u00ebn sip\u00ebrfaqe vlojn\u00eb konflikte p\u00ebr pushtet e shtet\u00ebsi. N\u00eb rastin e marr\u00ebdh\u00ebnieve Shqip\u00ebri-Kosov\u00eb, tensionet politike dhe ambiciet konfliktuese po ziejn\u00eb dhe efekti do t\u00eb favorizoj\u00eb n\u00eb radh\u00eb t\u00eb par\u00eb axhend\u00ebn rajonale t\u00eb Serbis\u00eb.<\/p>\n<p>Kryeministri i Kosov\u00ebs, Albin Kurti, ka kritikuar publikisht kryeministrin shqiptar Edi Rama p\u00ebr p\u00ebrkrahjen q\u00eb i jep presidentit serb Aleksandar Vu\u00e7i\u00e7 duke e ndihmuar n\u00eb projektimin e nj\u00eb statuti p\u00ebr nj\u00ebsin\u00eb autonome serbe n\u00eb Kosov\u00eb pa u konsultuar me Prishtin\u00ebn. Ai vuri n\u00eb dukje edhe se Rama nuk ka arritur t\u00eb b\u00ebj\u00eb nj\u00eb propozim t\u00eb ngjash\u00ebm p\u00ebr shqiptar\u00ebt n\u00eb Lugin\u00ebn e Preshev\u00ebs, ndon\u00ebse Neni 8 i Kushtetut\u00ebs Shqiptare e detyron Tiran\u00ebn t\u00eb mbroj\u00eb t\u00eb drejtat e shqiptar\u00ebve n\u00eb t\u00eb gjitha vendet, sidomos n\u00eb Ballkan.<\/p>\n<p>N\u00eb fakt, Prishtina ka inate t\u00eb mbledhura me Tiran\u00ebn e sidomos kund\u00ebr qeveris\u00eb aktuale socialiste. Lider\u00ebt kosovar\u00eb kan\u00eb ngritur pyetje serioze p\u00ebr p\u00ebrkrahjen e Ram\u00ebs p\u00ebr iniciativ\u00ebn e Ballkanit t\u00eb Hapur \u2013 nj\u00eb format q\u00eb favorizon objektivat ekspansioniste dhe tregtare serbe. Qeveria n\u00eb Tiran\u00eb shfaq fare pak solidaritet publik me Prishtin\u00ebn p\u00ebr \u00e7\u00ebshtje vitale n\u00eb dialogun me Beogradin.\u00a0<em>Madje shpesh duket se lidhjet personale mes Ram\u00ebs e Vu\u00e7i\u00e7it kan\u00eb m\u00eb tep\u00ebr vlera se shqet\u00ebsimet p\u00ebr sigurin\u00eb e Kosov\u00ebs dhe integrimin nd\u00ebrkomb\u00ebtar t\u00eb saj.<\/em><\/p>\n<p>Por, nj\u00eb loj\u00eb m\u00eb e madhe po luhet. Rama beson se Tirana duhet t\u00eb jet\u00eb qendra e \u201cbot\u00ebs shqiptare\u201d me Prishtin\u00ebn vet\u00ebm si nj\u00eb kryeqytet provincial. Synime t\u00eb tilla shihen me keqardhje nga thuajse t\u00eb gjith\u00eb lider\u00ebt politik\u00eb t\u00eb Kosov\u00ebs q\u00eb e shohin shtetin si arritjen e tyre m\u00eb t\u00eb madhe pas vitesh n\u00ebn Serbi e Jugosllavi. Ndon\u00ebse Kurti ka shprehur p\u00ebrkrahje potenciale p\u00ebr nj\u00eb shtet t\u00eb vet\u00ebm shqiptar p\u00ebrmes procedurave demokratike dhe nj\u00eb referendumi t\u00eb hapur, \u00ebsht\u00eb e v\u00ebshtir\u00eb t\u00eb imagjinosh q\u00eb ai do t\u00eb pranoj\u00eb nj\u00eb bashkim me Shqip\u00ebrin\u00eb ku statusi i Kosov\u00ebs do t\u00eb degradonte n\u00eb nivel province. P\u00ebr m\u00eb tep\u00ebr, sa m\u00eb gjat\u00eb q\u00eb Kosova ekziston si shtet, aq m\u00eb e thell\u00ebs \u00ebsht\u00eb ndjesia e dallimit midis popullat\u00ebs s\u00eb saj dhe mungesa e d\u00ebshir\u00ebs p\u00ebr t\u00eb qen\u00eb s\u00ebrish t\u00eb varur.<\/p>\n<p>Rama shfaq nj\u00eb pik\u00ebpamje pan-shqiptarizmi me Tiran\u00ebn n\u00eb qend\u00ebr, ku mund t\u00eb b\u00ebhen marr\u00ebveshje pa p\u00ebrfshirjen e lider\u00ebve t\u00eb zgjedhur n\u00eb Prishtin\u00eb. Prej aty buronte edhe p\u00ebrkrahja e heshtur e Tiran\u00ebs p\u00ebr ndarjen e Kosov\u00ebs gjat\u00eb presidenc\u00ebs s\u00eb Trumpit, me veriun e Kosov\u00ebs q\u00eb do t\u2019i jepej Serbis\u00eb dhe pjesa tjet\u00ebr do t\u2019i bashkohej Shqip\u00ebris\u00eb. Ndon\u00ebse kjo marr\u00ebveshje sekrete nuk u b\u00eb publike, u zbuluan mjaft detaje p\u00ebr ndryshimin e kufijve q\u00eb implikonin bashk\u00eb Serbin\u00eb dhe Shqip\u00ebrin\u00eb. Propozimet e Trumpit n\u00eb fund u fut\u00ebn n\u00eb sirtar\u00eb pasi has\u00ebn n\u00eb rezistenc\u00eb t\u00eb fort\u00eb nd\u00ebrkomb\u00ebtare dhe k\u00ebrc\u00ebnuan t\u00eb rindiznin rajonin.<\/p>\n<p>Projekti m\u00eb i ri parashikon rindarjen e rajonit pa i ndryshuar kufijt\u00eb dhe me sa duket ka siguruar aprovimin e administrat\u00ebs Biden. Ballkani Per\u00ebndimor do t\u00eb ndahet n\u00eb tri sfera t\u00eb dallueshme influence, n\u00eb t\u00eb cilat Beogradi, Tirana dhe Zagrebi do t\u00eb fitonin influenc\u00eb politike dhe ekonomike mbi fqinj\u00ebt e vegj\u00ebl, p\u00ebrfshir\u00eb Kosov\u00ebn, Bosnj\u00eb-Hercegovin\u00ebn dhe Malin e Zi. N\u00ebn presionin nd\u00ebrkomb\u00ebtar, shtetet m\u00eb t\u00eb dob\u00ebta do t\u00eb pritej t\u00eb bindeshin me q\u00ebllim sigurimin e stabilitetit rajonal.<\/p>\n<p>Kritikat e Kurtit p\u00ebr Ram\u00ebn tregojn\u00eb q\u00eb ky plan njihet mir\u00eb n\u00eb Prishtin\u00eb dhe po i tharton edhe m\u00eb tej marr\u00ebdh\u00ebniet midis dy shteteve shqiptare. N\u00eb m\u00ebnyr\u00eb paradoksale, pasi ka b\u00ebr\u00eb rezistenc\u00eb t\u00eb fort\u00eb karshi Beogradit p\u00ebr disa dekada, Prishtina tani duhet t\u2019i b\u00ebj\u00eb rezistenc\u00eb edhe sindrom\u00ebs s\u00eb \u201cv\u00ebllait t\u00eb madh\u201d q\u00eb ka Tirana. Kosovar\u00ebt do t\u2019u kund\u00ebrvihen p\u00ebrpjekjeve p\u00ebr t\u00eb kufizuar pavar\u00ebsin\u00eb e tyre apo skemave t\u00eb tilla serbe si \u201cshoqata e komunave\u201d q\u00eb do ta b\u00ebnte shtetin pa diskutim jofunksional politikisht. V\u00ebrtet, Kurti duhet t\u00eb marr\u00eb n\u00eb konsiderat\u00eb thirrjen e zgjedhjeve t\u00eb parakohshme p\u00ebr t\u00eb demonstruar se sa p\u00ebrkrahje publike ka realisht qeveria n\u00eb rezistenc\u00ebn kund\u00ebr presionit p\u00ebr t\u2019i b\u00ebr\u00eb l\u00ebshime Beogradit. Kjo do t\u2019u d\u00ebrgonte nj\u00eb sinjal t\u00eb fort\u00eb edhe qytetar\u00ebve shqiptar\u00eb q\u00eb fati i Kosov\u00ebs nuk mund t\u00eb vendoset n\u00eb Tiran\u00eb.<\/p>\n<p>Grindjet midis Shqip\u00ebris\u00eb dhe Kosov\u00ebs e nd\u00ebrmjet lider\u00ebve shqiptar\u00eb n\u00eb dy an\u00ebt e kufirit shtet\u00ebror mund t\u00eb jen\u00eb konstruktive n\u00ebse ato \u00e7ojn\u00eb n\u00eb nisma t\u00eb reja dhe p\u00ebrfshijn\u00eb publikun e t\u00eb dy vendeve n\u00eb diskutimet p\u00ebr nj\u00eb t\u00eb ardhme t\u00eb p\u00ebrbashk\u00ebt. Megjithat\u00eb, mosmarr\u00ebveshja aktuale i sh\u00ebrben kryesisht interesave t\u00eb administrat\u00ebs s\u00eb Vu\u00e7i\u00e7it n\u00eb tri m\u00ebnyra. S\u00eb pari, mb\u00ebshtetja nga Tirana forcon pozicionin e Beogradit n\u00eb dialogun me Prishtin\u00ebn. S\u00eb dyti, zvog\u00eblon statusin e Kosov\u00ebs, si n\u00eb Uashington, ashtu edhe n\u00eb Bruksel, nd\u00ebrkoh\u00eb q\u00eb rrit reputacionin e Ram\u00ebs si zgjidh\u00ebs i problemeve rajonale. Dhe s\u00eb treti, ushqen akuzat stereotipike serbe se shqiptar\u00ebt jan\u00eb t\u00eb paaft\u00eb p\u00ebr t\u00eb qeverisur veten dhe kan\u00eb nevoj\u00eb p\u00ebr nj\u00eb padron rajonal.<\/p>\n","protected":false},"excerpt":{"rendered":"<p>Nga Janusz Bugajski, The GeoPost Ndon\u00ebse shqiptar\u00ebt vazhdimisht e shfaqin unitetin komb\u00ebtar me val\u00ebvitje flamujsh, fjalime t\u00eb m\u00ebdha e gjeste simbolike, n\u00eb t\u00eb v\u00ebrtet\u00eb vet\u00ebm pak n\u00ebn sip\u00ebrfaqe vlojn\u00eb konflikte p\u00ebr pushtet e shtet\u00ebsi. N\u00eb rastin e marr\u00ebdh\u00ebnieve Shqip\u00ebri-Kosov\u00eb, tensionet politike dhe ambiciet konfliktuese po ziejn\u00eb dhe efekti do t\u00eb favorizoj\u00eb n\u00eb radh\u00eb t\u00eb par\u00eb &hellip;<\/p>\n","protected":false},"author":4,"featured_media":14437,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"footnotes":""},"categories":[44],"tags":[],"aioseo_notices":[],"_links":{"self":[{"href":"https:\/\/foltore.al\/index.php\/wp-json\/wp\/v2\/posts\/48698"}],"collection":[{"href":"https:\/\/foltore.al\/index.php\/wp-json\/wp\/v2\/posts"}],"about":[{"href":"https:\/\/foltore.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/foltore.al\/index.php\/wp-json\/wp\/v2\/users\/4"}],"replies":[{"embeddable":true,"href":"https:\/\/foltore.al\/index.php\/wp-json\/wp\/v2\/comments?post=48698"}],"version-history":[{"count":0,"href":"https:\/\/foltore.al\/index.php\/wp-json\/wp\/v2\/posts\/48698\/revisions"}],"wp:featuredmedia":[{"embeddable":true,"href":"https:\/\/foltore.al\/index.php\/wp-json\/wp\/v2\/media\/14437"}],"wp:attachment":[{"href":"https:\/\/foltore.al\/index.php\/wp-json\/wp\/v2\/media?parent=48698"}],"wp:term":[{"taxonomy":"category","embeddable":true,"href":"https:\/\/foltore.al\/index.php\/wp-json\/wp\/v2\/categories?post=48698"},{"taxonomy":"post_tag","embeddable":true,"href":"https:\/\/foltore.al\/index.php\/wp-json\/wp\/v2\/tags?post=48698"}],"curies":[{"name":"wp","href":"https:\/\/api.w.org\/{rel}","templated":true}]}}