{"id":29573,"date":"2022-11-24T11:32:52","date_gmt":"2022-11-24T11:32:52","guid":{"rendered":"https:\/\/rdnews.al\/?p=29573"},"modified":"2022-11-24T11:33:15","modified_gmt":"2022-11-24T11:33:15","slug":"vrasjet-ne-elbasan-46-ore-e-50-minuta-pergjime-te-taulant-balles-me-vendim-gjykate","status":"publish","type":"post","link":"https:\/\/foltore.al\/index.php\/2022\/11\/24\/vrasjet-ne-elbasan-46-ore-e-50-minuta-pergjime-te-taulant-balles-me-vendim-gjykate\/","title":{"rendered":"Vrasjet n\u00eb Elbasan, 46 or\u00eb e 50 minuta p\u00ebrgjime t\u00eb Taulant Ball\u00ebs me vendim gjykate"},"content":{"rendered":"

Nga Basir \u00c7OLLAKU<\/strong><\/p>\n

Prokuroria me argument Gines, kush e urdh\u00ebroi t\u00eb thot\u00eb lapsus pas dy dit\u00ebve?<\/em><\/strong><\/p>\n

N\u00eb Elbasan me 3 shkurt 2016, ndodh nj\u00eb ngjarje e r\u00ebnd\u00eb, n\u00eb vriten tre persona, Agron \u00c7apja, Enver Sinakoli, Eno Bedalli dhe plagosen 7 t\u00eb tjer\u00eb. Hetimet e policis\u00eb dhe prokuroris\u00eb mb\u00ebrrijn\u00eb nd\u00ebr t\u00eb tjera n\u00eb nj\u00eb episode kritik.<\/p>\n

Hetuesit, n\u00eb t\u00eb dh\u00ebnat e mbledhura, mb\u00ebrrijn\u00eb n\u00eb konkluzionin se duhen p\u00ebrgjuar disa persona p\u00ebr t\u00eb mund\u00ebsuar prova p\u00ebr t\u00eb dyshuarit e vepr\u00ebs s\u00eb ndodhur. Mes tyre zbulohet dhe nj\u00eb num\u00ebr telefoni i Taulantit, thot\u00eb dosja, por realisht ai \u00ebsht\u00eb num\u00ebr publikisht i njohur dhe sipas publikimeve t\u00eb deputetit Balla.<\/p>\n

P\u00ebrgjimet i k\u00ebrkon policia, i miraton prokuroria dhe i cil\u00ebson t\u00eb vlefshme e bindur gjykata.<\/p>\n

Arsyeja e k\u00ebsaj k\u00ebrkese ka t\u00eb b\u00ebj\u00eb me faktin se sh\u00ebrbimet policore n\u00eb kryerjen e hetimeve ne rrug\u00eb operative kishin t\u00eb dh\u00ebna p\u00ebr shtetas, t\u00eb cil\u00ebt mund t\u00eb marrin ose transmetojn\u00eb komunikime nga t\u00eb dyshuarit, dhe v\u00ebzhgimi i t\u00eb cil\u00ebve mund t\u00eb \u00e7oj\u00eb n\u00eb zbulimin e vendndodhjes ose identitetit t\u00eb t\u00eb dyshuarve. Kjo \u00ebsht\u00eb arsye e mb\u00ebshtetur n\u00eb prova t\u00eb tjera, t\u00eb cilat policia dhe prokuroria ia kan\u00eb p\u00ebrcjell\u00eb gjykat\u00ebs, e cila \u00ebsht\u00eb bindur dhe ka miratuar nd\u00ebr t\u00eb tjera v\u00ebnien n\u00eb p\u00ebrgjim t\u00eb telefonit t\u00eb deputetit.<\/p>\n

K\u00ebshtu ka ndodhur edhe me Taulant Ball\u00ebn, t\u00eb cilin Gjykata e Elbasanit, bashk\u00eb me prokurorin\u00eb e k\u00ebtij rrethi gjyq\u00ebsor, n\u00eb vendimin e saj t\u00eb 17 shkurtit t\u00eb vitit 2016, nuk mundet ta sakt\u00ebsoj\u00eb me em\u00ebr dhe mbiem\u00ebr, p\u00ebr arsye procedure, frike, komprometimi, apo pushteti…<\/p>\n

\u00cbsht\u00eb numri i telefonit celular 0682055399, q\u00eb prokuroria dhe gjykata thon\u00eb thjesht njeriu Taulant. N\u00eb faqen zyrtare n\u00eb rrjetet sociale, Taulant Balla ka sh\u00ebnuar nd\u00ebr t\u00eb tjera dhe numrin e tij q\u00eb \u00ebsht\u00eb konkretisht 0682055399, pik\u00ebrisht numri i p\u00ebrgjuar nga prokuroria, cil\u00ebsuar i vlefsh\u00ebm si veprim hetimor nga ana e gjykat\u00ebs.<\/p>\n

Ligji nuk l\u00eb shteg p\u00ebr hamend\u00ebsime, ai sakt\u00ebson se: \u201cMe k\u00ebrkes\u00ebn e prokurorit, p\u00ebr rastet e lejuara n\u00eb paragrafin 1, t\u00eb nenit 221 t\u00eb Kodit t\u00eb Procedur\u00ebs Penale, gjykata autorizon p\u00ebrgjimin me vendim t\u00eb arsyetuar, kur ai \u00ebsht\u00eb i domosdosh\u00ebm p\u00ebr vazhdimin e hetimeve t\u00eb filluara dhe kur n\u00eb ngarkim t\u00eb personit ekziston nj\u00eb dyshim i arsyesh\u00ebm dhe i bazuar n\u00eb prova se ka kryer nj\u00eb vep\u00ebr penale\u201d.<\/p>\n

Por gjykat\u00ebsi, ashtu si\u00e7 ligji e p\u00ebrcakton qart\u00eb, ka miratuar k\u00ebrkes\u00ebn, pasi k\u00ebrkuesit e kan\u00eb bindur me provat e d\u00ebrguara n\u00eb dosje.<\/p>\n

Ardian \u00c7apja nga salla e gjyqit pak dit\u00eb m\u00eb par\u00eb, akuzoi prokurorin\u00eb p\u00ebr veprime dhe mosveprime, t\u00eb cilat kan\u00eb ndikuar n\u00eb zbardhjen e ngjarjeve t\u00eb shumta. Nd\u00ebr t\u00eb tjera n\u00eb seanc\u00ebn gjyq\u00ebsore, \u00c7apja pohoi se p\u00ebrgjimet e njeriut Taulant, politikan i lart\u00eb, jan\u00eb zhdukur, asgj\u00ebsuar<\/p>\n

Gjykata e ka pasur bashk\u00eb me prokurorin\u00eb, q\u00eb njeriut Taulant t\u2019i v\u00ebr\u00eb n\u00ebp\u00ebr shkresa edhe mbiemrin Balla.<\/p>\n

Po si ndodhi t\u00ebrheqja e prokuroris\u00eb dhe gjykat\u00ebs me emergjenc\u00eb?<\/p>\n

Nga erdhi urdhri? Si u bind gjykata nga prokuroria me argumentin lapsus pas 46 or\u00eb e 50 minutave? \u00c7far\u00eb kishte n\u00eb materialet e p\u00ebrgjuara? P\u00ebrse gjykata nuk pohon se ka ose jo transkripte t\u00eb k\u00ebtyre p\u00ebrgjimeve, material m\u00eb t\u00eb cilat ajo procedurialisht duhet t\u00eb jet\u00eb dosmodoshm\u00ebrisht e njohur dhe me pas dhe materialin n\u00eb CD audio, p\u00ebr t\u00eb identifikuar pretendimet e deriat\u00ebhershme?<\/p>\n

A \u00ebsht\u00eb p\u00ebrgjimi i numrit t\u00eb Taulant Ball\u00ebs, nj\u00eb p\u00ebrgjim procedural, q\u00eb k\u00ebrkohet nga prokurori p\u00ebr t\u00eb shnd\u00ebrruar n\u00eb prov\u00eb materialet e m\u00ebparshme t\u00eb policis\u00eb gjyq\u00ebsore, rreth t\u00eb cilave ka sh\u00ebrbyer indicia p\u00ebr t\u2019ju drejtuar gjykat\u00ebs? Natyrisht n\u00eb nj\u00eb hetim me standard dhe n\u00eb form\u00ebn e k\u00ebrkuar nga ligji po.<\/p>\n

Si u bind gjykat\u00ebsi p\u00ebr t\u00eb miratuar lejimin e p\u00ebrgjimit t\u00eb numrit t\u00eb mbajtur nga Taulant Balla, n\u00eb kuad\u00ebr t\u00eb p\u00ebrgjimeve t\u00eb personave, t\u00eb cil\u00ebt mund t\u00eb marrin ose transmetojn\u00eb komunikime nga t\u00eb dyshuarit dhe nga shtetas, v\u00ebzhgimi t\u00eb cil\u00ebve mund t\u00eb \u00e7oj\u00eb n\u00eb zbulimin e vendndodhjes ose identitetit t\u00eb t\u00eb dyshuarve ??! B\u00ebhet fjal\u00eb p\u00ebr t\u00eb dyshuar t\u00eb p\u00ebrfshir\u00eb n\u00eb ngjarjen e r\u00ebnd\u00eb me 3 shkurt 2016 n\u00eb lokalin e shtetasit Agron \u00c7apja, ku mbeten t\u00eb vdekur tre shtetas, e u plagos\u00ebn shtat\u00eb t\u00eb tjer\u00eb.<\/p>\n

Si paska sh\u00ebrbyer nj\u00eb lapsus edhe p\u00ebr t\u00eb miratuar edhe ndaluar p\u00ebrgjimin?! Kjo sepse t\u00eb dh\u00ebnat e marra nga p\u00ebrgjimet pas vendimit t\u00eb gjykat\u00ebs do t\u00eb sh\u00ebrbenin si prova. Vendimi i gjykat\u00ebs ka prishur edhe burimin e provave, duke k\u00ebrkuar asgj\u00ebsimin e materialeve dhe n\u00eb serverin e p\u00ebrgjimeve n\u00eb Prokurorin\u00eb e P\u00ebrgjithshme, duke mos mund\u00ebsuar nisjen e nj\u00eb procedimi penal. Nj\u00eb hetim serioz i pandikuar k\u00ebtyre mosveprimeve do t\u00eb nxirrte p\u00ebrgjegj\u00ebsin\u00eb e oficer\u00ebve t\u00eb policis\u00eb, prokuror\u00ebve dhe gjyqtar\u00ebve t\u00eb p\u00ebrfshir\u00eb n\u00eb k\u00ebt\u00eb operacion asgj\u00ebsimi.<\/p>\n

VENDIMI I PLOTE<\/strong><\/p>\n

Me dat\u00eb 03\/02\/2016, Prokuroria pran\u00eb Gjykat\u00ebs s\u00eb Shkall\u00ebs s\u00eb par\u00eb Elbasan, ka regjistruar procedimin penal nr. 229, i cili b\u00ebn fjal\u00eb p\u00ebr vepra penale t\u00eb \u201cvrasje n\u00eb rrethana t\u00eb tjetra cil\u00ebsuese\u201d kryer n\u00eb bashk\u00ebpunim dhe \u201cprodhim dhe mbajtje pa leje e arm\u00ebve luftarake dhe e municionit\u201d, parashikuar nga nenet 79 germa \u201cdh\u201d dhe \u201ce\u201d e 25 dhe 278 t\u00eb Kodit Penal.<\/p>\n

Nga t\u00eb dh\u00ebnat q\u00eb i bashk\u00ebngjiten k\u00ebrkes\u00ebs s\u00eb organit t\u00eb prokuroris\u00eb rezulton se:<\/p>\n

Me dat\u00eb 03.02\/2016, rreth or\u00ebs 20.00, n\u00eb lagjen \u201cEmin Matraxhiu\u201d t\u00eb qytetit t\u00eb Elbasanit, pik\u00ebrisht n\u00eb lokalin e shtetasit Agron \u00c7apja, persona t\u00eb paidentifikuar kan\u00eb q\u00eblluar me arm\u00eb zjarri, duke vrar\u00eb shtetasit\u00a0 Agron Ramazan \u00c7apja,\u00a0 Ardit Enver Sinakoli, dhe Eno Kujtim Bedalli. N\u00eb k\u00ebty\u00eb ngjarje jan\u00eb plagosur shtetasit Ardian Zharri, Fejzulla \u00c7apja, Ferit Mu\u00e7a, Luan Mu\u00e7a, Bujar(Panajot) Rreshka, Florenc \u00c7apja, dhe Arnold \u00c7apja.<\/p>\n

Sh\u00ebrbimet e policis\u00eb Gjyqsore n\u00eb Drejtorin\u00eb Vendore t\u00eb Policis\u00eb Elbasan, pas marrjes s\u00eb njoftimit, kan\u00eb marr\u00eb infoirmacion si dhe kan\u00eb kryer veprimet hetimore p\u00ebr dokumentimin e k\u00ebsaj ngjarjeje. Gjat\u00eb kryerjes s\u00eb vendit t\u00eb ngjarjes u gjet\u00ebn dhe sekuestruan n\u00eb cil\u00ebsin\u00eb e prov\u00ebs material, nj\u00eb automatik model 56 me Nr 11113214 me nj\u00eb kr\u00ebh\u00ebr pa fishek\u00eb, nj\u00eb kr\u00ebh\u00ebr automatiku model 56 me 26 cop\u00eb fishek\u00eb, 72 cop\u00eb g\u00ebzhoja model 56 me kapsolla t\u00eb goditura si dhe 3 predha\u00a0 calib\u00ebr 7.62 mm, t\u00eb cilat jan\u00eb d\u00ebrguar p\u00ebr ekzaminimet p\u00ebrkat\u00ebse laboratorike<\/p>\n

Gjat\u00eb kryerjes s\u00eb veprimeve hetimore n\u00eb rrug\u00eb operative , sh\u00ebrbimet e Policis\u00eb Gjyqsore n\u00eb Drejtorin\u00eb Vendore t\u00eb Policis\u00eb\u00a0 Elbasan, kan\u00eb marr\u00eb informacione p\u00ebr shtetas t\u00eb cil\u00ebt mund t\u00eb marrin ose transmetojn\u00eb komunikime nga t\u00eb dyshuarit, si dhe nga shtetas v\u00ebzhgimi i t\u00eb cil\u00ebve, mund t\u00eb \u00e7oj\u00eb n\u00eb zbulimin e vendndodhjes ose t\u00eb idnetitetit t\u00eb t\u00eb dyshuarve<\/p>\n

Me dat\u00eb 04\/02\/2016 oficer\u00ebt e Policis\u00eb Gjyqsore, t\u00eb Drejtopris\u00eb s\u00eb Policis\u00eb Vendore Elbasan, dhe konkretisht specialisti i hetimit\u00a0 p\u00ebr Krime t\u00eb R\u00ebnda shtetasi Eduart Hasani dhe shefi i sektorit p\u00ebr Krime t\u00eb R\u00ebnda, shtetasi Edvin Ndreu kan\u00eb de[pozituar n\u00eb Prokurorin\u00eb pran\u00eb Gjykat\u00ebs s\u00eb Shkall\u00ebs s\u00eb par\u00eb Elbasan, nj\u00eb informacion me t\u00eb cilin k\u00ebrkojn \u00ebp\u00ebrgjimin telefonik t\u00eb disa numrave t\u00eb kompanive t\u00eb telefonis\u00eb celulare q\u00eb operojn n\u00eb territorin e Republik\u00ebs s\u00eb Shqip\u00ebris\u00eb. Me an\u00eb t\u00eb k\u00ebtij informacioni. Policia Gjyqsore i ka k\u00ebrkuar Prokuroris\u00eb t\u00eb vendos\u00eb lejimin e menj\u00ebhersh\u00ebm t\u00eb p\u00ebrgjimit edhe p\u00ebr numrin e telefonit cellular\u00a0 0682055399,q\u00eb p\u00ebrdoret nga nj\u00eb shtetas me emrin Taulant<\/p>\n

Me vendimin e dat\u00ebs 04\/02\/2016 duke respektuar k\u00ebrkesat ligjore t\u00eb parashikuara n\u00eb nenin 222 pika 2 t\u00eb Kodit t\u00eb Procedur\u00ebs Penale, Prokurori ka vendosur lejimin e p\u00ebrgjimit t\u00eb menj\u00ebhersh\u00ebm t\u00eb numrave t\u00eb telefonit q\u00eb k\u00ebrkoheshin n\u00eb informacionin e Policis\u00eb Gjyqsore p\u00ebrfshir\u00eb k\u00ebtu edhe numrin e telefonit\u00a0 celular 0682055399 q\u00eb p\u00ebrdoret nga shtetasi me emrin Taulant. Ky vendim I \u00ebsht\u00eb njoftuar menj\u00ebher\u00eb Gjykat\u00ebs s\u00eb Rrethit Gjyqsor Elbasan.<\/p>\n

Gjykata e Rrethit Gjyqsor Elbasan me vendimin e saj Nr 88 dat\u00eb 05\/02\/2016 nd\u00ebr t\u00eb tjera ka vendsour. Vler\u00ebsimin e ligjsh\u00ebm t\u00eb vendimit dat\u00eb 04\/02\/2016 t\u00eb prokurorit p\u00ebr lejimin e p\u00ebrgjimit, p\u00ebrfshir\u00eb edhe numrin e telefonit 0682055399 q\u00eb p\u00ebrdoret nga shtetasi me emrin Taulant.<\/p>\n

N\u00eb dat\u00eb 06\/02\/2016 n\u00eb nr Protokoll 1947 n\u00eb Prokurori \u00ebsht\u00eb adminstruar shkresa Nr Protokolli 711 dat\u00eb 06\/02\/2016 e Drejtoris\u00eb vendore t\u00eb Policis\u00eb Elbasan, me t\u00eb cil\u00ebn ka d\u00ebrguar informacionin\u00a0e oficerit t\u00eb Policis\u00eb Gjyqsore Edvin Ndreu. Me k\u00ebt\u00eb informacion, organi i procedur\u00ebs njoftohet se:<\/p>\n

N\u00eb identifikimin e sakt\u00eb t\u00eb numrit t\u00eb telefonit 0682055399 q\u00eb p\u00ebrdoret nga shtetasi me emrin Taulant \u00ebsht\u00eb b\u00ebr\u00eb nj\u00eb lapsus. N\u00eb informacion oficeri Policis\u00eb Gjyqsore\u00a0 Edvin ndreu k\u00ebrkon nd\u00ebrprerjen e menj\u00ebhershme t\u00eb p\u00ebrgjimti p\u00ebr numrin 0682055399, q\u00eb p\u00ebrdoret nga shtetasi me emrin Taulant<\/p>\n

N\u00eb k\u00ebto rrethana organi i procedur\u00ebs, duke vler\u00ebsuar se p\u00ebr numrin e telefonit 0682055399 q\u00eb p\u00ebrdoret nga shtetasi me emrin Taulant, nuk ekzistojn\u00eb kushtet e p\u00ebrgjimit me 06\/02\/2016 ora 12.10 ka urdh\u00ebruar ndalimin e menj\u00ebhersh\u00ebm t\u00eb p\u00ebrgjimit t\u00eb tij dhe me shkres\u00ebn nr Prot\u00a01329 dat\u00eb 08\/02\/2016 ka njoftuar Gjykat\u00ebn e Rrethit Gjyqsor Elbasan, I cili e ka vler\u00ebsuar t\u00eb ligjsh\u00ebm vendimin e prokurorit p\u00ebr lejimin e p\u00ebrgjimit<\/p>\n

N\u00eb k\u00ebt\u00eb faz\u00eb t\u00eb hetimit paraprak duke vler\u00ebsuar se dokumentacioni i p\u00ebrgjimit t\u00eb numrit t\u00eb telefonit 0682055399 q\u00eb I p\u00ebrket shtetasit me emrin Taulant, nuk mund t\u00eb p\u00ebrdoret, sepse n\u00eb rastin organi i Procedur\u00ebs, nuk ka respektuar dispozitat e Kreut III seksioni IV t\u00eb Kodit t\u00eb Procedur\u00ebs Penale. Me t\u00eb drejt\u00eb organi i prokuroris\u00ebm, ka k\u00ebrkuar n\u00ebp\u00ebrmjet k\u00ebrkes\u00ebs objekt gjykimi, nga Gjykata e Rrethit Gjyqsor Elbasan, e cila ka dh\u00ebn\u00eb vendimin p\u00ebr lejimin e p\u00ebrgjimit, q\u00eb ky i fundit t\u00eb asgj\u00ebsohet, pik\u00ebrisht p\u00ebr shkak se ashti sikund\u00ebr thekson prokurori, me k\u00ebt\u00eb num\u00ebr ka ndodhur nj\u00eb lapsus<\/p>\n

!!!!!!!!!!<\/p>\n

Nisur nga k\u00ebrkimi I sip\u00ebrm I Prokurorit, Gjykata \u00e7mon se ka vend q\u00eb ajo t\u00eb pranohet nisur nga kjo mb\u00ebshtetje ligjore<\/p>\n

Neni 224<\/p>\n

1-Procesverbalet dhe regjistrimet ruhen pran\u00eb Prokuroris\u00eb q\u00eb ka urdh\u00ebruar p\u00ebrgjimin, derisa vendimi t\u00eb marr\u00eb form\u00eb t\u00eb prer\u00eb, me p\u00ebrjashtim t\u00eb atyre q\u00eb ndalohet p\u00ebrdorimi. Por kur ky dokumentacion nuk \u00ebsht\u00eb I nevojsh\u00ebm, t\u00eb interesuarit mund t\u00eb k\u00ebrkojn\u00eb asgj\u00ebsimin e tij. Mbi k\u00ebt\u00eb kl\u00ebrkes\u00eb vendos Gjykata q\u00eb ka b\u00ebr\u00eb vler\u00ebsimin e p\u00ebrgjimit. Asgj\u00ebsimi b\u00ebhet n\u00ebn kontrollin e gjyqtarit dhe p\u00ebr veprimin mbahet procesverbal<\/p>\n

2- Kur Prokurori vendos pushimin e \u00e7\u00ebshtjes duhe t\u00eb njoftoj\u00eb p\u00ebr k\u00ebt\u00eb vendim me shkrim gjykat\u00ebn. Gjykata vendos p\u00ebr asgj\u00ebsimin e procesverbaleve dhe regjistrimeve n\u00eb afatin e p\u00ebrcaktuar prej saj dhe v\u00eb n\u00eb dijeni personin e p\u00ebrgjuar. Me k\u00ebrkes\u00eb t\u00eb Prokurorit, ky njoftim mund t\u00eb mos b\u00ebhet n\u00eb rastin kur ka rrezik p\u00ebr jet\u00ebn ose sh\u00ebndetin e t\u00eb tjer\u00ebve, ose kur vihet n\u00eb rrezik nj\u00eb hetim i nisur<\/p>\n

Neni 226<\/p>\n

1-Rezultatet e p\u00ebrgjimit nuk mund t\u00eb p\u00ebrdoren kur jan\u00eb b\u00ebr\u00eb jasht\u00eb rasteve t\u00eb lejuara nga ligjiose kur nuk jan\u00eb respektuar dispozitat e k\u00ebtij seksioni<\/p>\n

2- Nuk mund t\u00eb p\u00ebrdoren p\u00ebrgjimet e bisedave ose t\u00eb komunikimeve t\u00eb atyre q\u00eb jan\u00eb t\u00eb detyruar t\u00eb ruajn\u00eb sekretin p\u00ebr shkak t\u00eb profesionit apo detyr\u00ebs, me p\u00ebrjashtim t\u00eb rasteve kur k\u00ebta persona kan\u00eb deponuar mbi t\u00eb nj\u00ebjtat fakte ose i kan\u00eb p\u00ebrhapur n\u00eb ndonj\u00eb m\u00ebnyr\u00eb tjet\u00ebr.<\/p>\n

3- Gjykata urdh\u00ebron asgj\u00ebsimin e dokumentacionit t\u00eb p\u00ebrgjimeve q\u00eb ndalohet t\u00eb p\u00ebrdoren me p\u00ebrjashtim t\u00eb rasteve kur p\u00ebrb\u00ebjn\u00eb prov\u00eb materiale.<\/p>\n

Nisur nga p\u00ebrmbajtja e sip\u00ebrmeve e dispozitave ligjore rezulton se n\u00eb rastin konkret jemi p\u00ebrpara faktit juridik kur me urdh\u00ebr t\u00eb prokurorit\u00a0 p\u00ebrgjimi I nr t\u00eb telefonit cellular 0682055399 q\u00eb mbahet nga personi me emrin Taulant \u00ebsht\u00eb ndalaur si dhe n\u00eb rrethanat ku po prej vet\u00eb prokurorit \u00ebsht\u00eb k\u00ebrkuar asgj\u00ebsimi I p\u00ebrgjimeve t\u00eb kryera ndaj k\u00ebtij nr p\u00ebr periudh\u00ebn dat\u00eb 04\/02\/2016 ora 13:20 deri me dat\u00eb 06\/022016 deri me dat\u00eb 06\/02\/2016 ora 12:10 Gjykata \u00e7mon se ky k\u00ebrkim \u00ebsht\u00eb I bazuar n\u00eb ligj dhe duhet pranuar. Materialet e p\u00ebrgjimit p\u00ebr k\u00ebt\u00eb periudh\u00eb kohore t\u00eb cilat ju b\u00ebn\u00eb prezent gjykat\u00ebs n\u00ebp\u00ebrmjet shkres\u00ebs me NR Prot 1731 dat\u00eb 17\/02\/2016 t\u00eb inkorporuara n\u00eb nj\u00eb CDduhet t\u00eb asgj\u00ebsohen n\u00eb prani t\u00eb gjyqtarit, sapo ky vendim t\u00eb marr\u00eb form\u00eb t\u00eb prer\u00eb. Po k\u00ebshtu gjykata \u00e7mon se p\u00ebr arsye t\u00eb sekretit t\u00eb hetimit personi I p\u00ebrgjuar me emrin Taulant nuk duhet t\u00eb njoftohet lidhur me k\u00ebt\u00eb veprim procedurial-hetimor<\/p>\n

P\u00ebr k\u00ebto arsye<\/p>\n

Gjykata duke par\u00eb edhe nenet 224-226 t\u00eb Kodit t\u00eb Procedur\u00ebs penale<\/p>\n

VENDOSI<\/p>\n