{"id":1938,"date":"2022-01-10T09:58:47","date_gmt":"2022-01-10T09:58:47","guid":{"rendered":"http:\/\/rdnews.al\/?p=1938"},"modified":"2022-01-10T09:58:47","modified_gmt":"2022-01-10T09:58:47","slug":"nje-dite-qe-do-te-jetoje-pergjithmone-ne-turp","status":"publish","type":"post","link":"https:\/\/foltore.al\/index.php\/2022\/01\/10\/nje-dite-qe-do-te-jetoje-pergjithmone-ne-turp\/","title":{"rendered":"Nj\u00eb dit\u00eb q\u00eb do t\u00eb jetoj\u00eb p\u00ebrgjithmon\u00eb n\u00eb turp!"},"content":{"rendered":"

Nga Oerd BYLYKBASHI<\/strong><\/p>\n

8 janari 2022 do t\u00eb sh\u00ebnohet n\u00eb historikun e politik\u00ebs si dita kur Lulzim Basha blindoi selin\u00eb e Partis\u00eb Demokratike p\u00ebr t\u00eb l\u00ebn\u00eb jasht\u00eb demokrat\u00ebt.<\/p>\n

I provokoi, u hodhi l\u00ebnd\u00eb kimike dhe irrituese mbi fytyre e trup, granata trullos\u00ebse dhe p\u00ebrdori hunj dhe i rrahu e i gjakosi vet\u00ebm sepse desh\u00ebn t\u00eb hyjn\u00eb n\u00eb selin\u00eb e tyre.<\/p>\n

N\u00eb fund, n\u00eb koordinim me qeverin\u00eb, thirri policin\u00eb duke p\u00ebrdorur ata pak deputet\u00eb rreth tij si justifikim e si mburoj\u00eb njer\u00ebzore.<\/p>\n

Hyrja dhe p\u00ebrdorimi i dhun\u00ebs nga policia brenda godin\u00ebs s\u00eb nj\u00eb partie politike nuk ka as baz\u00eb ligjore, as precedent\u00eb praktik\u00eb q\u00eb ta p\u00ebrligjin sadopak at\u00eb.<\/p>\n

Dje u vendos nj\u00eb precedent i rreziksh\u00ebm p\u00ebr demokracin\u00eb: Qeveria b\u00ebhet pal\u00eb n\u00eb nj\u00eb konflikt t\u00eb brendsh\u00ebm t\u00eb nj\u00eb partie, aq me shum\u00eb partie rivale opozitare dhe e zgjidh duke i v\u00ebn\u00eb policin\u00eb n\u00eb dispozicion pal\u00ebs q\u00eb zgjedh Qeveria.<\/p>\n

M\u00eb keq akoma, Qeveria zgjedh pal\u00ebn q\u00eb i duhet asaj. Por e keqja \u00ebsht\u00eb se n\u00eb \u00e7do rast p\u00ebrfshirja e policis\u00eb e ngat\u00ebrron at\u00eb vet\u00eb n\u00eb mes t\u00eb nj\u00eb konflikti politik nga ku policia dhe drejtuesit e saj m\u00eb t\u00eb lart\u00eb do t\u00eb dalin padiskutim t\u00eb b\u00ebr\u00eb pis politikisht.<\/p>\n

Shpejt\u00ebsia dhe sakt\u00ebsia e reagimit policor tregon me siguri koordinim paraprak t\u00eb Lulzim Bash\u00ebs me policin\u00eb e regjimit.<\/p>\n

Dhuna e shproporcionuar e ushtruar nga policia mbi demokrat\u00ebt me ftes\u00eb t\u00eb Lulzim Bash\u00ebs nuk tregon vet\u00ebm cinizmin e Ram\u00ebs, por ngric\u00ebn e shkret\u00ebtir\u00ebn emocionale t\u00eb Bash\u00ebs kur dhunonte me polic\u00ebt e Ram\u00ebs an\u00ebtar\u00ebt e PD q\u00eb u b\u00ebn\u00eb cop\u00eb ta b\u00ebnin kryeminist\u00ebr.<\/p>\n

Kur dikush t\u00eb mbyll der\u00ebn e sht\u00ebpis\u00eb, legjitimitetin nuk e ka dera e blinduar por e drejta p\u00ebr t\u00eb hyr\u00eb n\u00eb sht\u00ebpin\u00eb t\u00ebnde.<\/p>\n

Ndaj mij\u00ebra demokrat\u00eb shkuan t\u00eb k\u00ebrkonin lirimin dhe dor\u00ebzimin e sht\u00ebpis\u00eb s\u00eb tyre nga ai q\u00eb shkarkuan.<\/p>\n

M\u00eb 11 dhjetor 2021 Lulzim Basha u shkarkua nga Kuvendi Komb\u00ebtar i demokrat\u00ebve. M\u00eb 18 dhjetor 2021 shkarkimi i tij u ratifikua nga m\u00eb shum\u00eb se 43.000 an\u00ebtar\u00eb t\u00eb PD. Por Lulzim Basha vuan sindrom\u00ebn e mohimit t\u00eb realitetit.<\/p>\n

\u00cbsht\u00eb kjo gjendje q\u00eb at\u00eb e shtyu t\u00eb l\u00ebshoj\u00eb \u00e7do sharje e t\u00eb mbyll\u00eb dyert e selis\u00eb p\u00ebr deputet\u00ebt e antar\u00ebt e partis\u00eb, t\u00eb blidoj\u00eb at\u00eb e ta mbush\u00eb me t\u00eb fort\u00eb t\u00eb armatosur me mjete gaz-hedh\u00ebse e granata trullos\u00ebse, hunj e me arm\u00eb.<\/p>\n

Lulzim Basha \u00ebsht\u00eb n\u00ebn psikoz\u00ebn e k\u00ebshtjellarit t\u00eb rrethuar q\u00eb \u00ebsht\u00eb gati t\u00eb b\u00ebj\u00eb \u00e7menduri t\u00eb p\u00ebrgjakshme p\u00ebr t\u00eb mbajtur muret kund\u00ebr t\u00eb gjith\u00ebve edhe kur kjo \u00ebsht\u00eb e pamundur.<\/p>\n

8 janari 2022 kaloi, xhamat e selis\u00eb do t\u00eb z\u00ebvend\u00ebsohen po an\u00ebtar\u00ebt kurr\u00eb nuk do t\u00eb harrojn\u00eb at\u00eb q\u00eb u b\u00ebri Lulzim Basha, sepse nuk ka protez\u00eb p\u00ebr nj\u00eb shpirt t\u00eb thyer.<\/p>\n

Nuk ka demokrat q\u00eb nuk ka par\u00eb se \u00e7far\u00eb \u00ebsht\u00eb n\u00eb gjendje t\u00eb b\u00ebj\u00eb kund\u00ebr tyre Lulzim Basha p\u00ebr vul\u00ebn dhe muret e zyr\u00ebs, ka par\u00eb festimet e tij dhe t\u00eb atyre pak pasuesve te tij nd\u00ebrkoh\u00eb q\u00eb shum\u00eb demokrat\u00eb shtriheshin buz\u00eb Lan\u00ebs n\u00eb gul\u00e7e pa frym\u00eb nga gazi q\u00eb u hodh nga selia.<\/p>\n

Nuk ka demokrat q\u00eb nuk d\u00ebgjon vrerin q\u00eb po nxjerrin ndaj tyre. 8 janari kaloi dhe shqiptar\u00ebt pan\u00eb tek Lulzim Basha shembullin m\u00eb t\u00eb sh\u00ebmtuar t\u00eb kryetarokracis\u00eb s\u00eb vul\u00ebs q\u00eb vret demokracin\u00eb e vot\u00ebs.<\/p>\n

T\u00eb gjith\u00eb e pan\u00eb Bash\u00ebn t\u2019i k\u00ebrkoj\u00eb ndihm\u00eb Ram\u00ebs kund\u00ebr an\u00ebtar\u00ebve t\u00eb tij dhe q\u00eb Rama i dhunoi me k\u00ebnaq\u00ebsi cinike demokrat\u00ebt n\u00eb selin\u00eb e tyre me k\u00ebrkes\u00ebn, lejen dhe ngaz\u00ebllimin festiv t\u00eb Bash\u00ebs.<\/p>\n

8 janari 2022 do t\u00eb kaloj\u00eb n\u00eb histori p\u00ebr turp t\u00eb Lulzim Bash\u00ebs. Vendimet e Kuvendit Komb\u00ebtar t\u00eb PD t\u00eb dat\u00ebs 11 dhjetor 2021 p\u00ebr rithemelimin dje riorganizimin e PD jan\u00eb imperative. Demokrat\u00ebt do t\u00eb kthehen n\u00eb selin\u00eb e tyre. Por \u00ebsht\u00eb n\u00eb nderin ton\u00eb q\u00eb ky moment t\u00eb jet\u00eb vet\u00ebm fillimi i nj\u00eb rruge t\u00eb re t\u00eb PD t\u00eb bazuar n\u00eb parime dhe demokraci e jo n\u00eb pazare personale dhe autokraci.<\/p>\n

PD do t\u00eb jet\u00eb gjithmon\u00eb m\u00eb e fort\u00eb duke q\u00ebndruar e bashkuar rreth njer\u00ebzve dhe vlerave q\u00eb ajo p\u00ebrfaq\u00ebson!<\/p>\n

\"\"<\/p>\n

\"\"<\/p>\n