{"id":46175,"date":"2023-05-16T16:47:42","date_gmt":"2023-05-16T16:47:42","guid":{"rendered":"https:\/\/rdnews.al\/?p=46175"},"modified":"2023-05-16T16:47:42","modified_gmt":"2023-05-16T16:47:42","slug":"manipulimi-me-video-ja-si-i-kontrollonte-rilindja-votuesit","status":"publish","type":"post","link":"https:\/\/foltore.al\/index.php\/2023\/05\/16\/manipulimi-me-video-ja-si-i-kontrollonte-rilindja-votuesit\/","title":{"rendered":"Manipulimi me Video, ja si i kontrollonte “Rilindja” votuesit"},"content":{"rendered":"

Nga\u00a0Lapsi.al<\/a><\/strong><\/p>\n

P\u00ebrgjat\u00eb gjith\u00eb dit\u00ebs s\u00eb diel, si nj\u00eb nga format e shumta t\u00eb manipulimit t\u00eb votuesve u vu re edhe nj\u00eb sistem kapilar i patronazhist\u00ebve t\u00eb PS-s\u00eb q\u00eb ushtronin presion dhe kontrollonin votuesit t\u00eb cil\u00ebve u pat\u00ebn marr\u00eb m\u00eb par\u00eb premtimin se do u jepnin vot\u00ebn.<\/p>\n

Pra t\u00eb gjith\u00eb ata q\u00eb kan\u00eb k\u00ebmbyer hedhjen e flet\u00ebs s\u00eb tyre p\u00ebr PS-n\u00eb n\u00eb k\u00ebmbim t\u00eb nj\u00eb legalizim, pun\u00ebsimi t\u00eb p\u00ebrkohsh\u00ebm, shp\u00ebrblimi q\u00eb prisnin nga shteti apo bashkia, jan\u00eb mbik\u00ebqyrur n\u00eb m\u00ebnyr\u00ebn m\u00eb t\u00eb rrept\u00eb. K\u00ebt\u00eb e konfirmuan v\u00ebzhguesit nd\u00ebrkomb\u00ebtar\u00eb n\u00eb konferenc\u00ebn e tyre p\u00ebr shtyp t\u00eb mbajtur t\u00eb h\u00ebn\u00ebn.<\/p>\n

\u2018V\u00ebzhguesit e MNVZ-s\u00eb v\u00ebrejt\u00ebn tregues q\u00eb votuesit nxiteshin ose detyroheshin t\u00eb votonin p\u00ebr nj\u00eb parti t\u00eb caktuar, jasht\u00eb ambienteve t\u00eb 3 p\u00ebrqind t\u00eb qendrave t\u00eb votimit t\u00eb v\u00ebzhguara. Nd\u00ebrsa n\u00eb 11 p\u00ebrqind prej tyre, njer\u00ebz t\u00eb ndrysh\u00ebm nga an\u00ebtar\u00ebt e KQV-s\u00eb mbanin sh\u00ebnim zgjedh\u00ebsit q\u00eb kishin votuar.<\/p>\n

N\u00eb 6 p\u00ebrqind t\u00eb qendrave t\u00eb votimit t\u00eb v\u00ebzhguara, persona t\u00eb ndrysh\u00ebm nga an\u00ebtar\u00ebt e KQV-s\u00eb, kryesisht v\u00ebzhgues dhe aktivist\u00eb partish, nd\u00ebrhyn\u00eb ose udh\u00ebhoq\u00ebn procesin e votimit\u2019 u tha n\u00eb raportin paraprak t\u00eb OSBE ODHIR.<\/p>\n

Pra sikurse shihet edhe nga konfirmimi i v\u00ebzhguesve nd\u00ebrkomb\u00ebtar\u00eb, ky fenomen ka qen\u00eb masivisht i p\u00ebrhapur. I ilustruar ai shihet n\u00eb nj\u00eb video model q\u00eb gazetari i Euronevs, Renaldo Salianji pasqyroi n\u00eb ekran nga eksperienca e tij n\u00eb Bradashesh n\u00eb af\u00ebrsi t\u00eb Elbasanit.<\/p>\n

Ajo q\u00eb ndodh \u00ebsht\u00eb pak a shum\u00eb kjo.<\/p>\n

Nj\u00eb v\u00ebzhgues i PS mban sh\u00ebnim emrat dhe numrin rendor n\u00eb lista t\u00eb atyre q\u00eb jan\u00eb paraqitur apo edhe t\u00eb tjer\u00ebve q\u00eb nuk e b\u00ebjn\u00eb k\u00ebt\u00eb. Pasi numri del n\u00eb pajisjen e identifikimit elektronik ai hedh n\u00eb nj\u00eb let\u00ebr, p\u00ebr dy funksione.<\/p>\n

Ose q\u00eb t\u00eb konfirmoj\u00eb q\u00eb ai q\u00eb e ka premtuar vot\u00ebn e ka kryer detyrimin ose n\u00eb t\u00eb kund\u00ebrt p\u00ebr ti th\u00ebn\u00eb atyre q\u00eb jan\u00eb jasht\u00eb se ai q\u00eb ka th\u00ebn\u00eb se do t\u00eb votoj\u00eb p\u00ebr PS-n\u00eb nuk \u00ebsht\u00eb paraqitur ende.<\/p>\n

Nga ky moment tre kat\u00ebr makina q\u00eb jan\u00eb jasht\u00eb, n\u00ebn udh\u00ebzimin e patronazhistit q\u00eb ka kontaktet gjejn\u00eb njeriun q\u00eb ua ka prrmtuar vot\u00ebn por nuk ka vajtur ende ta hedh\u00eb at\u00eb.<\/p>\n

Kur gazetari e pyet v\u00ebzhguesin socialist se p\u00ebrse po mban sh\u00ebnime, ai me nj\u00eb naivitet t\u00eb shtir\u00eb i thot\u00eb se po mban statistika p\u00ebr t\u00eb para se sa vet\u00eb kan\u00eb votuar. Kur gazetari shkon tek pajisja elektronike q\u00eb t\u00eb v\u00ebrtetoj\u00eb se kjo pun\u00eb b\u00ebhet p\u00ebrmes teknologjis\u00eb, rilindasi b\u00ebn t\u00eb paditurin duke th\u00ebn\u00eb se nuk e dinte q\u00eb k\u00ebt\u00eb pun\u00eb e b\u00ebn\u00eb edhe makineria.<\/p>\n

Natyrisht kjo \u00ebsht\u00eb vet\u00ebm maja e ajsbergut e nj\u00eb skeme manipulimi q\u00eb ka funksionuar n\u00eb m\u00ebnyr\u00eb kapilare. Por kjo video demostron nga nj\u00ebra an\u00eb se si ka punuar makineria e patronazhist\u00ebve, q\u00eb si\u00e7 e kemi par\u00eb n\u00eb listat e rrjedhura dy vite m\u00eb par\u00eb kan\u00eb t\u00eb skanuara edhe hallet e k\u00ebrkesat q\u00eb ka \u00e7do votues, p\u00ebr t\u00eb nxitur njer\u00ebzit t\u00eb votojn\u00eb n\u00eb k\u00ebmbim t\u00eb benefiteve shtet\u00ebrore.<\/p>\n

Nga ana tjet\u00ebr ajo ilustron at\u00eb q\u00eb tha gjat\u00eb konferenc\u00ebs s\u00eb shtypit kryev\u00ebzhguesja Audrey Glover: \u2018E theksova dhe m\u00eb par\u00eb n\u00eb lidhje me personat q\u00eb detyroheshin t\u00eb votonin p\u00ebr nj\u00eb forc\u00eb t\u00eb caktuar. Autoritetet, disa her\u00eb tentonin t\u00eb ndihmonin q\u00eb kjo t\u00eb ndodhte. Pati disa raste t\u00eb tilla. Ndaj k\u00ebto manipulime dhe k\u00ebrc\u00ebnimet q\u00eb u b\u00ebhen njer\u00ebzve p\u00ebr t\u00eb votuar p\u00ebr nj\u00eb forc\u00eb t\u00eb caktuar, duhet t\u00eb ndalohen\u2019.<\/p>\n

\n