{"id":18033,"date":"2022-07-16T11:43:49","date_gmt":"2022-07-16T11:43:49","guid":{"rendered":"https:\/\/rdnews.al\/?p=18033"},"modified":"2022-07-16T11:43:49","modified_gmt":"2022-07-16T11:43:49","slug":"pazari-rama-basha-bylykbashi-kur-te-shesin-gomarin-per-kale","status":"publish","type":"post","link":"https:\/\/foltore.al\/index.php\/2022\/07\/16\/pazari-rama-basha-bylykbashi-kur-te-shesin-gomarin-per-kale\/","title":{"rendered":"Pazari Rama-Basha, Bylykbashi: Kur t\u00eb shesin gomarin p\u00ebr kal\u00eb"},"content":{"rendered":"

Nga Oerd BYLYKBASHI<\/strong><\/p>\n

Dje Alibeaj pranoi publikisht se i paskan k\u00ebrkuar Ram\u00ebs ndryshime n\u00eb Hart\u00ebn Territoriale –\u00a0n\u00eb k\u00ebmbim t\u00eb vot\u00ebs p\u00ebr shtyrjen e mandatit t\u00eb komisioner\u00ebve t\u00eb Vetingut!<\/p>\n

E pranoi q\u00eb kishin kund\u00ebrshti dhe pik\u00ebpyetje p\u00ebr Vetingun dhe moralitetin e k\u00ebtij pazari, por gjith\u00ebsesi marr\u00ebveshjen e kishin b\u00ebr\u00eb.<\/p>\n

Ky pohim trondit\u00ebs, n\u00eb kufi t\u00eb absurdit, por tashm\u00eb 100% i provuar, v\u00ebrteton at\u00eb q\u00eb un\u00eb kisha denoncuar prej koh\u00ebsh. M\u00eb 9 tetor 2021, vet\u00ebm nj\u00eb muaj pas 9 shtatorit fam\u00ebkeq, denoncova pazarin Rama – Basha.<\/p>\n

Asokohe denoncova se Rama i pat ofruar Bash\u00ebs t\u2019i shtonte n\u00eb Hart\u00eb, pak bashki – n\u00eb k\u00ebmbim t\u00eb votave t\u00eb Bash\u00ebs p\u00ebt t\u2019i zgjatur Vetingun, Ram\u00ebs.<\/p>\n

E quajta pazar kuajsh: m\u00eb jep nj\u00eb kal\u00eb t\u00eb t\u00eb jap nj\u00eb mushk\u00eb!<\/p>\n

Publikisht thash\u00eb se pazarin po e ofronte Rama dhe jo Basha, por n\u00ebnteksti tregonte t\u00eb kund\u00ebrt\u00ebn.<\/p>\n

Basha e kapi grepin dhe reagoi.<\/p>\n

I alarmuar, ai mblodhi Kryesin\u00eb e Grupit Parlamentar t\u00eb PD nj\u00eb t\u00eb diel\u00a0n\u00eb mbr\u00ebmje p\u00ebr t\u00eb m\u00eb b\u00ebr\u00eb gjyqin: \u201cA ke ti Oerd nj\u00eb ofert\u00eb p\u00ebr Reform\u00ebn Territoriale?\u201d ishte pyetja e Bash\u00ebs q\u00eb synoi t\u00eb fshihte gjurm\u00ebt e pazarit, duke ma veshur mua q\u00eb po e denoncoja.<\/p>\n

N\u00eb at\u00eb mbledhje plot tensione i thash\u00eb Bash\u00ebs: \u201cN\u00ebse kjo ndodh, \u00ebsht\u00eb nj\u00eb thik\u00eb pas shpine p\u00ebr demokrat\u00ebt. Ky \u00ebsht\u00eb pazar i ofruar publikisht. Po t\u00eb them k\u00ebt\u00eb gj\u00eb: po e pranove do d\u00ebmtosh demokrat\u00ebt.\u201d<\/p>\n

Pa iu dridhur qerpiku tha: \u201cRefuzoni \u00e7do ide se na qenka ofruar pazar i ndarjes territoriale p\u00ebr Vetingun, se \u00ebsht\u00eb nj\u00eb d\u00ebm q\u00eb i b\u00ebhet demokrat\u00ebve.\u201d<\/p>\n

Po ja ku tashm\u00eb e pranojn\u00eb hapur pazarin q\u00eb vet\u00eb Basha u detyrua t\u00eb thoshte q\u00eb i b\u00ebnte d\u00ebm demokrat\u00ebve.<\/p>\n

Dje Alibeaj e pranoi me z\u00eb e me figur\u00eb q\u00eb ky pazar nuk ka moral. Pazarin e b\u00ebn\u00eb p\u00ebr hir t\u00eb nevoj\u00ebs q\u00eb t\u00eb shesin si fitore shtes\u00ebn n\u00eb Hart\u00ebn prej letre t\u00eb pak bashkive.<\/p>\n

Madje ai pranoi q\u00eb pazarin nuk e ka ofruar Rama, por e kan\u00eb k\u00ebrkuar ata vet\u00eb.<\/p>\n

Rama nuk do t\u2019u jap\u00eb as mushk\u00eb, por nj\u00eb gomar q\u00eb hapin e ka t\u00eb shkurt\u00ebr e kur vrapon t\u00eb hedh nga samari.<\/p>\n

Do ta shihni q\u00eb vet\u00ebm 4-5 bashki do t\u00eb k\u00ebrkojn\u00eb shtes\u00eb se Rama nuk u jep m\u00eb shum\u00eb. P\u00ebr kaq pranuan q\u00eb t\u2019i shtyjn\u00eb afatin nj\u00eb trupe vetingash\u00ebsh t\u00eb akuzuar p\u00ebr kapje politike, dy standarte e korrupsion.<\/p>\n

Shqiptar\u00ebt nuk fitojn\u00eb asgj\u00eb nga ky pazar.<\/p>\n

Madje n\u00eb nxitim q\u00eb t\u00eb ark\u00ebtojn\u00eb \u00e7mimin, e kan\u00eb l\u00ebn\u00eb q\u00eb Hart\u00ebn ta shpallin me nxitim m\u00eb 10 shtator, pas konsultimeve n\u00eb mes t\u00eb vap\u00ebs n\u00ebp\u00ebr kafene.<\/p>\n

Tregtia e ndershme e kafsh\u00ebve t\u00eb barr\u00ebs nuk ka asgje t\u00eb keqe, ama kur pazari \u00ebsht\u00eb i pandersh\u00ebm, populli e quan xhambazll\u00ebk.<\/p>\n