{"id":2378,"date":"2022-01-15T13:05:37","date_gmt":"2022-01-15T13:05:37","guid":{"rendered":"http:\/\/rdnews.al\/?p=2378"},"modified":"2022-01-15T13:05:37","modified_gmt":"2022-01-15T13:05:37","slug":"kush-rron-duke-shpresuar","status":"publish","type":"post","link":"https:\/\/foltore.al\/index.php\/2022\/01\/15\/kush-rron-duke-shpresuar\/","title":{"rendered":"\u201cKush rron duke shpresuar\u201d…"},"content":{"rendered":"

Nga Ramadan Pasma\u00e7iu<\/strong><\/p>\n

t r e g i m<\/em><\/strong><\/p>\n

At\u00eb e prun\u00eb n\u00eb spital nat\u00ebn. Me autoambulanc\u00ebn e urgjenc\u00ebs. Gjet\u00ebn nj\u00eb krevat t\u00eb lir\u00eb pran\u00eb meje dhe e shtruan aty. Ishte me temperatur\u00eb dhe r\u00ebnkonte leht\u00eb. Gjer n\u00eb m\u00ebngjes nuk mbylla sy as un\u00eb. U ngrita dhe nisa t\u2019i sillesha rrotull, pa ditur si t\u2019i vija n\u00eb ndihm\u00eb. Dy her\u00eb shkova dhe thirra infermieren.<\/p>\n

Her\u00ebn e par\u00eb ajo m\u2019u p\u00ebrgjigj me t\u00eb qeshur:<\/p>\n

– Uh, hahahaaa! Mos kij merak, se ia lexova anamnez\u00ebn! As ndonj\u00eb gj\u00eb q\u00eb t\u00eb dhemb fort s\u2019ka, e as ndonj\u00eb gj\u00eb me rrezik! Por, duket, qenka tip zevzek! Do e b\u00ebn gurgulen\u00eb! Shko e k\u00ebputja gjumit ti! At\u00eb b\u00ebj!<\/p>\n

Her\u00ebn e dyt\u00eb infermierja m\u2019u p\u00ebrgjigj e nxehur:<\/p>\n

– E di q\u00eb po m\u00eb m\u00ebrzit shum\u00eb? Nuk d\u00ebgjove \u00e7\u2019t\u00eb thash\u00eb q\u00ebpar\u00eb!? Hajt, shko e fli tani dhe l\u00ebm\u00eb edhe mua t\u2019i pulit pak qepallat!<\/p>\n

Kur zbardhi dita, i s\u00ebmuri i ardhur rishtas sikur u qet\u00ebsua.<\/p>\n

Kishte ball\u00eb t\u00eb gjer\u00eb an\u00ebve dhe flok\u00eb t\u00eb thinjur me onde. Fytyra e tregonte t\u00eb mbajtur. E l\u00ebmuar, thuajse pa asnj\u00eb rrudh\u00eb. Syt\u00eb – t\u00eb m\u00ebdhenj, t\u00eb kalt\u00ebr. Ishte i afruesh\u00ebm, i sinqert\u00eb. Fliste me nj\u00eb z\u00eb t\u00eb but\u00eb, t\u00eb urt\u00eb.<\/p>\n

– Ju lash\u00eb pa gjum\u00eb edhe juve, t\u00eb thuash t\u00eb v\u00ebrtet\u00ebn! – m\u00eb tha me keqardhje. – M\u00eb falni shum\u00eb!<\/p>\n

– \u00c7\u2019\u00ebsht\u00eb ajo! – ia ktheva buzagaz. – Nga qejfi s\u2019r\u00ebnkon njeriu!<\/p>\n

M\u00eb tregoi si me turp shqet\u00ebsimin e tij.<\/p>\n

I pask\u00ebsh dal\u00eb qysh dy – tri jav\u00eb m\u00eb par\u00eb nj\u00eb si pu\u00e7\u00ebr e kuqe, e vock\u00ebl, tep\u00ebr e vock\u00ebl, posht\u00eb, te testikula e majt\u00eb, po nuk i kishte dh\u00ebn\u00eb r\u00ebnd\u00ebsi. M\u00eb tej, dit\u00eb pas dite, ajo i qenk\u00ebsh zmadhuar, i digjte e i p\u00ebrv\u00eblonte. I jepte dhimbje, q\u00eb i ng\u00ebrthenin t\u00ebr\u00eb pjes\u00ebn e fundit t\u00eb barkut. Pati provuar lloj – lloj melhemrash, por m\u00eb kot! E kish lyer me jodio, alkool, pud\u00ebr, t\u00eb verdh\u00eb veze t\u00eb skuqur, rifocin\u00eb, gjer edhe i kishte v\u00ebn\u00eb sip\u00ebr qep\u00eb e sapun, me shpres\u00eb se mos i sh\u00ebrohej, por p\u00ebrs\u00ebri kot!<\/p>\n

Tunda kok\u00ebn. \u201c\u00c7\u2019b\u00ebn injoranca! – thash\u00eb me vete. – E k\u00ebrkon ndihm\u00ebn e mjek\u00ebsis\u00eb, kur e sheh q\u00eb nuk ka nga t\u2019ia mbaj\u00eb! Dhe jo si njer\u00ebzit me shkoll\u00eb, q\u00eb sulen te mjeku me shqet\u00ebsimin e par\u00eb!\u201d Po \u00e7\u2019faj kish i ziu, n\u00eb ishte njeri i pashkolluar! Nga t\u2019ia dije rrethanat jet\u00ebsore, q\u00eb e kishin l\u00ebn\u00eb t\u00eb atill\u00eb!<\/p>\n

N\u00eb k\u00ebto e sip\u00ebr m\u00eb erdhi keq p\u00ebr t\u00eb dhe k\u00ebrkova t\u00eb merrja me mend se cili ish profesioni i tij. Her\u00eb m\u00eb ngjante si berber, her\u00eb si kamerier, si banakier… Por, nga berberi anonte m\u00eb shum\u00eb, gjersa ishte gjithnj\u00eb i rruar dhe fliste me mir\u00ebsjellje. Kush e ka mir\u00ebsjelljen e berber\u00ebve! A nuk t\u00eb lodhin, kur t\u00eb rruajn\u00eb a t\u00eb qethin, me nj\u00ebqind pyetje! Si i keni nga sht\u00ebpia? Si shkoni me pun\u00eb? Si ashtu e si k\u00ebshtu? Dhe s\u2019e reshtin at\u00eb buz\u00ebqeshjen e shp\u00eblar\u00eb fillim e mbarim!<\/p>\n

– Si nuk shkove menj\u00ebher\u00eb te doktori, or burr\u00eb i dheut!? – e pyeta serioz.<\/p>\n

Ai, p\u00ebrs\u00ebri si inferior para meje, se sigurisht e ndiente se kishte t\u00eb b\u00ebnte me nj\u00eb djal\u00eb t\u00eb arsimuar e jo me nj\u00eb si veten, m\u2019u p\u00ebrgjigj \u00ebmb\u00ebl – \u00ebmb\u00ebl:<\/p>\n

– M\u00eb vinte edhe nj\u00eb \u00e7ik\u00eb zor, t\u00eb thuash t\u00eb v\u00ebrtet\u00ebn, se \u00ebsht\u00eb n\u00eb vend ters pu\u00e7ra e uruar!<\/p>\n

– Gabim! – i dhash\u00eb mend un\u00eb. – Burra jemi, s\u2019jemi gra! Edhe grat\u00eb, tek e fundit, kur kan\u00eb sikletet e tyre, pa doktor\u00eb s\u2019b\u00ebjn\u00eb dot!<\/p>\n

– Po, po! Ashtu \u00ebsht\u00eb! Ndaj shkova n\u00eb ambulanc\u00ebn e lagjes, t\u00eb thuash t\u00eb v\u00ebrtet\u00ebn, ve\u00e7 para kat\u00ebr – pes\u00eb dit\u00ebsh, ama, si m\u2019u mblodh keq.<\/p>\n

– Aaaa! Von\u00eb! Shum\u00eb von\u00eb!<\/p>\n

– V\u00ebrtet, djal\u00eb! Eee, ku e pata fjal\u00ebn? M\u00eb dhan\u00eb ca gjilp\u00ebra atje, po hi\u00e7, nj\u00eb v\u00ebr\u00eb n\u00eb uj\u00eb, t\u00eb thuash t\u00eb v\u00ebrtet\u00ebn! K\u00ebsisoj, u katandisa t\u00eb th\u00ebrrisja n\u00eb sht\u00ebpi urgjenc\u00ebn. Dhe ja, tek m\u00eb soll\u00ebn k\u00ebtu, n\u00eb kirurgji! Tani t\u00eb shohim! V\u00ebnt\u00eb dor\u00eb natyra, se, t\u00eb thuash t\u00eb v\u00ebrtet\u00ebn, frik\u00eb t\u00eb madhe kam! Ja, k\u00ebshtu, djal\u00eb!<\/p>\n

– Shtyje frik\u00ebn tutje, – i thash\u00eb, – se s\u2019ka s\u00ebmundje pa ila\u00e7! Tani je n\u00eb duar t\u00eb doktor\u00ebve! Apo s\u2019jan\u00eb shpuz\u00eb k\u00ebta t\u00eb kirurgjis\u00eb! Artist\u00eb fare jan\u00eb! At\u00eb q\u00eb ke ti s\u2019e kan\u00eb p\u00ebr gj\u00eb! Ta dish prej meje! \u00c7r\u00ebk – fr\u00ebk do t\u00eb t\u00eb sh\u00ebrojn\u00eb! D\u00ebgjon? Dhe kij besim m\u00eb shum\u00eb! Po m\u00eb b\u00ebjn\u00eb njeri mua, q\u00eb erdha n\u00eb spital me nj\u00eb k\u00ebmb\u00eb n\u00eb varr! – Desha t\u2019i tregoja di\u00e7ka p\u00ebr vete, q\u00eb ta qet\u00ebsoja mir\u00eb, t\u2019i jepja zem\u00ebr, po s\u2019arrita. Hyri papritur mjeku i dhom\u00ebs, nj\u00eb kirurg djalosh, i gjat\u00eb e trupngjeshur, q\u00eb ta mbushte syrin.<\/p>\n

– Mir\u00ebm\u00ebngjesi! – na tha t\u00eb dyve dhe iu drejtua atij: – H\u00eb, profesor, si u gdhit\u00eb?<\/p>\n

– Ja, mo, Berti djali, t\u00eb thuash t\u00eb v\u00ebrtet\u00ebn, – iu p\u00ebrgjigj ai, – s\u2019kam fjetur gjith\u00eb nat\u00ebn! \u00c7\u2019qe kjo q\u00eb m\u00eb zuri!?<\/p>\n

– Oooo, ju lutem! – buz\u00ebqeshi kirurgu. – Ju t\u00eb flisni k\u00ebshtu!? Kaq me pesimiz\u00ebm!? Ju q\u00eb na keni m\u00ebsuar!? E p\u00ebrse? P\u00ebr ca pun\u00eb \u00e7ik\u00ebrrimash!<\/p>\n

Dhe vazhdoi t\u2019i thoshte se s\u00eb shpejti do t\u00eb bindej q\u00eb gjith\u00e7ka do t\u00eb kalonte p\u00ebr bukuri. Qysh at\u00eb m\u00ebngjes do t\u2019i b\u00ebnin ca analiza, por do t\u2019i fillonin paraprakisht edhe nj\u00ebfar\u00eb mjekimi. Ai pa or\u00ebn.<\/p>\n

– Ja, pas pak, do t\u00eb jemi k\u00ebtu p\u00ebr konsult\u00eb t\u00ebr\u00eb mjek\u00ebt e pavionit.<\/p>\n

Kur mbet\u00ebm vet\u00ebm, si mora vesh i befasuar se pran\u00eb meje ishte profesori e jo i pashkolluari, berberi, kamerieri a banakieri, q\u00eb t\u00eb mos dukesha i pagdhendur, e ndryshova menj\u00ebher\u00eb form\u00ebn e komunikimit. I tregova emrin e mbiemrin. Nisa t\u2019i flisja me \u201cju\u201d. I tregova \u00e7\u2019pun\u00eb b\u00ebja e nga se vuaja. Dhe ai m\u00eb tha se e quanin Sotiraq, se ishte pedagog n\u00eb Shkencat e Natyr\u00ebs, e t\u00eb tjera, e t\u00eb tjera.<\/p>\n

– E keni titullin profesor, besoj!<\/p>\n

– E kam, e \u00e7\u00eb! \u00c7\u2019pesh\u00eb ngre titulli! Pu\u00e7ra, kur do, t\u00eb del atje tek s\u2019thuhet, qofsh makar president i Amerik\u00ebs!<\/p>\n

Un\u00eb nuk qesha. E v\u00ebshtrova i heshtur, i menduar. Profesori shtoi se merrte vesh nga ato soje pu\u00e7rash, s\u2019ishte profan, ndaj qe i shqet\u00ebsuar. Ca m\u00eb tep\u00ebr, q\u00eb s\u2019i kishin b\u00ebr\u00eb efekt turli mjekimesh n\u00eb sht\u00ebpi!<\/p>\n

– Ja, kjo \u00ebsht\u00eb! S\u00eb paku, gjer tani s\u2019m\u00eb ka dh\u00ebn\u00eb t\u00eb kuptoj gj\u00ebra t\u00eb mira. P\u00ebr m\u00eb pas nuk di \u00e7\u2019t\u00eb them! S\u2019dal dot mbi natyr\u00ebn, t\u00eb thuash t\u00eb v\u00ebrtet\u00ebn!<\/p>\n

K\u00ebt\u00eb shprehje e p\u00ebrdorte shpesh, ve\u00e7 si rrjedh\u00eb logjike t\u00eb atyre q\u00eb thoshte. Ndaj ajo nuk m\u2019i vriste vesh\u00ebt dhe ai nuk b\u00ebhej i r\u00ebnd\u00eb n\u00eb bised\u00eb. P\u00ebrkundrazi! Mbetej t\u00ebrheq\u00ebs.<\/p>\n

Mjek\u00ebt i mor\u00ebn dy – tri her\u00eb gjak p\u00ebr analiz\u00eb, i mor\u00ebn urin\u00ebn n\u00eb or\u00eb t\u00eb ndryshme t\u00eb dit\u00ebs dhe kampion p\u00ebr biopsi. I regjistronin temperatur\u00ebn rregullisht si \u00e7do t\u00eb s\u00ebmuri, por edhe kurat ia nis\u00ebn menj\u00ebher\u00eb. Antibiotik\u00eb n\u00eb form\u00eb gjilp\u00ebrash e hapash dhe barna t\u00eb tjera. Megjithat\u00eb, dit\u00ebt kalonin dhe gjendja ngelej p\u00ebrs\u00ebri e err\u00ebt. Aty – k\u00ebtu v\u00ebrehej ndonj\u00eb p\u00ebrmir\u00ebsim i vog\u00ebl, po q\u00eb shuhej shpejt. Dhe m\u00eb e keqja ish se po fillonte enjtja, nj\u00eb enjtje me ngjyr\u00eb t\u00eb frikshme, mavi n\u00eb k\u00e0fe, q\u00eb, si\u00e7 ma shpjegonte profesori, po shtrihej nga e majta n\u00eb t\u00eb djatht\u00eb, duke p\u00ebrfshir\u00eb edhe testikul\u00ebn tjet\u00ebr e duke ia shtuar dhimbjet.<\/p>\n

Tashm\u00eb ai nuk fliste shum\u00eb, madj\u00e9 rrinte or\u00eb t\u00eb t\u00ebra me kok\u00ebn n\u00ebn batanie. Shtirej sikur flinte. Por, isha i bindur se me at\u00eb mbyllje n\u00eb vetvete, u dor\u00ebzohej mendimeve t\u00eb tij t\u00eb kobshme. Hidhej e pritej prej tyre si nj\u00eb gog\u00ebl, duke u p\u00ebrplasur nga nj\u00eb \u00e7ast n\u00eb tjetrin n\u00ebp\u00ebr paretet e ftohta metalike t\u00eb fundit tragjik.<\/p>\n

Erdhi me nj\u00eb shiring n\u00eb dor\u00eb infermierja, s\u00eb cil\u00ebs i kisha k\u00ebrkuar ndihm\u00eb qysh nat\u00ebn e par\u00eb t\u00eb ardhjes s\u00eb tij.<\/p>\n

– \u00c7\u2019b\u00ebn profesori, vet\u00ebm fle!? – m\u00eb pyeti mua si e habitur dhe ia t\u00ebrhoqi batanien ngadal\u00eb. – Kthehuni p\u00ebrmbys, profesor! Do t\u2019ju b\u00ebj gjilp\u00ebr\u00ebn! – Po, tek v\u00ebrejti se fytyra e tij ishte tjet\u00ebrsuar nga tmerri, mbaroi pun\u00eb duke psher\u00ebtir\u00eb dhe i tha: – Asgj\u00eb s\u2019keni! Asgj\u00eb fare! Kot b\u00ebheni merak! Sa kam par\u00eb un\u00eb k\u00ebtu! Por, \u00ebsht\u00eb m\u00eb keq me ju q\u00eb jeni me kultur\u00eb shum\u00eb e me shkoll\u00eb t\u00eb madhe, se kujtoni q\u00eb i dini t\u00eb gjitha dhe vet\u00ebm tek e keqja ju vete mendja. Kurse ata q\u00eb jan\u00eb me tri – kat\u00ebr klas\u00eb, e stakojn\u00eb trurin q\u00eb s\u00e9fte, s\u2019e vrasin kok\u00ebn fort, dhe e shtyjn\u00eb n\u00eb qet\u00ebsi e me shpres\u00eb. – Pastaj ajo qeshi, por leht\u00eb dhe \u00ebmb\u00ebl.<\/p>\n

Profesori ia ktheu:<\/p>\n

– T\u00eb thuash t\u00eb v\u00ebrtet\u00ebn, kan\u00eb nj\u00eb proverb italian\u00ebt: \u201cChi vive speranto, lui more cacando!\u201d – Dhe \u00e7udit\u00ebrisht, ia dha gazit s\u00eb pari her\u00eb.<\/p>\n

Infermierja m\u2019u afrua dhe un\u00eb ia p\u00ebrktheva n\u00eb vesh. U shqye s\u00eb qeshuri edhe ajo pas profesorit, nj\u00ebsoj si asaj nate, me hahaha-ra t\u00eb zgjatura. Tek largohej, u ndal te pragu i der\u00ebs dhe shtoi duke tundur gishtin:<\/p>\n

– Ne i kemi proverbat tona shum\u00eb m\u00eb t\u00eb mira, profesor! \u201cAs guri nga thika, as burri nga frika!\u201d – Dhe doli.<\/p>\n

Profesori i thirri nga pas:<\/p>\n

– Eja prap\u00eb, eja prap\u00eb, se qenke ila\u00e7! – Dhe nuk e mbuloi m\u00eb kok\u00ebn. Ndenji p\u00ebr pak si i menduar e m\u2019u kthye mua:<\/p>\n

– E zgjuar, grua e zgjuar, t\u00eb thuash t\u00eb v\u00ebrtet\u00ebn! Neve, q\u00eb, demek, kemi ca gram\u00eb, ku nuk na shkon mendja dhe b\u00ebhemi nj\u00eb dor\u00eb. E un\u00eb, jo se kam frik\u00eb nga vdekja, se njeri jam e njeriu nj\u00eb her\u00eb vdes, po doja q\u00eb m\u00eb par\u00eb t\u2019i kisha mbyllur ca halle. Nj\u00eb vajz\u00eb t\u00eb vetme q\u00eb kam, p\u00ebr shembull, \u00ebsht\u00eb ende e pafejuar. S\u2019dua t\u2019ia nxij zemr\u00ebn, pa e \u00e7uar n\u00eb rehatin\u00eb e saj. Po ime shoqe? N\u00eb mosh\u00ebn q\u00eb ka, vet\u00ebm t\u00eb mbetet?\u2026 Jan\u00eb edhe gj\u00ebra t\u00eb tjera, t\u00eb thuash t\u00eb v\u00ebrtet\u00ebn, plot gj\u00ebra t\u00eb tjera jan\u00eb, q\u00eb\u2026<\/p>\n

Ai s\u2019vazhdoi dot. Z\u00ebri iu pre e iu mbush\u00ebn syt\u00eb. Pra, e pask\u00ebsh ndar\u00eb mendjen se ishte me… S\u2019ma b\u00ebn goja ta them!<\/p>\n

Dhe ja, u duk n\u00eb mesdit\u00eb mjeku i dhom\u00ebs, Berti. Ai vinte shpesh aty. Ulej pran\u00eb profesorit dhe bisedonte me t\u00eb miq\u00ebsisht. Jo ve\u00e7 p\u00ebr s\u00ebmundjen, por p\u00ebr tema t\u00eb ndryshme. Vinte jo vet\u00ebm si mjek, po edhe si mik e vizitor, t\u2019i largonte shqet\u00ebsimin, ta ushqente me humor. Kurse k\u00ebt\u00eb radh\u00eb atij vet\u00eb i mungonte humori. Erdhi pak si me druajtje. U kuptua edhe nga hapat q\u00eb b\u00ebri tek hyri. T\u00eb ngadal\u00ebshme, si n\u00eb maj\u00eb t\u00eb gishtave.<\/p>\n

– H\u00eb, profesor, si shkojn\u00eb pun\u00ebt? – e pyeti duke iu ulur pran\u00eb e duke ia f\u00ebrkuar dor\u00ebn.<\/p>\n

– Di un\u00eb! Ju, mjek\u00ebt, \u00e7\u2019thoni?<\/p>\n

– Po ju, si ndjeheni?<\/p>\n

– \u00c7\u2019t\u00eb ndjehem! Gur n\u00eb rrokullim\u00eb, t\u00eb thuash t\u00eb v\u00ebrtet\u00ebn!<\/p>\n

– Aaaa, ju lutem, \u00e7\u2019\u00ebsht\u00eb kjo fjal\u00eb! S\u2019keni aspak t\u00eb drejt\u00eb! A nuk ju kam th\u00ebn\u00eb qysh n\u00eb fillim se gjith\u00e7ka do t\u00eb shkoj\u00eb mir\u00eb!?<\/p>\n

– Po ku \u00ebsht\u00eb e mira, ku \u00ebsht\u00eb!? Un\u00eb, Berti djali, \u00e7do dit\u00eb b\u00ebj tat\u00ebpjet\u00eb, t\u00eb thuash t\u00eb v\u00ebrtet\u00ebn! Si\u00e7 duken bath\u00ebt e priftit, s\u2019ka pashk\u00eb sivjet!<\/p>\n

– Ka, ka! Si s\u2019ka! – ia ktheu kirurgu. U p\u00ebrkul mbi t\u00eb dhe tundi kok\u00ebn si me qortim. Pastaj u prap\u00ebsua dhe mblodhi buz\u00ebt. Sikur pengohej t\u00eb thoshte di\u00e7ka. M\u00eb n\u00eb fund, i tregoi profesorit se t\u00eb gjith\u00eb mjek\u00ebt n\u00eb konsult\u00eb kishin menduar q\u00eb ekziston nj\u00eb m\u00ebnyr\u00eb e shpejt\u00eb p\u00ebr sh\u00ebrimin e tij, nj\u00eb m\u00ebnyr\u00eb fare e shpejt\u00eb. Dhe ajo do t\u00eb ishte rruga m\u00eb e mir\u00eb, m\u00eb oportune, e jo duke pritur gjat\u00eb efektin e mjekimit.<\/p>\n

– Po, h\u00eb, more, Berti djali! Ta marrim vesh, t\u00eb thuash t\u00eb v\u00ebrtet\u00ebn!<\/p>\n

Mjeku iu p\u00ebrgjigj se ishte fjala p\u00ebr nj\u00eb operacion t\u00eb thjesht\u00eb.<\/p>\n

– P\u00ebrse, mo, p\u00ebrse the!?<\/p>\n

– Duhet t\u2019jua heqim testikul\u00ebn e majt\u00eb, profesor, duhet patjet\u00ebr t’jua heqim!<\/p>\n

Profesorit iu ndal fryma.<\/p>\n

– Vet\u00ebm t\u00eb majt\u00ebn?<\/p>\n

– Po, po! Vet\u00ebm t\u00eb majt\u00ebn!<\/p>\n

Profesori piu nj\u00eb gllenjk\u00eb uj\u00eb dhe pastaj prap\u00eb e pyeti kirurgun me gjysm\u00eb z\u00ebri:<\/p>\n

– Je i bindur, biri im?<\/p>\n

– Qind p\u00ebr qind!<\/p>\n

– Dhe m\u00eb pas \u00e7\u2019ngjet me mua?<\/p>\n

– Kurrgj\u00eb e keqe! Dy dit\u00eb, tri, le t\u00eb themi kat\u00ebr, do t\u00eb rrini k\u00ebtu n\u00eb observacion pas operacionit. Pastaj do t\u00eb jeni i aft\u00eb t\u00eb ktheheni sh\u00ebndosh\u00eb e mir\u00eb n\u00eb sht\u00ebpi, si kokrra e moll\u00ebs, p\u00ebr t\u00eb vazhduar jet\u00ebn dhe pun\u00ebn normalisht.<\/p>\n

– T\u00eb t\u00eb besoj, Berti djali?<\/p>\n

Kirurgu qeshi paksa.<\/p>\n

– Si jo!<\/p>\n

Profesor Sotiraqit nuk po i vinte fytyra n\u00eb vend. Ai heshti p\u00ebr disa \u00e7aste, u mbush me frym\u00eb dhe iu afrua kirurgut disi m\u00eb shum\u00eb.<\/p>\n

– A t\u2019ju them di\u00e7ka n\u00eb vesh? Se, t\u00eb thuash t\u00eb v\u00ebrtet\u00ebn, s\u2019dua t\u00eb m\u00eb d\u00ebgjoj\u00eb ky i riu!<\/p>\n

– Jo, jo! Asgj\u00eb s\u2019keni \u00e7\u2019t\u00eb m\u00eb thoni! Ju kuptoj fare mir\u00eb. Funksioni i organit do t\u00eb vazhdoj\u00eb t\u00eb jet\u00eb, si gjithmon\u00eb, i rregullt.<\/p>\n

– Edhe p\u00ebr k\u00ebt\u00eb t\u00eb t\u00eb besoj, Berti djali?<\/p>\n

– Patjet\u00ebr!<\/p>\n

– Mos duhet konsultuar edhe me ndonj\u00eb mjek t\u00eb k\u00ebtij specialiteti?<\/p>\n

– Aspak!<\/p>\n

– U b\u00ebft\u00eb, de! T\u00eb thuash t\u00eb v\u00ebrtet\u00ebn, p\u00ebr operacionin e kam fjal\u00ebn!<\/p>\n

Kirurgu e p\u00ebrqafoi profesorin, i shtr\u00ebngoi dor\u00ebn dhe e porositi q\u00eb, ndon\u00ebse ai i tij nuk qe operacion plot goja, rregulli e k\u00ebrkonte t\u00eb mos hante ushqim n\u00eb dark\u00eb. Pra, t\u00eb pinte vet\u00ebm \u00e7aj. Dhe u largua.<\/p>\n

Bashk\u00eb me mbr\u00ebmjen, si ta d\u00ebrgonte dreqi vet\u00eb, erdhi n\u00eb dhom\u00eb infermierja tashm\u00eb e njohur. Ajo iu qas edhe m\u00eb atij dhe i foli si e g\u00ebzuar:<\/p>\n

– A ju thash\u00eb q\u00eb s\u2019keni gj\u00eb? Ja, nj\u00eb bisturi nes\u00ebr dhe do t\u00eb shkoni prap\u00eb te plaka!<\/p>\n

Profesori, edhe pse n\u00ebnqeshi, ia ktheu i prekur:<\/p>\n

– Aaaa, ju lutem! Mos flisni ashtu! E kam t\u00eb re gruan! Po edhe vet\u00eb plak s\u2019jam, t\u00eb thuash t\u00eb v\u00ebrtet\u00ebn!<\/p>\n

Infermieren sikur ta kishe shpuar befas nga pas me ndonj\u00eb maj\u00eb gjilp\u00ebre! Ajo u v\u00ebrvit p\u00ebrpjet\u00eb dhe i tha p\u00ebrmes nj\u00eb t\u00eb qeshure t\u00eb pap\u00ebrmbajtur:<\/p>\n

– Uh, hahahaaa! Do t\u00eb shoh\u00ebsh tani, q\u00eb do t\u2019jua heqin! Uh, hahahaaa! – Dhe doli duke rrahur gjunj\u00ebt me p\u00ebll\u00ebmb\u00eb.<\/p>\n

Profesorit sa s\u2019i ra t\u00eb fik\u00ebt.<\/p>\n

– Moj shoqe, moj mot\u00ebr, moj zonj\u00eb, ju lutem, kthehuni pak! – nisi t\u00eb th\u00ebrriste me z\u00eb t\u00eb mekur. – Kthehuni pak, se, t\u00eb thuash t\u00eb v\u00ebrtet\u00ebn, vet\u00ebm nj\u00eb pyetje kam, vet\u00ebm nj\u00eb pyetje!<\/p>\n

Po infermierja tashm\u00eb ishte larguar dhe as q\u00eb e d\u00ebgjonte. At\u00ebher\u00eb ai m\u2019u drejtua mua dyll\u00eb i verdh\u00eb:<\/p>\n

– \u00c7\u2019tha ajo ashtu, mor djal\u00eb? Se, t\u00eb thuash t\u00eb v\u00ebrtet\u00ebn, ma b\u00ebri gjakun uj\u00eb!<\/p>\n

– M\u00eb vjen keq, profesor, q\u00eb i besoni asaj! – u p\u00ebrpoqa ta qet\u00ebsoja. – Nuk e shihni \u00e7\u2019llafazane \u00ebsht\u00eb!?<\/p>\n

Po ai nuk u qet\u00ebsua.<\/p>\n

– K\u00ebtu di\u00e7 los, se, t\u00eb thuash t\u00eb v\u00ebrtet\u00ebn… – S\u2019po dinte \u00e7\u2019t\u00eb shtonte. Mezi merrte frym\u00eb. Pas pak, m\u2019u lut: – Bertin desha, vet\u00ebm Bertin! Ai e shkoqit k\u00ebt\u00eb pun\u00eb! Ai! A ma gjeni dot? H\u00eb? Si?<\/p>\n

Dola, e k\u00ebrkova n\u00ebp\u00ebr pavion. S\u2019dukej kurrkund. Pyeta mjekun e rojes. M\u00eb tha se ishte n\u00eb sht\u00ebpi. Iu luta t\u2019i telefononte e t\u00eb m\u00eb lidhte me t\u00eb, se kisha nj\u00eb problem t\u00eb ngutsh\u00ebm. I telefonoi pa ma zgjatur dhe m\u00eb dor\u00ebzoi receptorin. I thash\u00eb Bertit se e priste profesori t\u00eb vinte sa m\u00eb par\u00eb. E till\u00eb ishte puna. Po t\u00eb mos vinte, zor ta gdhinte nat\u00ebn pa ndonj\u00eb pasoj\u00eb t\u00eb r\u00ebnd\u00eb!<\/p>\n

Ai ia mb\u00ebrriti qull n\u00eb djers\u00eb, jo m\u00eb von\u00eb se pas nj\u00ebzet minutash. E kishte b\u00ebr\u00eb rrug\u00ebn me bi\u00e7iklet\u00eb. Vrapoi drejt profesorit, i preku pulsin dhe e pyeti:<\/p>\n

– \u00c7\u2019\u00ebsht\u00eb!?<\/p>\n

Dhe ky i tregoi duke iu mbajtur goja gjith\u00eb \u00e7\u2019kish ndodhur. Berti u nervozua.<\/p>\n

– Po pse, ju lutem, me shakat\u00eb e infermieres shkoni ju, profesor!? Hajt, pa di un\u00eb \u00e7\u2019i b\u00ebj! – U nis t\u00eb delte, por profesori e ndali. At\u00ebher\u00eb kirurgu i p\u00ebrs\u00ebriti, duke theksuar mir\u00eb \u00e7do fjal\u00eb, t\u00ebr\u00eb \u00e7far\u00eb i pati th\u00ebn\u00eb at\u00eb mesdit\u00eb.<\/p>\n

– Pra, Berti djali, vet\u00ebm t\u00eb majt\u00ebn, h\u00eb?<\/p>\n

– Po, po, po! Dhe asnj\u00eb pasoj\u00eb s\u2019do t\u00eb ket\u00eb p\u00ebr vitalitetin tuaj! M\u00eb lejoni t\u2019jua them m\u00eb hapur?<\/p>\n

– Ashtu, ashtu! M\u00eb hapur, m\u00eb hapur!<\/p>\n

– Do t\u00eb jeni si m\u00eb par\u00eb n\u00eb marr\u00ebdh\u00ebniet intime me bashk\u00ebshorten!<\/p>\n

Profesorit iu mbush fytyra me gjak.<\/p>\n

– T\u00eb mundova, bir! – i tha dhe e puthi n\u00eb ball\u00eb. – Po, t\u00eb thuash t\u00eb v\u00ebrtet\u00ebn, ajo e marrosura m\u00eb luajti mendsh!<\/p>\n

– L\u00ebreni at\u00eb! Apo t\u00eb shkoj ta marr e ta sjell t\u2019ju k\u00ebrkoj\u00eb t\u00eb falur?<\/p>\n

– Bah! \u00c7\u2019m\u00eb duhet pendesa e saj! Mua, t\u00eb thuash t\u00eb v\u00ebrtet\u00ebn, vet\u00ebm k\u00ebto q\u00eb m\u00eb the ti m\u00eb duheshin. Kthehu n\u00eb sht\u00ebpi tani, kthehu e \u00e7lodhu!<\/p>\n

Kirurgu e p\u00ebrqafoi profesorin dhe u largua, duke na tundur dor\u00ebn nga pragu i der\u00ebs.<\/p>\n

… Operacioni i profesor Sotiraqit shkoi mir\u00eb. Or\u00ebve t\u00eb para ai nuk ankohej m\u00eb p\u00ebr dhimbje e as p\u00ebr temperatur\u00eb, ve\u00e7se ndjente ca djegie atje posht\u00eb, po ato qenk\u00ebshin t\u00eb lehta e s\u2019u jepte r\u00ebnd\u00ebsi. Ishte i k\u00ebnaqur dhe gjith\u00eb besim. Gruan, vajz\u00ebn dhe t\u00ebr\u00eb t\u00eb af\u00ebrmit i largoi shpejt, se, sipas tij, t\u00eb thoshje t\u00eb v\u00ebrtet\u00ebn, nuk kishin p\u00ebrse b\u00ebheshin merak.<\/p>\n

T\u00eb pasnes\u00ebrmen, kur erdhi kryeinfermieri dhe po e mjekonte, ai i shkeli syrin dhe e pyeti si me shaka:<\/p>\n

– Rakip, ju lutem, sa shikoni aty, nj\u00eb apo asnj\u00eb?<\/p>\n

– \u00cbsht\u00eb nj\u00ebra, profesor, \u00ebsht\u00eb! Ja, t\u2019jua prek!<\/p>\n

– Oooo, \u00e7\u2019b\u00ebni ashtu, mor i uruar! M\u00eb dhembka ca, t\u00eb thuash t\u00eb v\u00ebrtet\u00ebn! Shum\u00eb e shtr\u00ebnguat!<\/p>\n

Qeshi bashk\u00eb me kryeinfermierin. Dhe ishte i lumtur. Sa s\u2019fluturonte! I p\u00eblqente t\u00eb fliste pareshtur, t\u00eb tregonte gj\u00ebra gazmore, t\u00eb shkrihej gazit vet\u00eb, po edhe t\u00eb tjer\u00ebt t\u00eb qeshnin. At\u00eb humor tashm\u00eb ia kisha zili.<\/p>\n

– T\u00eb thuash t\u00eb v\u00ebrtet\u00ebn, shtat\u00eb m\u00eb van\u00eb k\u00ebsaj radhe!<\/p>\n

M\u00eb vuri te komodina nja dy pako llokume, biskota, ca moll\u00eb Kor\u00e7e t\u00eb kuqe flak\u00eb, e ku di tjet\u00ebr \u00e7far\u00eb\u2026<\/p>\n

– Profesor, mjaft!<\/p>\n

– Hajt, hajt, se t\u00eb thuash t\u00eb v\u00ebrtet\u00ebn, ju kam pasur djal\u00eb, shok e v\u00eblla n\u00eb or\u00eb t\u00eb v\u00ebshtira! Por, m\u00eb njoh\u00ebt keq k\u00ebtu! Nuk e dini ju se \u00e7\u2019\u00ebsht\u00eb Sotiraqka! Ka nj\u00eb zem\u00ebr floriri, t\u00eb thuash t\u00eb v\u00ebrtet\u00ebn, dhe do q\u00eb t\u00eb gjith\u00eb njer\u00ebzit e bot\u00ebs t\u00eb jen\u00eb pa halle! Pooosi!<\/p>\n

Prej operacionit pat\u00ebn kaluar gjasht\u00eb dit\u00eb. Profesori ndihej si jo m\u00eb mir\u00eb. Shkonte vet\u00eb n\u00eb banj\u00eb, sh\u00ebtiste n\u00ebp\u00ebr korridor, u afrohej t\u00eb s\u00ebmur\u00ebve t\u00eb tjer\u00eb, i pyeste, u jepte forc\u00eb. Dhe kur p\u00ebrpiqte me ndonj\u00eb, q\u00eb nuk ishte me familje n\u00eb Tiran\u00eb, shkarkonte n\u00eb komodin\u00ebn e tij t\u00eb gjitha \u00e7\u2019i kishin sjell\u00eb. Nj\u00eb \u00e7ast m\u00eb tha:<\/p>\n

– Mo, po, at\u00eb Bertin s\u2019na e zun\u00eb syt\u00eb fare sot! \u00c7\u2019\u00ebsht\u00eb kjo pun\u00eb!<\/p>\n

– Ka qen\u00eb gjith\u00eb dit\u00ebn n\u00eb kirurgji! – ia ktheva. – Do t\u00eb jet\u00eb lodhur shum\u00eb dhe do t\u00eb ket\u00eb shkuar n\u00eb sht\u00ebpi t\u00eb shtrihet.<\/p>\n

– Ashtu thoni?<\/p>\n

T\u00eb nes\u00ebrmen, sa erdhi, profesori e pyeti:<\/p>\n

– Edhe sot nuk do t\u00eb dal!? T\u00eb thuash t\u00eb v\u00ebrtet\u00ebn, jam mir\u00eb, bre, fare mir\u00eb! \u00c7\u2019m\u00eb mbani m\u00eb k\u00ebtu!?<\/p>\n

– T\u00eb shohim nga dreka, profesor! Mund edhe t\u00eb dilni!<\/p>\n

Por Berti djali u kthye m\u00eb her\u00ebt te ne, pa vajtur ora dhjet\u00eb. Ishte tym. Me nj\u00eb fytyr\u00eb – sterr\u00eb. Ballin – t\u00eb rrudhur dhe buz\u00ebt – t\u00eb mb\u00ebrthyera. U ul pran\u00eb profesorit si me p\u00ebrtim.<\/p>\n

– Ah, mor profesor! – tha befas. – Kam nj\u00eb lajm\u2026 kam nj\u00eb lajm\u2026 Po, s\u2019e them dot!<\/p>\n

– \u00c7far\u00eb lajmi, mo Berti djali!? Thuaje shpejt, se t\u00eb thuash t\u00eb v\u00ebrtet\u00ebn, po m\u00eb bie pika!<\/p>\n

– Thash\u00eb q\u00eb s\u2019e them dot, se s\u2019\u00ebsht\u00eb lajm i mir\u00eb!<\/p>\n

– \u00cbsht\u00eb i keq!? – pyeti profesori syshqyer.<\/p>\n

– Po! Siurdh\u00ebron! I keq! Ve\u00e7 mos u shqet\u00ebsoni! S\u2019ka asgj\u00eb p\u00ebr t\u2019u shqet\u00ebsuar, po p\u00ebr t\u2019u nervozuar, p\u00ebr t\u00eb protestuar, p\u00ebr t\u00eb thirrur e shar\u00eb!<\/p>\n

– Aaaa, tani m\u00eb shushate! S\u2019po t\u00eb marr vesh, t\u00eb thuash t\u00eb v\u00ebrtet\u00ebn!<\/p>\n

Po kirurgu s\u2019e la m\u00eb gjat\u00eb n\u00eb agoni. Ai i shpjegoi se sapo kishin dal\u00eb p\u00ebrfundimet e biopsis\u00eb. Dhe ato tregonin q\u00eb…<\/p>\n

– Un\u00eb s\u2019mund t\u2019jua fsheh, se jeni shok i tim eti, po edhe se ju kam pasur pedagog! Pra, do t\u2019jua them, sido q\u00eb ta prisni!<\/p>\n

– Po, h\u00eb, mo Berti djali, se po m\u00eb zihet fryma! Mos duhet hequr edhe tjetra? Fol, de, se po m\u00eb ngrin zemra!<\/p>\n

– Jo, jo! P\u00ebrkundrazi! N\u00eb rastin tuaj s\u2019kishim t\u00eb b\u00ebnim me kurrfar\u00eb elementi kanceroz, as meninj e as beninj! Pra, edhe testikul\u00ebn e majt\u00eb jua hoq\u00ebm gabimisht. S\u2019kishte asnj\u00eb arsye q\u00eb t\u2019jua hiqnim. Pu\u00e7ra do t\u00eb kalonte me mjekim.<\/p>\n

Sa d\u00ebgjova k\u00ebto fjal\u00eb, u drodha i t\u00ebri. U rr\u00ebnqetha. Mishi m\u2019u b\u00eb kokrra – kokrra. K\u00ebrceva p\u00ebrpjet\u00eb mbi shtrat. Isha gati t\u2019i hidhesha Berti djalit n\u00eb fyt. \u00c7\u2019kirurg\u00eb qenk\u00ebshin ata!\u00a0 Si i b\u00ebnin ato pun\u00eb pa g\u00e0le fare! Edhe me kafsh\u00ebt duhej m\u00eb shum\u00eb maturi e jo m\u00eb me njer\u00ebzit! Prita q\u00eb profesori ta mb\u00ebrthente Berti djalin p\u00ebr leshrash. Prita q\u00eb ta p\u00ebshtynte, ta kafshonte, ta gricte me thonj… por… ah!<\/p>\n

Ai… Zot, ku je! As u m\u00ebrzit e as protestoi! Ve\u00e7 ngriti grushtet lart, si ata q\u00eb triumfojn\u00eb n\u00eb ring! Dhe thirri i qeshur:<\/p>\n

– Fitore! Fitore!<\/p>\n

Pastaj iu hodh kirurgut n\u00eb qaf\u00eb me mir\u00ebdashje. E puthi n\u00eb ball\u00eb, si\u00e7 e kishte puthur aty ca dit\u00eb m\u00eb par\u00eb. E puthi edhe te faqet. Doli nga shtrati, u ngrit n\u00eb k\u00ebmb\u00eb e u sul drejt meje.<\/p>\n

– M\u00eb lejoni t\u2019ju p\u00ebrqafoj e t\u2019ju puth edhe ju! – m\u00eb tha. – Se, t\u00eb thuash t\u00eb v\u00ebrtet\u00ebn, kjo \u00ebsht\u00eb fitorja m\u00eb e madhe, q\u00eb kam korrur n\u00eb jet\u00eb!<\/p>\n

Un\u00eb ngriva syhapur. Po edhe Berti ngriu syhapur. E pyeti i trembur dhe me nj\u00eb z\u00eb si t\u00eb zvargur:<\/p>\n

– Ndjeheni mir\u00eb, profesor? P\u00ebr \u00e7far\u00eb fitoreje flisni!? \u00c7\u2019g\u00ebzoni k\u00ebshtu!?<\/p>\n

– Si t\u00eb mos g\u00ebzoj, Berti djali! Kam shp\u00ebtuar p\u00ebr nj\u00eb qime! Mund t\u00eb m\u2019i kishit hequr t\u00eb dyja! Ashtu, gabimisht! Me \u00e7\u2019sy e faqe pastaj, do t\u2019i dilja bashk\u00ebshortes p\u00ebrpara, t\u00eb thuash t\u00eb v\u00ebrtet\u00ebn!<\/p>\n","protected":false},"excerpt":{"rendered":"

Nga Ramadan Pasma\u00e7iu t r e g i m At\u00eb e prun\u00eb n\u00eb spital nat\u00ebn. Me autoambulanc\u00ebn e urgjenc\u00ebs. Gjet\u00ebn nj\u00eb krevat t\u00eb lir\u00eb pran\u00eb meje dhe e shtruan aty. Ishte me temperatur\u00eb dhe r\u00ebnkonte leht\u00eb. Gjer n\u00eb m\u00ebngjes nuk mbylla sy as un\u00eb. U ngrita dhe nisa t\u2019i sillesha rrotull, pa ditur si t\u2019i …<\/p>\n","protected":false},"author":4,"featured_media":2379,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"footnotes":""},"categories":[42],"tags":[],"aioseo_notices":[],"_links":{"self":[{"href":"https:\/\/foltore.al\/index.php\/wp-json\/wp\/v2\/posts\/2378"}],"collection":[{"href":"https:\/\/foltore.al\/index.php\/wp-json\/wp\/v2\/posts"}],"about":[{"href":"https:\/\/foltore.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/foltore.al\/index.php\/wp-json\/wp\/v2\/users\/4"}],"replies":[{"embeddable":true,"href":"https:\/\/foltore.al\/index.php\/wp-json\/wp\/v2\/comments?post=2378"}],"version-history":[{"count":0,"href":"https:\/\/foltore.al\/index.php\/wp-json\/wp\/v2\/posts\/2378\/revisions"}],"wp:featuredmedia":[{"embeddable":true,"href":"https:\/\/foltore.al\/index.php\/wp-json\/wp\/v2\/media\/2379"}],"wp:attachment":[{"href":"https:\/\/foltore.al\/index.php\/wp-json\/wp\/v2\/media?parent=2378"}],"wp:term":[{"taxonomy":"category","embeddable":true,"href":"https:\/\/foltore.al\/index.php\/wp-json\/wp\/v2\/categories?post=2378"},{"taxonomy":"post_tag","embeddable":true,"href":"https:\/\/foltore.al\/index.php\/wp-json\/wp\/v2\/tags?post=2378"}],"curies":[{"name":"wp","href":"https:\/\/api.w.org\/{rel}","templated":true}]}}