{"id":4620,"date":"2022-02-14T10:59:44","date_gmt":"2022-02-14T10:59:44","guid":{"rendered":"https:\/\/rdnews.al\/?p=4620"},"modified":"2022-02-14T10:59:44","modified_gmt":"2022-02-14T10:59:44","slug":"mesnata-e-ftohte-e-nje-pushkatimi-barbar","status":"publish","type":"post","link":"https:\/\/foltore.al\/index.php\/2022\/02\/14\/mesnata-e-ftohte-e-nje-pushkatimi-barbar\/","title":{"rendered":"Mesnata e ftoht\u00eb e nj\u00eb pushkatimi barbar"},"content":{"rendered":"<p><strong>Nga Agim\u00a0 Xh. D\u00ebshnica<\/strong><\/p>\n<p>Pas pyetjesh e k\u00ebrkimesh t\u00eb shumta, aty nga viti 1993, buz\u00eb lumit Erzen, n\u00ebn nj\u00eb kodrin\u00eb af\u00ebr Ur\u00ebs s\u00eb Beshirit, u zbulua nj\u00eb grop\u00eb me eshtra njer\u00ebzish. \u00c7\u2019qe ajo!? Prania e grave t\u00eb p\u00ebrzishme dhe e burrave t\u00eb tronditur, tregonte se nuk ishte gjetur nj\u00eb tum\u00eb ilire, por nj\u00eb varr i p\u00ebrbashk\u00ebt, varr makab\u00ebr i vitit 1951. Nga shenja t\u00eb ndryshme ata njoh\u00ebn mbetjet nga trupat e 22 njer\u00ebzve t\u00eb dashur, t\u00eb pushkatuar n\u00eb mesnat\u00ebn e 26 shkurtit 1951, t\u00eb lidhur tok me tela me gjemba, midis tyre dhe nj\u00eb vajz\u00eb. Oh, tmerr! P\u00ebrse i vran\u00eb ata?<\/p>\n<p>Nuk do t\u00eb mjaftonin vrasjet e shum\u00eb patriot\u00ebve, pa gjyq e me gjyq, q\u00eb nis\u00ebn qysh nga n\u00ebntori i vitit 1944, kur sadisti Mehmet Shehu, i njohur p\u00ebr epitetet \u201cterror i bardh\u00eb\u201d, \u201cterror i kuq\u201d, n\u00eb vitin 1949 do t\u00eb shprehej: \u201cNe duhet ta ashp\u00ebrsojm\u00eb luft\u00ebn kund\u00ebr armiqve t\u00eb pushtetit ton\u00eb, t\u00eb vrasim njer\u00ebz, q\u00eb t\u00eb mundemi ta p\u00ebrballojm\u00eb situat\u00ebn.\u201d<\/p>\n<p>Viti 1951 ishte nj\u00eb koh\u00eb, kur shum\u00eb qytetar\u00eb t\u00eb zhg\u00ebnjyer shpresonin, se pas prishjes me jugosllav\u00ebt, do t\u00eb ndodhnin ndryshime t\u00eb thella. Ata q\u00eb kishin radio, d\u00ebgjonin Radio Londr\u00ebn, me sinjalin e njohur \u201cJu flet Londra!\u201d, apo Ankaran\u00eb, me \u201cBurasi Ankara!\u201d Shpresonin m\u00eb kot! Nd\u00ebrkoh\u00eb nat\u00ebn, aktivist\u00ebt e Frontit Demokratik, k\u00ebrkonin n\u00ebp\u00ebr rrug\u00ebt e tarracat e Tiran\u00ebs fletushkat e hedhura, ndoshta nga qielli, kurse dit\u00ebn n\u00ebp\u00ebr trotuare, civil\u00eb t\u00eb paguar gjurmonin kalimtar\u00eb t\u00eb dyshimt\u00eb. N\u00eb mure u duk\u00ebn pankarta me fjal\u00ebn e rrept\u00eb \u201cVigjilenc\u00eb!\u201d N\u00eb Durr\u00ebs, kur qytetar\u00ebt ktheheshin n\u00eb sht\u00ebpi, gjenin mbi radio letra me sh\u00ebnimin trondit\u00ebs: \u201dMos e hapni n\u00eb kanalet italiane!\u201d N\u00eb bregdet pushuesit porositeshin t\u00eb nd\u00ebrprisnin loj\u00ebn me domino e t\u00eb hynin nd\u00ebr fjetore. Nga dritaret dukej n\u00eb muzg patrulla e rojeve bregdetare me arm\u00eb n\u00eb duar. Banor\u00ebt e majmur t\u00eb Bllokut, nat\u00ebn shihnin \u00ebndrra t\u00eb frikshme me sulme t\u00eb befasishme nga deti e ajri dhe nga malet. Ndaj zgjoheshin t\u00eb trembur dhe n\u00eb mbledhje t\u00eb fshehta, hartonin lista arrestimesh me emra t\u00eb diktuara nga krer\u00ebt kryesor\u00eb t\u00eb partis\u00eb, disa t\u00eb njoftuara edhe nga agjent\u00ebt e sigurimit.<\/p>\n<p><strong>Befas, n\u00eb krahun e shkret\u00eb t\u00eb oborrit t\u00eb Ambasad\u00ebs Sovjetike n\u00eb rrug\u00ebn e Durr\u00ebsit n\u00eb Tiran\u00eb, shp\u00ebrtheu nj\u00eb sasi e pak\u00ebt dinamiti, nga e cila u thyen vet\u00ebm disa xhama. Dhe ja, brenda nj\u00eb nate, sipas listave t\u00eb p\u00ebrgatitura qysh m\u00eb par\u00eb, u shoq\u00ebruan t\u00eb lidhur mbi treqind vet\u00eb, midis tyre, Sabiha Kasimati, dijetare e Institutit t\u00eb Shkencave, Jonuz Kaceli, nga familja e madhe e Kacel\u00ebve, Fejzi Dika, i lauruar n\u00eb Montepelier p\u00ebr filozofi dhe pedagogji, poet e mendimtar patriot, Ing. Vasil No\u00e7ka, nj\u00eb prej yjeve t\u00eb Universitetit t\u00eb Shtutgardit, Prof. Ibrahim Babamusta, personalitet i njohur i kultur\u00ebs per\u00ebndimore, Gaqo Qano, doktor i kirurgjis\u00eb dentare, i kthyer nga studimet n\u00eb SHBA, Gani Strazimiri, inxhinier i shquar i nd\u00ebrtimit, Rrok Radovani, profesor i kimis\u00eb, Tefik Gabrani, ekonomist, zot\u00ebrues i disa gjuh\u00ebve, patriot i kthyer nga Selaniku n\u00eb atdhe p\u00ebr Kosov\u00ebn e shum\u00eb t\u00eb tjer\u00eb. Nga listat e zeza n\u00ebn diktatin e E. Hoxh\u00ebs dhe t\u00eb M. Shehut, u p\u00ebrzgjodh\u00ebn p\u00ebr pushkatim 22 vet\u00eb,<\/strong> t\u00eb gjith\u00eb banues n\u00eb Tiran\u00eb.<strong> Shum\u00eb njer\u00ebz qen\u00eb t\u00eb bindur se atentati dhe arrestimet u kryen me urdh\u00ebr nga lart, me an\u00ebn e sh\u00ebrbimit t\u00eb fsheht\u00eb, me emrin Sigurimi i Shtetit, duke fashitur k\u00ebshtu \u00ebndrrat e shpresat e qytetar\u00ebve p\u00ebr shembjen e diktatur\u00ebs. Asnj\u00eb nuk u pyet p\u00ebr ngjarjen e buj\u00ebshme me dinamit, por ve\u00e7 p\u00ebr ndodhi e biografi t\u00eb paraluft\u00ebs. Madje, pati zyrtar\u00eb rus\u00eb, q\u00eb nd\u00ebrhyn\u00eb p\u00ebr lirimin e disave prej tyre. Ishte koha, kur marr\u00ebdh\u00ebniet me Bashkimin Sovjetik, po b\u00ebnin hapat e para. <\/strong><\/p>\n<p>Ata 22 fatkeq\u00eb, pasi lind\u00ebn, u rrit\u00ebn dhe u shkolluan, ec\u00ebn n\u00ebp\u00ebr udh\u00ebn e jet\u00ebs, her\u00eb me g\u00ebzime t\u00eb pakta, her\u00eb t\u00eb tronditur nga zhg\u00ebnjime, apo nga dramat familjare, s\u00eb fundi do t\u2019i priste nj\u00eb mbarim tragjik, <strong>nga dora gjakatare e tiranit komunist E.Hoxha dhe e xhelatit M. Shehu. Pas arrestimit, u pushkatuan n\u00eb mbarim t\u00eb pes\u00eb dit\u00ebve, <\/strong>pa prokuror, pa gjyq e pa asnj\u00eb shpjegim zyrtar,<strong> n\u00eb mesnat\u00ebn e 26 shkurtit t\u00eb vitit 1951, pran\u00eb Ur\u00ebs s\u00eb Beshirit.<\/strong> Ky veprim u quajt i p\u00ebrligjur, sipas nj\u00eb dekreti mizor me gjasht\u00eb nene, p\u00ebr \u201cveprimtari terroriste\u201c, q\u00eb u hartua me vones\u00eb nga kreu i Ministris\u00eb s\u00eb Brendshme M. Shehu dhe u miratua rrufesh\u00ebm nga Presidumi i Kuvendit Popullor dhe Byroja e PPSH, m\u00eb 26 shkurt 1951, kur gjith\u00e7ka, pa gjyq, kishte marr\u00eb fund. Ministri i Drejt\u00ebsis\u00eb u p\u00ebrjashtua nga kjo orgji juridike e p\u00ebshtir\u00eb. 26 shkurti sh\u00ebnon nj\u00eb dat\u00eb t\u00eb zez\u00eb t\u00eb drejt\u00ebsis\u00eb shqiptare q\u00eb ngjeth jo vet\u00ebm \u00e7do jurist n\u00eb bot\u00eb, por edhe njeriun m\u00eb t\u00eb thjesht\u00eb. Nj\u00eb oficer i lart\u00eb i asaj kohe t\u00eb mbrapsht\u00eb d\u00ebshmon: \u201cP\u00ebr pushkatimin e k\u00ebtyre personave, nuk u b\u00eb gjyq! Ata u \u00e7uan direkt n\u00eb vendin e pushkatimit dhe nuk u la koh\u00eb p\u00ebr gjykimin e \u00e7\u00ebshtjes.\u201c Pra, asnj\u00eb seanc\u00eb gjyq\u00ebsore nuk u zhvillua. Nuk u d\u00ebgjua as prokurori, as gjyqtari. Mungonin d\u00ebshmitar\u00ebt dhe avokati. Viktimat, t\u00eb lidhur me tela me gjemba t\u00eb koh\u00ebs s\u00eb luft\u00ebs, i hip\u00ebn n\u00eb nj\u00eb kamion. Jonuz Kacelin t\u00eb vdekur nga torturat e hodh\u00ebn nga dritarja. Askush prej tyre nuk u njoh me vendimin. N\u00eb mes t\u00eb nat\u00ebs, kur era e maleve ul\u00ebrinte si mallkim, i pushkatuan barbarisht t\u00eb gjith\u00eb ashtu si\u00e7 qen\u00eb, t\u00eb lidhur tok. Kur krismat e arm\u00ebve pushuan, u d\u00ebgjua britma e dhimbshme e nj\u00eb gruaje: \u201c\u00c7\u2019i paskam b\u00ebr\u00eb per\u00ebndis\u00eb!\u201c Ishte Sabihaja! Plumbi nuk e kishte kapur! At\u00ebher\u00eb iu sul\u00ebn dhe ia shuan jet\u00ebn, duke e q\u00eblluar eg\u00ebrsisht me kondak\u00ebt e pushk\u00ebve. Pas disa \u00e7asteve, britmat e saj pushuan. Ndihej vet\u00ebm ul\u00ebrima e er\u00ebs dhe rrjedha e t\u00ebrbuar e Erzenit. Nj\u00eb vetull h\u00ebne e pik\u00eblluar rrez\u00ebllinte midis reve. T\u00eb vrar\u00ebt, ashtu si\u00e7 qen\u00eb, i mbuluan shkel e shko, n\u00eb nj\u00eb grop\u00eb t\u00eb p\u00ebrbashk\u00ebt. Gjith\u00e7ka kishte marr\u00eb fund. U d\u00ebgjua nj\u00eb motor q\u00eb u ndez. Xhelat\u00ebt, pasi mbaruan detyr\u00ebn me sukses, u zhduk\u00ebn si hajna n\u00ebp\u00ebr nat\u00eb. T\u00eb nes\u00ebrmen n\u00ebp\u00ebr sht\u00ebpit\u00eb e Tiran\u00ebs, fshatar\u00ebt e fshatit pran\u00eb, trokit\u00ebn t\u00eb tronditur dhe rr\u00ebfyen \u00e7\u2019kishte ndodhur n\u00eb mesnat\u00eb.<\/p>\n<p>Vite m\u00eb von\u00eb, nd\u00ebrsa punohej p\u00ebr shpyll\u00ebzimin e asaj zone, nj\u00eb traktoristi i ra t\u00eb fik\u00ebt, kur pa q\u00eb traktori nxori papritur nj\u00eb kufom\u00eb gruaje dhe po e hiqte zvarr\u00eb. Qe trupi i patretur i martires Sabiha Kasimati\u2026<\/p>\n<p>Pas ekzekutimit t\u00eb viktimave, q\u00eb shkuan drejt vdekjes pa e ditur pse, dokumentet gjyq\u00ebsore u plot\u00ebsuan t\u00eb mang\u00ebta. Kur viktimat nuk jetonin m\u00eb, nga nj\u00eb dokument i vonuar gjyq\u00ebsor, merret vesh nj\u00eb vandaliz\u00ebm i papar\u00eb, se m\u00eb dat\u00ebn 27 shkurt 1951, nj\u00eb trup gjyqtar\u00ebsh fantazm\u00eb i p\u00ebrb\u00ebr\u00eb nga tre vet\u00eb, pa pranin\u00eb e prokurorit, kishte dh\u00ebn\u00eb vendimin e d\u00ebnimit me vdekje p\u00ebr 22 t\u00eb vdekur! N\u00eb at\u00eb dokument t\u00eb turpsh\u00ebm mungon s\u00ebrish nj\u00eb n\u00ebnshkrim.<\/p>\n<p>Pra, bllokmen\u00ebt, uzurpator\u00ebt e Shqip\u00ebris\u00eb, me at\u00eb vrasje, k\u00ebrc\u00ebnuan gjith\u00eb popullin liridash\u00ebs, k\u00ebrc\u00ebnuan drejt\u00ebsin\u00eb, k\u00ebrc\u00ebnuan edhe Zotin. Me k\u00ebt\u00eb rast, E. Hoxha u rek t\u00eb tregonte dashurin\u00eb e madhe p\u00ebr miqt\u00eb e rinj sovjetik\u00eb, e mbi t\u00eb gjitha t\u00eb qet\u00ebsonte jet\u00ebn e tij t\u00eb mbrapsht. As Shekspiri i tragjedive, s\u2019do t\u00eb mund t\u00eb gjente fjal\u00eb p\u00ebr t\u00eb treguar, sesi brenda nj\u00eb nate u krye ajo masak\u00ebr e llahtarshme.<\/p>\n<p>Pas atij akti kriminal, diktatori E. Hoxha do t\u00eb hak\u00ebrrehej me grushtin lart: \u201cReaksioni i brendsh\u00ebm \u00ebsht\u00eb strukur si miu dhe po l\u00ebvizi, e piu e zeza!\u201d<\/p>\n<p>Ja, cil\u00ebt ishin ata, shumica n\u00eb mosh\u00eb t\u00eb re, q\u00eb humb\u00ebn jet\u00ebn, pa asnj\u00eb faj, nga pushkatimi mizor n\u00eb nat\u00ebn e ftoht\u00eb t\u00eb 26 shkurtit 1951:<\/p>\n<p><strong><em>Sabiha Kasimati<\/em><\/strong><\/p>\n<p>38 vje\u00e7e. E lindur n\u00eb Ed\u00ebrne t\u00eb Turqis\u00eb, e diplomuar n\u00eb Itali. Megjith\u00ebse iu ofrua nj\u00eb vend pune n\u00eb Shtetet e Bashkuara t\u00eb Amerik\u00ebs, ajo vajz\u00eb patriote e ditur, d\u00ebshiroi vendin e saj, Shqip\u00ebrin\u00eb. Pas kthimit n\u00eb atdhe, punoi n\u00eb Institutin e Shkencave, krahas shkenc\u00ebtar\u00ebve t\u00eb shquar n\u00eb histori. Si ishte e mundur t\u00eb d\u00ebnohej me vdekje dhe t\u00eb masakrohej nj\u00eb engj\u00ebllushe e atill\u00eb!? Fajtor p\u00ebr at\u00eb krim barbar ndaj asaj vajze t\u00eb rrall\u00eb dijetare, ishte vet\u00eb dora e p\u00ebrbind\u00ebshit ziliqar E. Hoxha.<\/p>\n<p><strong><em>Manush Peshk\u00ebpia<\/em><\/strong><\/p>\n<p>39 vje\u00e7, poet patriot, lindur n\u00eb Vlor\u00eb. Analist\u00ebt e let\u00ebrsis\u00eb e rendisin krahas me Fisht\u00ebn, Poradecin, Koliqin, Kutelin etj. Ja, si \u00ebsht\u00eb shprehur intelektuali i shquar Vedat Kokona:\u201cShum\u00eb nga shok\u00ebt e mi vdiq\u00ebn zem\u00ebrplasur pas dekadash me vuajtje dhe mjerime. Nj\u00eb nga k\u00ebta fatzinj ishe edhe ti, Manush. Askush n\u00eb k\u00ebt\u00eb sall\u00eb dhe jasht\u00eb saj nuk t\u00eb ka njohur si t\u00eb kam njohur un\u00eb, si v\u00ebllai, gjasht\u00ebdhjet\u00eb vjet m\u00eb par\u00eb\u2026 Shum\u00eb njer\u00ebz kam njohur n\u00eb jet\u00ebn time, pak kam \u00e7muar, shum\u00eb pak kam dashur si\u00e7 t\u00eb kam dashur ty. Ti shkruaje vjersha pa e hequr veten poet, t\u00eb mos jesh poet n\u00eb vargje, nuk \u00ebsht\u00eb faj. Faj \u00ebsht\u00eb t\u00eb mos jesh njeri. Ti, Manush, ishe poet njeri!\u201d Edhe pas pushkatimit nga terrori i kuq n\u00eb mesnat\u00ebn e 26 shkurtit, ky poet njeri mbeti i gjall\u00eb n\u00eb vargje e n\u00eb drit\u00eb.<\/p>\n<p><strong><em>Tefik Shehu<\/em><\/strong><\/p>\n<p>39 vje\u00e7, lindi n\u00eb Gjakov\u00eb. I diplomuar n\u00eb Zagreb p\u00ebr ekonomi, financ\u00eb dhe drejt\u00ebsi. N\u00eb vitin 1939 u vendos e punoi n\u00eb Tiran\u00eb. Pas pushtimit t\u00eb Shqip\u00ebris\u00eb u kthye n\u00eb Gjakov\u00eb. Atje u arrestua nga serb\u00ebt, por mundi t\u00eb shp\u00ebtonte me ndihm\u00ebn e nacionalist\u00ebve shqiptar\u00eb. M\u00eb 1945 u arrestua nga komunist\u00ebt shqiptar\u00eb n\u00eb Tiran\u00eb, por me ndihm\u00ebn e avokatit Ko\u00e7o Dilo, shp\u00ebtoi nga pushkatimi. M\u00eb 26 shkurt 1951, askush nuk mundi ta mbronte nga kriminel\u00ebt.<\/p>\n<p><strong><em>Pjerin Guraziu<\/em><\/strong><\/p>\n<p>45 vje\u00e7, lindur n\u00eb Shkod\u00ebr. Doktor i Shkencave Ekonomike, sportist me arritje t\u00eb nivelit nd\u00ebrkomb\u00ebtar. Pedagog n\u00eb shkoll\u00ebn tregtare t\u00eb Vlor\u00ebs. Drejtor i Dogan\u00ebs s\u00eb Tiran\u00ebs m\u00eb 1938. Pas luft\u00ebs, shef finance n\u00eb Ministrin\u00eb e Financave dhe n\u00eb Ministrin\u00eb e Bujq\u00ebsis\u00eb. An\u00ebtar i komisionit p\u00ebr organizimin e garave atletike n\u00eb Ballkaniad\u00ebn e vitit 1946. P\u00ebr k\u00ebto aft\u00ebsi meritoi pushkatimin.<\/p>\n<p><strong><em>Jonuz Kaceli<\/em><\/strong><\/p>\n<p>43 vje\u00e7, lindi n\u00eb Tiran\u00eb, n\u00eb familjen e madhe patriote t\u00eb Kacel\u00ebve, e njohur p\u00ebr sh\u00ebrbime n\u00eb dobi t\u00eb atdheut, n\u00eb ekonomi, kultur\u00eb, art etj. M\u00eb von\u00eb, sipas nj\u00eb d\u00ebshmitari, p\u00ebr k\u00ebto vlera, sadisti minist\u00ebr i Ministris\u00eb s\u00eb Brendshme M. Shehu e vrau me tortura dhe e hodhi nga dritarja.<\/p>\n<p><strong><em>Anton Delhysa<\/em><\/strong><\/p>\n<p>47 vje\u00e7, lindur n\u00eb Prizren. Specialist nd\u00ebrtimi, kishte kryer me p\u00ebrfundime t\u00eb shk\u00eblqyera Shkoll\u00ebn Teknike t\u00eb Fulzit. Njihet si drejtues i punimeve p\u00ebr nd\u00ebrtimin e Shkoll\u00ebs Amerikane n\u00eb Golem t\u00eb Kavaj\u00ebs, t\u00eb rikonstruksionit t\u00eb Shkoll\u00ebs Teknike t\u00eb Fulzit dhe t\u00eb Ambasad\u00ebs Amerikane n\u00eb Tiran\u00eb. Pas luft\u00ebs drejtoi punimet p\u00ebr nd\u00ebrtimin e fabrik\u00ebs s\u00eb sheqerit n\u00eb Maliq, p\u00ebr spitalin eGjirokastr\u00ebs, p\u00ebr fabrik\u00ebn e tullave n\u00eb Vor\u00eb, etj. P\u00ebr pun\u00ebn e tij, u dekorua edhe nga Presidiumi i Kuvendit Popullor. S\u00eb fundi, u shp\u00ebrblye me pushkatim!\u2026<\/p>\n<p><strong><em>Haki Kodra<\/em><\/strong><\/p>\n<p>30 vje\u00e7. Lindi n\u00eb Dib\u00ebr t\u00eb Madhe. Pasi u diplomua p\u00ebr ekonomi n\u00eb Universitetin e Zagrebit, u kthye n\u00eb Dib\u00ebr, ku ngriti nj\u00eb biznes t\u00eb madh, por u luftua nga serb\u00ebt, ndaj u largua dhe u vendos m\u00eb 1940 n\u00eb Tiran\u00eb. Pas luft\u00ebs punoi n\u00eb sektorin ekonomik. N\u00eb vitin e zi 1951 u pushkatua pa m\u00ebshir\u00eb e pafaj nga terrorist\u00ebt e kuq shqiptar\u00eb.<\/p>\n<p><strong><em>Gafur Jegeni<\/em><\/strong><\/p>\n<p>41 vje\u00e7. Lindi n\u00eb Dib\u00ebr. Ishte nj\u00eb nga p\u00ebrfaq\u00ebsuesit e shquar t\u00eb Jegen\u00ebve t\u00eb Dibr\u00ebs. Kreu studimet e larta n\u00eb Akademin\u00eb Ushtarake n\u00eb Itali. Nga viti 1935 m\u00eb 1937, komandant i kufirit bregdetar t\u00eb Shqip\u00ebris\u00eb. N\u00eb dit\u00ebt e prillit 1939 n\u00eb Vlor\u00eb, me grad\u00ebn kapiten, kreu detyr\u00ebn si patriot p\u00ebr mbrojtjen e atdheut. U arrestua dhe gjyqi ushtarak e d\u00ebnoi me vdekje, m\u00eb pas u internua n\u00eb Ventotene. U lirua nga anglo-amerikan\u00ebt m\u00eb 1943. Pas k\u00ebsaj u t\u00ebrhoq nga ushtria. N\u00eb shkurt t\u00eb vitit 1951, n\u00eb vend t\u00eb plotonit ushtarak italian t\u00eb ekzekutimit, u ndodh p\u00ebrball\u00eb skuadr\u00ebs s\u00eb pushkatimit barbar me ushtar\u00eb shqiptar\u00eb, q\u00eb mbanin yll t\u00eb kuq n\u00eb ball\u00eb.<\/p>\n<p><strong><em>Myftar Jegeni<\/em><\/strong><\/p>\n<p>36 vje\u00e7. Lindi n\u00eb Dib\u00ebr. Kreu Akademin\u00eb Ushtarake m\u00eb 1937 n\u00eb Itali. Me grad\u00ebn kapiten m\u00eb 7 prill 1939, luftoi n\u00eb Durr\u00ebs p\u00ebr mbrojtjen e atdheut, m\u00eb pas edhe kund\u00ebr ushtris\u00eb gjermane. Kund\u00ebrshtoi masakrat jugosllave, ndaj serb\u00ebt, pasi e arrestuan, e d\u00ebrguan n\u00eb duart e komunist\u00ebve n\u00eb Shqip\u00ebri. Pas prishjes s\u00eb marr\u00ebdh\u00ebnieve me Jugosllavin\u00eb, punoi llogaritar n\u00eb nj\u00eb nd\u00ebrmarrje nd\u00ebrtimi n\u00eb Tiran\u00eb, deri n\u00eb vitin 1951. Nuk mundi t\u00eb punonte m\u00eb, sepse n\u00eb at\u00eb mesnat\u00eb t\u00eb zez\u00eb e pushkatuan pabesisht.<\/p>\n<p><strong><em>Reiz Selfo<\/em><\/strong><\/p>\n<p>lindur n\u00eb Gjirokast\u00ebr. U shqua si nj\u00eb nga sip\u00ebrmarr\u00ebsit e aft\u00eb n\u00eb treg\u00ebti dhe n\u00eb nd\u00ebrtim. Disa nga veprat, si Firma \u201cSelfo\u201d n\u00eb Vlor\u00eb, Ura e famshme e Dragotit mbi lumin Vjos\u00eb, Ura e B\u00ebn\u00e7\u00ebs n\u00eb Tepelen\u00eb, disa shkolla, nd\u00ebr to, Gjimnazi n\u00eb Gjirokast\u00ebr dhe shum\u00eb t\u00eb tjera, jan\u00eb tregues t\u00eb qart\u00eb t\u00eb ndihm\u00ebs s\u00eb tij p\u00ebr lul\u00ebzimin e Shqip\u00ebris\u00eb. Si njeri bamir\u00ebs dikur i dha ndihm\u00eb financiare edhe vet\u00eb E. Hoxh\u00ebs, por dora e atij diktatori gjaktar, m\u00eb 26 shkurt 1951, ia rr\u00ebmbeu jet\u00ebn pa m\u00ebshir\u00eb biznesmenit t\u00eb madh patriot.<\/p>\n<p><strong><em>Qemal Kacaruho<\/em><\/strong><\/p>\n<p>49 vje\u00e7. Lindi n\u00eb Gjirokast\u00ebr. Ekonomist, zot\u00ebrues i disa gjuh\u00ebve t\u00eb huaja. N\u00eb vitet 20-40 punoi si kryeinspektor n\u00eb dogan\u00ebn e Sarand\u00ebs, m\u00eb pas drejtor i p\u00ebrgjithsh\u00ebm i Monopoleve dhe i Tatimeve n\u00eb Ministrin\u00eb e Financave. Nd\u00ebrkoh\u00eb, mori pjes\u00eb n\u00eb luft\u00ebn kund\u00ebr pushtueve italo-gjerman\u00eb. Pas luft\u00ebs nuk u pranua t\u00eb punonte si ekonomist n\u00eb Tiran\u00eb, por jasht\u00eb saj, n\u00eb minier\u00ebn e Rubikut. S\u00eb fundi, e lan\u00eb jasht\u00eb edhe nga jeta, por nuk mund\u00ebn ta fshinin nga kujtesa e kombit.<\/p>\n<p><strong><em>Zyhdi Herri<\/em><\/strong><\/p>\n<p>30 vje\u00e7. Lindi n\u00eb Tiran\u00eb. M\u00ebsoi n\u00eb Liceun e Kor\u00e7\u00ebs dhe n\u00eb Gjimnazin e Tiran\u00ebs, m\u00eb pas vazhdoi studimet p\u00ebr drejt\u00ebsi. Gjat\u00eb luft\u00ebs bashk\u00ebpunoi me Frontin N.\u00c7l. Pas luft\u00ebs, ishte kryeredaktor i gazet\u00ebs Bashkmi n\u00eb Tiran\u00eb. M\u00eb pas e priti nata e ftoht\u00eb e pushkatimit pa gjyq e pa faj.<\/p>\n<p><strong><em>Gjon Temali<\/em><\/strong><\/p>\n<p>47 vje\u00e7. Shkodran. N\u00eb vitet 40 studioi p\u00ebr farmaci n\u00eb Universitetin e Firences. Nga viti 1946 deri n\u00eb shkurt t\u00eb vitit 1951, farmacist n\u00eb Spitalin e Tiran\u00ebs. Ky njeri, i p\u00ebrkushtuar n\u00eb sh\u00ebrbimin human t\u00eb mjeksis\u00eb, u desh t\u00eb vritej si \u201cterrorist\u201d, pa gjyq e pa faj!<\/p>\n<p><strong><em>Petro Konomi<\/em><\/strong><\/p>\n<p>30 vje\u00e7. Lindur n\u00eb Kajro. Kreu studimet e larta n\u00eb Turqi, n\u00eb Robert Kolezh, mandej n\u00eb Akademin\u00eb Ushtarake n\u00eb Itali. Gjat\u00eb luft\u00ebs p\u00ebrkrahu Frontin N.\u00c7l. Pas luft\u00ebs u em\u00ebrua n\u00eb ATSH. Edhe ky punonj\u00ebs korrekt, duhej lidhur me tela, p\u00ebr t\u2019u vrar\u00eb barbarisht!<\/p>\n<p><strong><em>Niko Lezo<\/em><\/strong><\/p>\n<p>50 vje\u00e7. Lindur n\u00eb Delvin\u00eb. Kimist. Zot\u00ebrues i disa gjuh\u00ebve t\u00eb huaja. Kreu Universitetin e Tuluz\u00ebs n\u00eb vitin 1921. Dy vjet m\u00eb pas, ngriti t\u00eb parin laborator kimik n\u00eb Tiran\u00eb. Po at\u00eb vit zgjidhet deputet i Delvin\u00ebs. M\u00eb 1940 arrestohet e internohet n\u00eb Ventotene. Pas luft\u00ebs, punon s\u00ebrish kimist n\u00eb laboratorin, q\u00eb tashm\u00eb ishte n\u00ebn vart\u00ebsin\u00eb e Ministris\u00eb s\u00eb Sh\u00ebndet\u00ebsis\u00eb. Ky themelues i paharruar i laboratorit t\u00eb par\u00eb shqiptar, u pushkatua pa m\u00ebshir\u00eb p\u00ebr kurrfar\u00eb faji!<\/p>\n<p><strong><em>Pandeli Nova<\/em><\/strong><\/p>\n<p>59 vje\u00e7. Lindur n\u00eb Opar, n\u00eb nj\u00eb familje t\u00eb pasur. Ekonomist. Zot\u00ebrues i disa gjuh\u00ebve t\u00eb huaja. Deri n\u00eb vitin 1944 u mor me treg\u00ebti dhe nj\u00ebkoh\u00ebsisht ndihmoi Frontin N.\u00c7l. Pas luft\u00ebs punoi n\u00eb nj\u00eb shoq\u00ebri tregtare \u00e7eko-shqiptare. Prind i nj\u00eb djali partizan. N\u00eb mesat\u00ebn e 26 shkurtit 1951, d\u00ebgjoni p\u00ebr her\u00eb fundit, z\u00ebrin e ashp\u00ebr t\u00eb komandantit komunist: Zjarr!<\/p>\n<p><strong><em>Thoma Katundi<\/em><\/strong><\/p>\n<p>m\u00eb i \u201cvjetri\u201d n\u00eb mosh\u00eb, 64 vje\u00e7! Lindur n\u00eb Katund t\u00eb Kor\u00e7\u00ebs. Ish Vatran n\u00eb SHBA. I djegur nga malli, u kthye n\u00eb atdhe dhe punoi me ndershm\u00ebri. I edukuar nga idet\u00eb demokratike amerikane, duke p\u00ebrbuzur \u00e7do tirani, humbi jet\u00ebn m\u00eb 26 shkurt 1951. Faji i tij nuk ishte vet\u00ebm dashuria p\u00ebr lirin\u00eb, por edhe malli p\u00ebr atdheun!<\/p>\n<p><strong><em>Mehmet Shkupi<\/em><\/strong><\/p>\n<p>58 vje\u00e7. Lindi n\u00eb Shkup dhe banoi n\u00eb Tiran\u00eb. Ish pronar me arsim t\u00eb mes\u00ebm dhe me profesion mjesht\u00ebr kaloriferi. Dyshohej si \u201cagjent\u201d i Legat\u00ebs Franceze dhe se, gjoja, zhvillonte veprimtari terroriste. Pra, u d\u00ebnua me vdekje pa asnj\u00eb prov\u00eb e pa gjyq konkrete e pa gjyq!<\/p>\n<p><strong><em>Ali Qorraliu<\/em><\/strong><\/p>\n<p>61 vje\u00e7, tiranas i pasur, jurist. Kreu studimet e larta n\u00eb Kolegjin Juridik t\u00eb Selanikut. N\u00eb koh\u00ebn e luft\u00ebs p\u00ebrkrahu Ballin Komb\u00ebtar, ndaj edhe u burgos nga regjimi komunist. Si u lirua, e arrestuan s\u00eb dyti her\u00eb si \u201cterrorist\u201c dhe e pushkatuan pa m\u00ebshir\u00eb, pa gjyq! Kur u zbulua ai varr i kobsh\u00ebm masiv, u vu re se para pushkatimit ia kishin shkulur dh\u00ebmb\u00ebt e florinjt\u00eb!<\/p>\n<p><strong><em>Fadil Dizdari<\/em><\/strong><\/p>\n<p>me origjin\u00eb nga Shkodra, lindur n\u00eb Kavaj\u00eb. N\u00eb koh\u00ebn e Zogut kishte punuar si sekretar prefekture. I dashuruar pas librave, mbante hapur nj\u00eb librari n\u00eb qend\u00ebr t\u00eb Tiran\u00ebs. U arrestua dhe u pushktua pa gjyq, i dyshuar si \u201cterrorist\u201d, e \u201carmik i pushtetit popullor.\u201d N\u00eb t\u00eb v\u00ebrtet\u00eb, faji i tij ishte bujaria. Shiste pothuajse falas kryeveprat bot\u00ebrore, t\u00eb ashtuquajtuar libra \u201ct\u00eb verdha\u201d t\u00eb autor\u00ebve me fam\u00eb, si Viktor Hygo, Aleksand\u00ebr Dyma, Frederik Shiler, etj. Nga ai shp\u00ebtoi vet\u00ebm unaza e fejes\u00ebs, q\u00eb u gjet n\u00eb grop\u00eb, p\u00ebr t\u00eb d\u00ebshmuar krimin e fsheht\u00eb e barbar n\u00eb at\u00eb mesnat\u00eb t\u00eb paharruar.<\/p>\n<p><strong><em>Hekuran Troka<\/em><\/strong><\/p>\n<p>32 vje\u00e7. Lindi n\u00eb Ku\u00e7ov\u00eb dhe banoi n\u00eb Tiran\u00eb, me profesion tregtar. N\u00eb list\u00ebn e zez\u00eb p\u00ebr at\u00eb djal\u00eb t\u00eb hijsh\u00ebm, ishte sh\u00ebnuar: \u201ctregtar i dyshimt\u00eb spekulant\u201d, \u201cagjent i sh\u00ebrbimeve t\u00eb huaja\u201d dhe \u201c terrorist.\u201d U pushkatua i dyshuar, pa gjyq. Familja iu internua dhe punoi n\u00eb pun\u00eb t\u00eb r\u00ebnda p\u00ebr buk\u00ebn e goj\u00ebs!<\/p>\n<p><strong><em>Lluka Rashkovi\u00e7<\/em><\/strong><\/p>\n<p>51 vje\u00e7. Lindur n\u00eb Mal t\u00eb Zi. Ardhur n\u00eb Shqip\u00ebri me familjen n\u00eb koh\u00ebn e mbret\u00ebris\u00eb. Merrej me transport udh\u00ebtar\u00ebsh. Ishte jasht\u00eb \u00e7do rryme politike. P\u00ebr jet\u00ebn e past\u00ebr dhe pun\u00ebn e ndershme n\u00eb sh\u00ebrbim t\u00eb qytetar\u00ebve, e arrestuan dhe e pushkatuan pa gjyq!<\/p>\n<p>P\u00ebr at\u00eb grop\u00eb t\u00eb braktisur n\u00eb err\u00ebsir\u00ebn e ftoht\u00eb 60 vjet m\u00eb par\u00eb nga xhelat\u00ebt e nga fajtor\u00ebt e shekullit, fol\u00ebn eshtrat, fol\u00ebn edhe gur\u00ebt, fol\u00ebn arkivat e zbuluara edhe ato si gropa e t\u00eb vrar\u00ebve. Foli kujtesa e njer\u00ebzve t\u00eb ndersh\u00ebm, e motrave, v\u00ebllez\u00ebrive e nipave, foli kujtesa e nj\u00eb populli t\u00eb t\u00ebr\u00eb. Ishte nj\u00eb e folur me z\u00eb t\u00eb lart\u00eb, q\u00eb ta d\u00ebgjonte bota. p\u00ebr t\u00eb marr\u00eb vesh, se \u00e7\u2019ishte n\u00eb t\u00eb v\u00ebrtet\u00eb Republika Popullore Socialiste, ose Komuniste, e E. Hoxh\u00ebs dhe e M. Shehut, \u201cfanari ndri\u00e7ues\u201d, burgu e varri i p\u00ebrbashk\u00ebt i shqiptar\u00ebve!<\/p>\n<p><img loading=\"lazy\" decoding=\"async\" class=\"alignnone  wp-image-4621\" src=\"https:\/\/foltore.al\/wp-content\/uploads\/2022\/02\/ekz-300x228.png\" alt=\"\" width=\"392\" height=\"298\" srcset=\"https:\/\/foltore.al\/wp-content\/uploads\/2022\/02\/ekz-300x228.png 300w, https:\/\/foltore.al\/wp-content\/uploads\/2022\/02\/ekz-768x585.png 768w, https:\/\/foltore.al\/wp-content\/uploads\/2022\/02\/ekz.png 788w\" sizes=\"(max-width: 392px) 100vw, 392px\" \/><\/p>\n<p>RJEDHA LUMIT N\u00cbN UR\u00cb<\/p>\n<p><strong>-Kushtuar 22 intelektual\u00ebve t\u00eb vrar\u00eb 71 vjet m\u00eb par\u00eb, pa gjyq e pa faj, n\u00eb 26 shkurt- 1951, pran\u00eb Ur\u00ebs s\u00eb Beshirit<\/strong><\/p>\n<p><em>Erzeni trishtuesh\u00ebm te Ur\u00eb e Beshirit rrjedh,<\/em><br \/>\n<em>e sillet e shtillet vorbulla, te bregu n\u00ebn gjeth.<\/em><br \/>\n<em>Me psher\u00ebtim\u00eb n\u00eb zall, mbi bar hedh lot\u00eb-st\u00ebrkala<\/em><br \/>\n<em>sado krim n\u00eb terr, me p\u00ebshp\u00ebrim\u00eb p\u00ebrhapet fjala!<\/em><\/p>\n<p><em>Dritaret e hijet, dushqet e shkurret, tregojn\u00eb,<\/em><br \/>\n<em>p\u00ebr grop\u00eb martir\u00ebsh ne heshtje dhe gur\u00ebt vajtojn\u00eb.<\/em><br \/>\n<em>Dhe toka e zez\u00eb p\u00ebr njer\u00ebz t\u00eb mir\u00eb pa faj,<\/em><br \/>\n<em>nd\u00ebr tela me gjemba thurur gjall\u00eb, skaj m\u00eb skaj.<\/em><br \/>\n<em>Cil\u00ebs epoke tiran\u00ebsh u p\u00ebrkasin, o antropolog<\/em><br \/>\n<em>k\u00ebto eshtra shpupurisur n\u00eb pluhur t\u00eb lidhur tok?!<\/em><br \/>\n<em>Mos jan\u00eb ilire, n\u00eb err\u00ebsira koh\u00ebsh vrar\u00eb<\/em><br \/>\n<em>nga spata , shigjeta, ushta hordhish barbar\u00eb?<\/em><\/p>\n<p><em>Jo jo! Vrastar\u00ebt nuk jan\u00eb prej fisesh leshtor\u00eb,<\/em><br \/>\n<em>por komisar\u00eb t\u00eb kuq, me yll t\u00eb kuq gj\u00ebmbor\u00eb!<\/em><br \/>\n<em>Komisar\u00eb qelish, pa gjyqe, pa firm\u00eb e vul\u00eb.<\/em><br \/>\n<em>Komisar\u00eb pa shpirt, pa bes\u00eb, pa mend e pa turp.<\/em><\/p>\n<p><em>Komisar\u00eb me hak\u00ebrime e me mandat\u00ebn,<\/em><br \/>\n<em>me ngjirje, ploton\u00eb, krisma e plumba nat\u00ebn.<\/em><br \/>\n<em>Dhe bisha fle, kur ngryset n\u00eb pyll a n\u00eb shpell\u00eb!<\/em><br \/>\n<em>Dhe uj\u00ebt fle, drur\u00ebt prehen n\u00eb gjum\u00eb t\u00eb thell\u00eb!<\/em><\/p>\n<p><em>M\u00eb kot f\u00ebrkojn\u00eb duart me gjak komisar\u00ebt,<\/em><br \/>\n<em>m\u00eb kot mundohen t\u00eb harrohen gjith\u00eb t\u00eb vrar\u00ebt!<\/em><br \/>\n<em>Nga gropa, nga gropa shpirtrat fluturuan lart,<\/em><br \/>\n<em>me fllad Per\u00ebndie u qetua \u00e7do l\u00ebngat\u00eb!<\/em><\/p>\n<p><em>Nj\u00eb poet qiejsh nd\u00ebr muza, libra diturie,<\/em><br \/>\n<em>nj\u00eb bir Kosove e burr\u00eb i urt\u00eb malsie!<\/em><br \/>\n<em>Njeri fisnik nga der\u00eb artist\u00ebsh lul\u00ebzimi!<\/em><br \/>\n<em>Ekonomist nj\u00eb tjet\u00ebr me \u00ebndrra p\u00ebrparimi!<\/em><br \/>\n<em>Tjetri vatran, zhuritur nga mall m\u00ebrgimi!<\/em><\/p>\n<p><em>Nj\u00eb \u00ebngj\u00ebllore, nimfa e gjall\u00ebris\u00eb ujore,<\/em><br \/>\n<em>Sabi, Sabihaja, puhiza m\u00ebngjezore!<\/em><br \/>\n<em>N\u00eb lumej, det e oqean d\u00ebgjohet thirrje e saj,<\/em><br \/>\n<em>shpirti f\u00ebminor endet livadhesh n\u00eb parajs\u00eb.<\/em><br \/>\n<em>M\u00ebrm\u00ebrojn\u00eb val\u00ebt: Sabiha! Sabiha!<\/em><br \/>\n<em>Bu\u00e7asin dallg\u00ebt: Sabi! Sabiha! Sabiha!<\/em><\/p>\n<p><em>Erzeni u zgjua, te ur\u00eb e Beshirit rrjedh,<\/em><br \/>\n<em>e sillet e shtillet n\u00ebn lule e gjeth,<\/em><br \/>\n<em>me zhaurim\u00eb n\u00eb zall e mbi bar hedh lot\u00eb-st\u00ebrkala,<\/em><br \/>\n<em>p\u00ebr krime terri me ushtim p\u00ebrhapet fjala\u2026\u00a0<\/em><\/p>\n","protected":false},"excerpt":{"rendered":"<p>Nga Agim\u00a0 Xh. D\u00ebshnica Pas pyetjesh e k\u00ebrkimesh t\u00eb shumta, aty nga viti 1993, buz\u00eb lumit Erzen, n\u00ebn nj\u00eb kodrin\u00eb af\u00ebr Ur\u00ebs s\u00eb Beshirit, u zbulua nj\u00eb grop\u00eb me eshtra njer\u00ebzish. \u00c7\u2019qe ajo!? Prania e grave t\u00eb p\u00ebrzishme dhe e burrave t\u00eb tronditur, tregonte se nuk ishte gjetur nj\u00eb tum\u00eb ilire, por nj\u00eb varr i &hellip;<\/p>\n","protected":false},"author":4,"featured_media":4622,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"footnotes":""},"categories":[42],"tags":[],"aioseo_notices":[],"_links":{"self":[{"href":"https:\/\/foltore.al\/index.php\/wp-json\/wp\/v2\/posts\/4620"}],"collection":[{"href":"https:\/\/foltore.al\/index.php\/wp-json\/wp\/v2\/posts"}],"about":[{"href":"https:\/\/foltore.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/foltore.al\/index.php\/wp-json\/wp\/v2\/users\/4"}],"replies":[{"embeddable":true,"href":"https:\/\/foltore.al\/index.php\/wp-json\/wp\/v2\/comments?post=4620"}],"version-history":[{"count":0,"href":"https:\/\/foltore.al\/index.php\/wp-json\/wp\/v2\/posts\/4620\/revisions"}],"wp:featuredmedia":[{"embeddable":true,"href":"https:\/\/foltore.al\/index.php\/wp-json\/wp\/v2\/media\/4622"}],"wp:attachment":[{"href":"https:\/\/foltore.al\/index.php\/wp-json\/wp\/v2\/media?parent=4620"}],"wp:term":[{"taxonomy":"category","embeddable":true,"href":"https:\/\/foltore.al\/index.php\/wp-json\/wp\/v2\/categories?post=4620"},{"taxonomy":"post_tag","embeddable":true,"href":"https:\/\/foltore.al\/index.php\/wp-json\/wp\/v2\/tags?post=4620"}],"curies":[{"name":"wp","href":"https:\/\/api.w.org\/{rel}","templated":true}]}}