{"id":1605,"date":"2022-01-05T17:45:15","date_gmt":"2022-01-05T17:45:15","guid":{"rendered":"http:\/\/rdnews.al\/?p=1605"},"modified":"2022-01-05T17:45:15","modified_gmt":"2022-01-05T17:45:15","slug":"31-vjet-nga-themelimi-i-rilindjes-demokratike","status":"publish","type":"post","link":"https:\/\/foltore.al\/index.php\/2022\/01\/05\/31-vjet-nga-themelimi-i-rilindjes-demokratike\/","title":{"rendered":"31 vjet nga themelimi i \u201cRilindjes Demokratike\u201d"},"content":{"rendered":"

DR. MUJ\u00cb BU\u00c7PAPAJ<\/strong><\/p>\n

Pak dit\u00eb pas themelimit t\u00eb Partis\u00eb Demokratike t\u00eb Shqip\u00ebris\u00eb, n\u00eb dhjetor 1990, gjendja e liris\u00eb s\u00eb mediave n\u00eb Shqip\u00ebri ishte e vajtueshme. Partia n\u00eb pushtet kontrollonte totalisht mediat e shkruara si dhe ato audiovizive, dhe ajo q\u00eb \u00ebsht\u00eb m\u00eb e keqja, i kishte drejtuar ato kund\u00ebr demokrat\u00ebve t\u00eb pap\u00ebrvoj\u00eb dhe me mund\u00ebsi t\u00eb pakta p\u00ebr t\u00eb ngritur nj\u00eb sistem t\u00eb tyrin informues.Nj\u00eb stuhi sulmesh t\u00eb stilit t\u00eb propagand\u00ebs s\u00eb vjet\u00ebr u l\u00ebshua kund\u00ebr lid\u00ebrve demokrat\u00eb t\u00eb cil\u00ebt paraqiteshin si \u201chuligan\u00eb\u201d, \u201cshkatrrues\u201d dhe k\u00ebrc\u00ebnues t\u00eb rendit dhe siguris\u00eb s\u00eb Shqip\u00ebris\u00eb.<\/p>\n

Vendi i vog\u00ebl ballkanik ishte i fundit n\u00eb rajon q\u00eb po p\u00ebrpiqej t\u00eb p\u00ebrshtaste rregullat e reja t\u00eb pluralizmit dhe ekonomis\u00eb s\u00eb tregut. Qeveria komuniste nd\u00ebrsa ishte detyruar t\u00eb pranonte pluralizmin pas presionesh t\u00eb forta t\u00eb Levizjes Studentore t\u00eb dhjetorit 1990 dhe atyre nderkomb\u00ebtare, shfaqte synime t\u00eb qarta p\u00ebr t\u00eb lejuar nj\u00eb opozit\u00eb t\u00eb dob\u00ebt, t\u00eb kontrolluar dhe me mund\u00ebsi t\u00eb vogla p\u00ebr ta sfiduar n\u00eb zgjedhjet 31 marsit 1991.<\/p>\n

N\u00eb k\u00ebto rrethana shtypi i lir\u00eb do t\u00eb ishte prova e par\u00eb e demokracis\u00eb dhe pluralizmit shqiptar. Pas plot 46 vjet\u00ebsh izolimi total dhe mohimi t\u00eb fjal\u00ebs s\u00eb lir\u00eb, Partia Demokratike kishte vendosur t\u00eb nxirrte gazet\u00ebn e saj. Ishte nj\u00eb koh\u00eb pritjeje, por edhe p\u00ebrgatitje p\u00ebr stafin e ri, i cili do t\u00eb drejtonte gazet\u00ebn, si\u00e7 ishin edhe disa gj\u00ebra t\u00eb natyr\u00ebs teknike. PD, e themeluar m\u00eb 11 Dhjetor 1990, m\u00eb 12 dhjetor t\u00eb k\u00ebtij viti u shpall publikisht gjat\u00eb nj\u00eb tubimi historik n\u00eb Qytetin \u201cStudenti\u201d Tiran\u00eb. Pluralizmi ishte pranuar politikisht, por nuk ishte legalizuar akoma n\u00eb m\u00ebnyr\u00eb institucionale, ligjore.<\/p>\n

M\u00eb 17 dhjetor, Kuvendi i Shqip\u00ebris\u00eb formalisht do t\u00eb dekretonte ligjin e lejimit t\u00eb pluralizmit politik n\u00eb vend, nd\u00ebrsa m\u00eb 19 dhjetor, vet\u00eb PD do t\u00eb regjistrohej n\u00eb Ministrin\u00eb e Drejt\u00ebsis\u00eb si nj\u00eb parti legale. Tani, ajo nuk kishte pengesa q\u00eb t\u00eb nd\u00ebrtonte strukturat e saj n\u00eb t\u00eb gjith\u00eb vendin, si dhe t\u00eb kishte shtypin e saj. Pas themelimit t\u00eb PD-s\u00eb, dalja e numrit t\u00eb par\u00eb t\u00eb gazet\u00ebs s\u00eb saj do t\u00eb sh\u00ebnonte nj\u00eb dallim thelb\u00ebsor t\u00eb ndryshimit t\u00eb sistemit t\u00eb ngurt\u00eb t\u00eb mohimit t\u00eb fjal\u00ebs s\u00eb lir\u00eb.<\/p>\n

PD, e sapolindur, vazhdonte t\u00eb kishte selin\u00eb e saj provizore tek godina num\u00ebr 15 n\u00eb Qytetin\u201dStudenti\u201d. Ato dy-tre dhoma t\u00eb p\u00ebrshtatura thjesht mbanin shpirtin e asaj l\u00ebvizjeje dhe shnd\u00ebrrimi. Drejtuesit e Komisionit Nism\u00ebtar me n\u00eb krye Azem Hajdarin, \u00e7do dit\u00eb q\u00eb kalonte po e shikonin q\u00eb gjendeshin n\u00eb v\u00ebshtir\u00ebsi t\u00eb m\u00ebdha komunikimi me mb\u00ebshtet\u00ebsit e tyre dhe opinionin n\u00eb t\u00ebr\u00ebsi, p\u00ebr shkak t\u00eb munges\u00ebs s\u00eb medias s\u00eb partis\u00eb s\u00eb tyre. Deri n\u00eb k\u00ebt\u00eb koh\u00eb, drejtuesit e lart\u00eb demokrat\u00eb mund t\u00eb publikonin idet\u00eb e tyre pa \u00e7ensur\u00eb vet\u00ebm tek \u201cZ\u00ebri i Amerik\u00ebs\u201d, qe drejtohej nga gazetari i famshem Elez Biberaj, pasi RTSH dhe gazetat e kontrolluara nga Partia e Pun\u00ebs n\u00eb pushtet, p\u00ebrve\u00e7 \u00e7ensur\u00ebs dhe deformimeve t\u00eb ideve dhe koncepteve t\u00eb tyre, i kishin v\u00ebn\u00eb n\u00eb sh\u00ebnjest\u00ebr disa prej eksponontve t\u00eb Komisionit Nism\u00ebtar t\u00eb PD e sidomos Azem Hajdarin dhe Sali Berish\u00ebn. Shtypi i majt\u00eb vazhdonte t\u00eb zbatonte parimet leniniste, sipas t\u00eb cilit kund\u00ebrshtari politik ishte edhe armik i partis\u00eb.<\/p>\n

N\u00eb fund t\u00eb Dhjetorit 1990, koncepti p\u00ebr nd\u00ebrtimin e gazet\u00ebs kishte ardhur duke u form\u00ebsuar. Komisioni Nism\u00ebtar kishte ngarkuar p\u00ebr k\u00ebt\u00eb \u00e7\u00ebshtje Mitro \u00c7el\u00ebn dhe Pre\u00e7 Zogajn, q\u00eb t\u00eb dy gazetar\u00eb t\u00eb njohur n\u00eb vend. Mitroja njihej si natyr\u00eb opozitare p\u00ebr shkak t\u00eb disa shkrimeve problemore ekonomike, si pasoj\u00eb e publikimit t\u00eb tyre me urdh\u00ebr t\u00eb partis\u00eb komuniste ai ishte larguar nga gazeta \u201cZ\u00ebri i Popullit\u201d, nd\u00ebrsa Pre\u00e7i vinte nga \u201cZ\u00ebri i Rinis\u00eb\u201d dhe kishte nj\u00eb t\u00eb kaluar t\u00eb v\u00ebshtir\u00eb dhe mosbesimi me regjimin p\u00ebr shkak t\u00eb biografis\u00eb s\u00eb familjes s\u00eb tij t\u00ebr\u00ebsisht antikomuniste.<\/p>\n

Nuk dihet se kush e pati propozuar n\u00eb Komisionin Nism\u00ebtar t\u00eb PD, por shum\u00eb shpejt u mor vesh se kryeredaktor i gazet\u00ebs s\u00eb opozit\u00ebs ishte em\u00ebruar Frrok \u00c7upi edhe ky nj\u00eb ish- gazetar i \u201cZ\u00ebrit t\u00eb Popullit\u201d i larguar prej k\u00ebsaj gazete \u201cp\u00ebr shkelje t\u00eb vij\u00ebs s\u00eb partis\u00eb.\u201d Ai, p\u00ebr disa vite, ishte detyruar t\u00eb punonte n\u00eb nj\u00eb nd\u00ebrmarrje t\u00eb Tiran\u00ebs si pun\u00ebtor krahu. N\u00eb vitet 1989-1990, kishte botuar disa reportazhe mjaft t\u00eb mira n\u00eb shtypin e Tiran\u00ebs.<\/p>\n

N\u00eb k\u00ebto dit\u00eb t\u00eb nd\u00ebrtimit t\u00eb stafit t\u00eb ri t\u00eb gazet\u00ebs pati p\u00ebrpjekje prej shum\u00eb gazetar\u00ebve q\u00eb t\u00eb p\u00ebrfshiheshin n\u00eb redaksin\u00eb e saj, por ishte shum\u00eb e v\u00ebshtir\u00eb. M\u00eb von\u00eb, n\u00eb stafin drejtues t\u00eb gazet\u00ebs do t\u00eb em\u00ebroheshin shum\u00eb gazetar\u00eb, t\u00eb cil\u00ebt faktikisht nuk kishin luajtur asnj\u00eb rol deri m\u00eb 12 Dhjetor 1990, kur ishte shpallur PD, por q\u00eb njiheshin p\u00ebr nj\u00eb frym\u00eb oponente ndaj regjimit. K\u00ebtu b\u00ebjn\u00eb p\u00ebrjashtim student\u00ebt, t\u00eb cil\u00ebt ishin t\u00eb gjith\u00eb an\u00ebtar\u00eb t\u00eb L\u00ebvizjes s\u00eb Dhjetorit 1990. M\u00eb kujtohet nj\u00eb episod nga dit\u00ebt e fundit t\u00eb dhjetorit, kur selia e Partis\u00eb Demokratike ishte akoma tek godina num\u00ebr 15 e Qytetit \u201cStudenti\u201d, ku un\u00eb banoja si student\u00eb pasuniversitar dhe isha p\u00ebrfshir\u00eb si p\u00ebrsonazh i levizj\u00ebs studnetore.Me disa nga drejtuesit e k\u00ebsaj L\u00ebvizje si Azem Hajdari, Bardhyl Ukcamaj, Shenasi Rama, Myftar Gjana etj, kishim miq\u00ebsi t\u00eb m\u00ebparshme. N\u00eb nj\u00ebr\u00ebn nga dhomat e pajisura thjesht me nj\u00eb tavolin\u00eb dhe disa karrike t\u00eb marra nga salla e televizorit, n\u00eb kat t\u00eb dyt\u00eb t\u00eb godin\u00ebs zhvillonte mbledhjet e pun\u00ebs edhe kryesia e re apo Komisioni Nism\u00ebtar i PD-s\u00eb. N\u00eb fakt n\u00eb k\u00ebt\u00eb perudh\u00eb, n\u00eb ato ambiente studentesh ishte v\u00ebshtir\u00eb t\u00eb mbaje ndonj\u00eb rregull apo distanc\u00eb. Aty t\u00eb gjith\u00eb e ndjenin veten heronj, heronj t\u00eb nj\u00eb l\u00ebvizje t\u00eb madhe. Pavar\u00ebsisht p\u00ebrpjekjeve t\u00eb Ndue Lugj\u00ebs, si bodigard i Azemit apo t\u00eb Dem Berish\u00ebs si roje e par\u00eb e Sali Berishs, ishte e pamundur t\u00eb mbaje ndonj\u00eb rregull t\u00eb madh. Sali Berisha ishte vazhdimisht i rrethuar nga njer\u00ebz, t\u00eb cil\u00ebve duhej t\u2019u p\u00ebrgjigjeshe pa pushim. Nj\u00eb pjes\u00eb e madhe prej tyre vinin nga rrethet dhe ishin nism\u00ebtar\u00eb t\u00eb themelimit t\u00eb deg\u00ebve t\u00eb PD-s\u00eb.<\/p>\n

N\u00eb nj\u00eb nga k\u00ebto mbledhje kam njohur p\u00ebr her\u00eb t\u00eb par\u00eb edhe Frrok \u00c7upin. Kishte nj\u00eb pamje t\u00eb heshtur. N\u00eb nj\u00eb moment kur na than\u00eb se do t\u00eb fillonte mbledhja e kryesis\u00eb, u ngrit\u00ebm dhe dol\u00ebm t\u00eb gjith\u00eb, meqen\u00ebse nuk ishin n\u00eb Komisionin Nism\u00ebtar.<\/p>\n

U ngrit t\u00eb dilte jasht\u00eb edhe Frroku, por dikush i tha, me sa m\u00eb kujtohet Azemi: \u201cTi, Frrok, do t\u00eb q\u00ebndrosh, pasi je kryeredaktori i gazet\u00ebs\u201d. M\u00eb kujtohet si sot Frroku i ulur n\u00eb nj\u00eb karrike nga fundi i sall\u00ebs, i mb\u00ebshtjell\u00eb me nj\u00eb pardesy kafe, mjaft t\u00eb p\u00ebrdorur.<\/p>\n

N\u00eb korridor po prisnim bashk\u00eb me Lazer Stanin. Lazri m\u00eb tha se i ishte premtuar p\u00ebr t\u00eb punuar qysh n\u00eb fillim n\u00eb stafin e gazet\u00ebs dhe p\u00ebr k\u00ebt\u00eb ndjehej i k\u00ebnaqur, por n\u00eb fakt do t\u2019i bashkohej gazet\u00ebs vet\u00ebm kat\u00ebr vjet ma von\u00eb. Un\u00eb n\u00eb k\u00ebt\u00eb koh\u00eb isha student pasuniversitar, studioja p\u00ebr skenar t\u00eb filmit artistik dhe isha n\u00eb nj\u00eb mosh\u00eb me Azemin, Shenasiun dhe Myftarin, kisha bashk\u00ebpunuar n\u00eb m\u00ebnyr\u00eb t\u00eb suksesshme me shtypin, kisha marr\u00eb pjes\u00eb si shum\u00eb intelektual\u00eb t\u00eb rinj n\u00eb L\u00ebvizjen e Dhjetorit dhe natyrisht kisha d\u00ebshir\u00eb t\u00eb punoja qysh n\u00eb fillim n\u00eb redaksin\u00eb e \u201cRD\u201d-s\u00eb, por gj\u00ebrat nuk ishin t\u00eb lehta p\u00ebr shkak t\u00eb frym\u00ebs s\u00eb klaneve q\u00eb do t\u00eb kontrollonte qysh n\u00eb dit\u00ebt e para gazet\u00ebn.<\/p>\n

E kisha diskutuar k\u00ebt\u00eb problem edhe me Azemin, si kryetar i Komisionit Nism\u00ebtar edhe me Prof.Sali Berish\u00ebn. T\u00eb dy m\u00eb kishin th\u00ebn\u00eb se k\u00ebt\u00eb pun\u00eb e zgjidhte Pre\u00e7i, pasi partia nuk do t\u00eb nd\u00ebrhynte n\u00eb caktimin e stafit. Berisha, qysh n\u00eb ato momente, ishte p\u00ebr at\u00eb q\u00eb stafi i gazet\u00ebs t\u00eb zgjidhej sipas nj\u00eb modeli jo partiak, por krejt t\u00eb pavarur. Biles pati z\u00ebra se \u201cRD\u201d-ja do t\u00eb ishte nj\u00eb gazet\u00eb e pavarur nga PD-ja. Mua m\u2019u duk \u00e7\u00ebshtje e p\u00ebrfunduar. Me Pre\u00e7in njiheshim qysh kur isha student n\u00eb vit t\u00eb par\u00eb n\u00eb Fakultetin Histori-Filologji. Tek ai, kryeredaktori Remzi Lani, por edhe redaktor\u00ebt e k\u00ebsaj gazete, kishim gjetur nj\u00eb p\u00ebrkrahje t\u00eb madhe dhe miq\u00ebsi t\u00eb gjith\u00eb ne poet\u00ebt dhe publicist\u00ebt e rinj.<\/p>\n

Pre\u00e7i, n\u00eb at\u00eb periudh\u00eb, mbulonte reportazhet, kurse un\u00eb edhe shum\u00eb koleg\u00eb t\u00eb mi student\u00eb niseshim shpesh p\u00ebr shkrime jasht\u00eb Tiran\u00ebs, ku merrnim edhe sh\u00ebrbimet edhe honoraret e shkrimit. P\u00ebr ne si konviktor\u00eb, kjo ishte nj\u00eb mb\u00ebshtetje e madhe.<\/p>\n

Megjithat\u00eb, Pre\u00e7i nuk do t\u00eb pranonte me pretekstin se kishte nj\u00eb staf tep\u00ebr t\u00eb ngusht\u00eb dhe do t\u00eb bashk\u00ebpunonin vet\u00ebm me student\u00eb. \u201cKur redaksia t\u00eb zgjerohej, thoshte Pre\u00e7i, at\u00ebher\u00eb do t\u00eb bisedojm\u00eb\u201d apo si\u00e7 thoshte ai, \u201cne t\u00eb njohim si poet dhe publicist i spikatur dhe nuk ka nevoj\u00eb p\u00ebr nd\u00ebrhyrjen e Azemit as t\u00eb Berish\u00ebs.\u201d<\/p>\n

N\u00eb fakt nj\u00eb vit m\u00eb par\u00eb, pik\u00ebrisht p\u00ebr reportazhet cil\u00ebsore q\u00eb kisha botuar tek \u201cZ\u00ebri i Rinis\u00eb\u201d, kisha marr\u00eb \u00e7mim vjetor, nd\u00ebrkoh\u00eb q\u00eb kisha marr\u00eb edhe disa \u00e7mime vjetore p\u00ebr poezi dhe nj\u00eb poem\u00eb t\u00eb botuar tek kjo gazet\u00eb. N\u00eb vitin 1999, kisha botuar nj\u00eb v\u00ebllim poetik, i cil\u00ebsuar nga kritika e koh\u00ebs si i suksessh\u00ebm. Ai ishte v\u00ebllimi i vet\u00ebm poetik q\u00eb botohej n\u00eb at\u00eb koh\u00eb pa ndonj\u00eb vjersh\u00eb p\u00ebr partin\u00eb apo p\u00ebr udh\u00ebheq\u00ebsin, si\u00e7 ishte n\u00eb mod\u00eb at\u00ebher\u00eb, biles pa permendur n\u00eb asnj\u00eb varg fjal\u00ebn parti. P\u00ebr k\u00ebt\u00eb shkak libri u mbajt shtat\u00eb vjet n\u00eb sirtaret e Sht\u00ebpis\u00eb Botuese \u201cNaim Frash\u00ebri\u201d, pasi nuk pata pranuar asnj\u00eb ndryshim t\u00eb imponuar, pavar\u00ebsisht tre recencave shum\u00eb t\u00eb r\u00ebnda q\u00eb m\u00eb akuzonin p\u00ebr hermetiz\u00ebm, ndikime nga poezia dekadente etj.<\/p>\n

Si\u00e7 doli m\u00eb von\u00eb, k\u00ebto gj\u00ebra kishin dal\u00eb n\u00eb plan t\u00eb dyt\u00eb dhe n\u00eb mendjen e stafit t\u00eb ri zienin ethet e politik\u00ebs dhe t\u00eb klaneve q\u00eb p\u00ebr ne t\u00eb rinjt\u00eb q\u00eb donim thjesht t\u00eb kontribuonim ishte di\u00e7ka e padrejt\u00eb. Shum\u00eb prej nesh q\u00eb ishim p\u00ebrfshir\u00eb n\u00eb L\u00ebvizjen e Dhjetorit p\u00ebr \u00e7\u00ebshtje idealesh, ishte shum\u00eb e v\u00ebshtir\u00eb t\u00eb kuptohej se si po nd\u00ebrtohej nj\u00eb pamje jo e mir\u00eb e gazet\u00ebs s\u00eb PD-s\u00eb, tek shfaqej nj\u00eb tendenc\u00eb p\u00ebr ta mbyllur at\u00eb n\u00eb nj\u00eb grup shok\u00ebsh t\u00eb dyshimt\u00eb dhe klanesh. Kjo nuk do t\u00eb kuptohej n\u00eb k\u00ebt\u00eb periudh\u00eb as nga Berisha dhe as nga Hajdari, dhe as shumica e atyre q\u00eb nuk punonin p\u00ebr t\u00eb nd\u00ebrtuar klane n\u00eb parti. Q\u00eb t\u00eb dy n\u00eb at\u00eb koh\u00eb shpreheshin se e r\u00ebnd\u00ebsishme ishte t\u00eb fitonte demokracia. Tirana, n\u00eb at\u00eb periudh\u00eb, po ziente. Intelektual\u00ebt ishin p\u00ebrfshir\u00eb n\u00eb debate t\u00eb forta n\u00eb rishikimin e vlerave t\u00eb regjimit komunist, ku prinin shkrimtar\u00ebt dhe artist\u00ebt. At\u00eb fund dhjetori, n\u00eb klubin e Lidhjes s\u00eb Shkrimtar\u00ebve dhe Artist\u00ebve t\u00eb Shqip\u00ebris\u00eb qe mbajtur pleniumi i Lidhjes, ku un\u00eb merrja pjes\u00eb bashk\u00eb me v\u00ebllaun tim, Sk\u00ebnd\u00ebr Bucpapaj, poet dhe kritik mjaft i njohur n\u00eb at\u00eb koh\u00eb, redaktor i gazet\u00ebs \u201cDrita\u201d.<\/p>\n

Pati debate t\u00eb forta mes shkrimtar\u00ebve gjysm\u00eb desident\u00eb dhe drejtuesve t\u00eb Lidhjes. Shkrimtar\u00ebt nj\u00eb nga nj\u00eb refuzuan t\u00eb hidhnin kandidaturat e tyre p\u00ebr deputet\u00eb n\u00eb zgjedhjet e Kuvendit Popullor t\u00eb Shqip\u00ebris\u00eb, t\u00eb parashikuar p\u00ebr n\u00eb muajin Shkurt 1991. Dihej se kjo ishte nj\u00eb loj\u00eb e PPSH-s\u00eb dhe Ramiz Alis\u00eb, p\u00ebr t\u00eb justifikuar nevoj\u00ebn e lejimit t\u00eb pluralizmit politik. Pak me von\u00eb u organizua nj\u00eb veprimtari p\u00ebr Gjergj Fisht\u00ebn po n\u00eb Lidhjen e Shkrimtar\u00ebve. Edhe kjo veprimtari e drejtuar nga Rudolf Marku, Sk\u00ebnder Bu\u00e7papaj, Aurel Plasari, Ndrek Luca, etj., pati debate t\u00eb forta. Intelektual\u00ebt e Tiran\u00ebs kishin marr\u00eb p\u00ebrsip\u00ebr ideimin e luft\u00ebs p\u00ebr demokraci. N\u00eb nj\u00eb nga k\u00ebto dit\u00eb, m\u00eb 29 dhjetor, \u00ebsht\u00eb mbledhur edhe stafi i ri i gazet\u00ebs t\u00eb Lidhja e Shkrimtar\u00ebve. Isha edhe un\u00eb m\u00eb Sk\u00ebnderin dhe Arben Kallamat\u00ebn, gazetar i \u201cDrit\u00ebs\u201d. N\u00eb k\u00ebt\u00eb mbledhje t\u00eb par\u00eb t\u00eb k\u00ebshillit botues t\u00eb gazet\u00ebs, i cili m\u00eb 5 janar do t\u00eb ndryshonte, Pre\u00e7 Zogaj ka prezantuar edhe Frrokun si kryeredaktor. N\u00eb k\u00ebt\u00eb mbledhje \u00ebsht\u00eb debatuar rreth m\u00ebnyr\u00ebs s\u00eb organizimit t\u00eb gazet\u00ebs \u201cRD\u201d, aq sa mund t\u00eb konceptohej nj\u00eb gazet\u00eb opozitare. E r\u00ebnd\u00ebsishme ishte se ajo do t\u00eb ishte antiregjim dhe do t\u00eb merrte p\u00ebrsip\u00ebr edukimin demokratik. Aty \u00ebsht\u00eb b\u00ebr\u00eb edhe plani p\u00ebr numrin e par\u00eb, madje jan\u00eb ndar\u00eb edhe disa tema.<\/p>\n

M\u00eb 31 Janar 1990, PD do t\u00eb zhvendosej nga godina nr.15 n\u00eb Qytetin \u201cStudenti\u201d tek nj\u00eb vil\u00eb dykat\u00ebshe n\u00eb Rrug\u00ebn \u201cFortuzi\u201d, af\u00ebr ish-Hotel \u201cArb\u00ebris\u00eb\u201d. Nj\u00eb vil\u00eb e shkat\u00ebrruar dhe pa mir\u00ebmbajtje. Gazeta kishte nj\u00eb dhom\u00eb n\u00eb katin e dyt\u00eb t\u00eb nd\u00ebrtes\u00ebs.<\/p>\n

N\u00eb fillim nga Komisioni Nism\u00ebtar u tha se gazeta do t\u00eb dal\u00eb m\u00eb 3 janar, por ky vendim do t\u00eb ndryshonte shum\u00eb shpejt. Piktori Mentor Shehu, i cili ishte ngarkuar t\u00eb b\u00ebnte faqosjen e \u201cRD\u201d-s\u00eb, k\u00ebmb\u00ebnguli q\u00eb grafiku q\u00eb u kishte caktuar Poligrafiku p\u00ebr botimin e gazet\u00ebs dit\u00ebn e mart\u00eb dhe t\u00eb premte ishte i pap\u00ebrshtatsh\u00ebm p\u00ebr Partin\u00eb Demokratike. Sipas Mentorit, prej t\u00eb premtes deri tek e marta tjet\u00ebr i binte gati pes\u00eb dit\u00eb t\u00eb pambuluara nga gazeta e partis\u00eb, nd\u00ebrkoh\u00eb q\u00eb PPSH kishte disa gazeta t\u00eb p\u00ebrditshme si \u201cZ\u00ebri i Popullit\u201d dhe \u201cBashkimi\u201d dhe disa periodike q\u00eb sulmonin ashp\u00ebr PD dhe drejtuesit e saj. K\u00ebshtu q\u00eb me nd\u00ebrhyrjen e drejtuesve t\u00eb PD vendoset q\u00eb gazeta t\u00eb dilte t\u00eb m\u00ebrkuren dhe t\u00eb shtun\u00ebn.<\/p>\n

M\u00eb 5 Janar 1991, pas p\u00ebrpjekjesh t\u00eb m\u00ebdha, sidomos t\u00eb Frrokut dhe Mentorit (q\u00eb t\u00eb dy e gdhijn\u00eb n\u00eb shtypshkronj\u00eb), por edhe t\u00eb Pre\u00e7it dhe student\u00ebve Fevziu, Shkullaku dhe Blushi, gazeta pa drit\u00ebn e botimit.<\/p>\n

N\u00eb k\u00ebshillin e par\u00eb botues do t\u00eb ishin Petraq Kolevica, Ajet Haxhiu, Natasha Lako, Mitro \u00c7ela, Kujtim \u00c7ashku, Edi Hila, Ilirjan Zhupa, Teodor Keko, Genc Pollo.<\/p>\n

N\u00eb editorialin e \u201cRD\u201d-s\u00eb \u201cFjala e par\u00eb\u201d, shkruar nga Pre\u00e7i, thuhej se \u201dsot, Rilindja Demokratike thot\u00eb fjal\u00ebn e par\u00eb t\u00eb saj. Kjo rilindje ka marr\u00eb mbi vete nj\u00eb barr\u00eb t\u00eb r\u00ebnd\u00eb dhe detyr\u00eb t\u00eb ndershme. Ka marr\u00eb p\u00ebr detyr\u00eb t\u00eb thot\u00eb fjal\u00ebn e v\u00ebrtet\u00eb.\u201d N\u00eb faqe t\u00eb par\u00eb gazeta kishte p\u00ebrsh\u00ebndetjet e Ismail Kadares\u00eb, Rexhep Qoses dhe Drit\u00ebro Agollit.<\/p>\n

Vet\u00eb titulli i gazet\u00ebs doli nga nj\u00eb togfjal\u00ebsh q\u00eb kishte p\u00ebrdorur Qosja n\u00eb p\u00ebrsh\u00ebndetjen e tij. Si\u00e7 dihet, kok\u00ebn e gazet\u00ebs e punoi piktori i njohur i Sht\u00ebpis\u00eb Botuese \u201cNaim Frash\u00ebri\u201d, Bujar Marikaj. N\u00eb faqen 2 zinte nj\u00eb vend t\u00eb duksh\u00ebm shkrimi i Pre\u00e7it \u201cPD nuk \u00ebsht\u00eb mace e zez\u00eb\u201d e konceptuar si nj\u00eb replik\u00eb me gazet\u00ebn \u201cBashkimi\u201d.<\/p>\n

N\u00eb k\u00ebt\u00eb num\u00ebr \u00ebsht\u00eb botuar edhe shkrimi i Sali Berish\u00ebs \u201cYlli yn\u00eb polar, \u00e7\u00ebshtja jon\u00eb komb\u00ebtare\u201d, n\u00eb t\u00eb cilin jepej platforma e PD p\u00ebr zhvillimin e vendit, integrimin n\u00eb Europ\u00eb si dhe q\u00ebndrimet e saj ndaj zgjidhjes s\u00eb \u00e7\u00ebshtjes son\u00eb komb\u00ebtare. Ky shkrim do t\u00eb merrte shum\u00eb polemika edhe disa vite me von\u00eb deri m\u00eb sot, duke u b\u00ebr\u00eb objekt i shum\u00eb analist\u00ebve t\u00eb vendit dhe atyre t\u00eb huaj p\u00ebr sa i p\u00ebrket q\u00ebndrimit ndaj \u00e7\u00ebshtjes s\u00eb Kosov\u00ebs. \u201cPD do t\u00eb luftoj\u00eb pa u l\u00ebkundur q\u00eb v\u00ebllez\u00ebrit tan\u00eb n\u00eb Kosov\u00eb t\u00eb g\u00ebzojn\u00eb t\u00eb gjitha lirit\u00eb dhe t\u00eb drejtat demokratike, p\u00ebrfshir\u00eb edhe at\u00eb t\u00eb vet\u00ebvendosjes, q\u00eb jan\u00eb t\u00eb sanksionuar n\u00eb Kushtetut\u00ebn jugosllave, Kart\u00ebn e OKB-s\u00eb, dhe aktet e Helsinkit. PD nuk mund t\u00eb pranoj\u00eb si t\u00eb p\u00ebrjetsh\u00ebm ndarjen e kombit shqiptar. Prandaj edhe ne do t\u00eb luftojm\u00eb me mjete paq\u00ebsore dhe n\u00eb kuadrin e proceseve integruese europiane t\u00eb realizohen t\u00eb drejtat e tyre p\u00ebr p\u00ebrparimin dhe bashkimin komb\u00ebtar\u201d. Ky tekst ishte mbajtur si nj\u00eb fjalim n\u00eb Sheshin Demokracia n\u00eb Qytetin \u201cStudenti\u201d. Edhe Gramoz Pashko, n\u00eb nj\u00eb intervist\u00eb dh\u00ebn\u00eb gazet\u00ebs, paraqiste strategjin\u00eb ekonomike t\u00eb PD, e cila synonte reformimin t\u00ebr\u00ebsor t\u00eb sistemit ekonomik ekzistues drejt nj\u00eb ekonomie, si\u00e7 shprehej Pashko, \u201ct\u00eb inisiativ\u00ebs s\u00eb lir\u00eb\u201d. Frrok \u00c7upi, n\u00eb nj\u00eb shkrim t\u00eb tij, duke p\u00ebrshkruar v\u00ebshtir\u00ebsit\u00eb e botimit t\u00eb numrit t\u00eb par\u00eb, shpreh frik\u00ebn e mosdaljes s\u00eb numrit t\u00eb dyt\u00eb. Mentor Shehu, nj\u00eb nga themeluesit e gazet\u00ebs dhe faqos\u00ebsi i saj i par\u00eb, tregon se \u201cstafi i par\u00eb i gazet\u00ebs q\u00eb paguhej me bordero, ka qen\u00eb i p\u00ebrb\u00ebr\u00eb nga Frrok \u00c7upi kryeredaktor, Mentor Shehu, faqos\u00ebs, dhe Ilir Arapi, shofer i gazet\u00ebs\u201d. Mentori kryente nj\u00eb pun\u00eb voluminoze q\u00eb nga faqosja e numrit, d\u00ebrgimi i materialeve, redaktimi i tyre dhe deri sa dilte gazeta. Pas pak dit\u00ebsh, af\u00ebrsisht nj\u00eb jave, n\u00eb gazet\u00eb vjen edhe Emin Bar\u00e7i. Emini ishte p\u00ebrfshir\u00eb n\u00eb L\u00ebvizjen Studentore dhe pas themelimit t\u00eb PD ai ishte nj\u00eb njeri, i cili kishte siguruar vend, si\u00e7 thuhej at\u00ebher\u00eb, n\u00eb sektorin e shtypit n\u00eb nj\u00eb nga dhomat e katit t\u00eb par\u00eb t\u00eb godin\u00ebs num\u00ebr 15. Aty kishte nj\u00eb makin\u00eb shkrimi dhe nj\u00eb shaptilograf, t\u00eb cil\u00ebt i p\u00ebrdorte nj\u00eb vajz\u00eb bjonde. Duke qen\u00eb se Emini u rekomandua n\u00eb gazet\u00eb me propozimin e Pashkos dhe p\u00eblqimin e Frrokut, ai kishte nj\u00eb pesh\u00eb t\u00eb madhe n\u00eb politik\u00ebn redaktuese t\u00eb gazet\u00ebs dhe emrat q\u00eb do t\u00eb botonin.<\/p>\n

Nga kopjet e para t\u00eb gazet\u00ebs del se \u201cstudent\u00ebt Blendi Fevziu, Armand Shkullaku, Ben Blushi dhe Edi Paloka ishin si vullnetar\u00eb q\u00eb paguheshin me honoraret e shkrimeve q\u00eb b\u00ebnin, kryesisht n\u00eb sektorin e informacioneve. Dritan Kaba n\u00eb k\u00ebt\u00eb koh\u00eb do t\u00eb b\u00ebnte edhe pun\u00ebn e fotografit, nd\u00ebrsa Abdurrahim K\u00ebllezi, ish-korrektor i gazet\u00ebs \u201cZ\u00ebri i Rinis\u00eb\u201d, dhe Agim Fortuzi, ish-korrektor i \u201cBashkimit\u201d, ishin dy korrektor\u00ebt e par\u00eb t\u00eb \u201cRilindjes Demokratike\u201d.<\/p>\n

M\u00eb von\u00eb n\u00eb redaksi kan\u00eb ardhur Genc Tirana dhe Arben Ruka, ish-gazetar\u00eb t\u00eb \u201cBashkimit\u201d, nd\u00ebrsa \u00ebsht\u00eb miratuar si korrespondent p\u00ebr Myzeqen\u00eb, Bujar Xhaferri. Pas tyre vjen Bashkim Trenova, ish-shef i sektorit t\u00eb jasht\u00ebm i \u201cZ\u00ebrit t\u00eb Popullit\u201d dhe s\u00eb fundi drejtor i Arkivit t\u00eb Shtetit si dhe Filip \u00c7akuli, ish-gazetar i njohur i \u201cHostenit\u201d, shkrimtar i njohur i humorit shqiptar me natyre kritike ndaj burokracis\u00eb s\u00eb regjimit, Visar Zhiti poet disident, i d\u00ebnuar politik. Po gjat\u00eb vitit 1991 do t\u00eb vinin edhe Sk\u00ebnder Shkupi, Rakip Sul\u00e7e, Xhevat Mustafa, etj. Ben Blushi do t\u00eb hynte si an\u00ebtar i rregullt i redaksis\u00eb gjat\u00eb koh\u00ebs q\u00eb Mitro ishte kryeredaktor dhe do t\u00eb largohej prej gazet\u00ebs bashk\u00eb me Armand Shkullakun, Vera Isakun, Dritan Kab\u00ebn, Mhill Tanushin, Genc Tiran\u00ebn, Arben Ruk\u00ebn, pas 12 Gushtit 1992, kur mocionist\u00ebt e drejtuar nga Pashko do t\u00eb largoheshin nga PD p\u00ebr t\u00eb krijuar m\u00eb von\u00eb Partin\u00eb Aleanca Demokratike.<\/p>\n

N\u00eb k\u00ebt\u00eb periudh\u00eb gazeta \u201cRD\u201d do t\u00eb kishte tirazhin m\u00eb t\u00eb lart\u00eb dhe k\u00ebrkesat n\u00eb treg p\u00ebr t\u00eb ishin t\u00eb jasht\u00ebzakonshme por qeveria komuniste nuk lejonte t\u00eb botohej m\u00eb shpesh dhe n\u00eb nj\u00eb tirazh m\u00eb t\u00eb lart\u00eb me pretekstin e munges\u00ebs s\u00eb letres. Gazeta, megjith\u00ebse kishte nj\u00eb \u00e7mim prej 1 lek t\u00eb ri, shitej me 10, 25 e deri 50 lek\u00eb. Lufta p\u00ebr t\u00eb kontrolluar gazeten dhe ecur p\u00ebrpara shprehet qart\u00eb edhe n\u00eb nd\u00ebrrimin e shpesht\u00eb t\u00eb kryeredaktor\u00ebve n\u00eb periudh\u00ebn Janar 1991, Prill 1992.<\/p>\n

Kryeredaktor i par\u00eb do t\u00eb ishte Frrok \u00c7upi, i cili do t\u00eb largohej n\u00eb Qershor t\u00eb vitit 1991. Pas tij do t\u00eb vinte Napoleon Roshi, ish-drejtor i radios s\u00eb jashtme dhe ish-gazetar i \u201cBashkimit\u201d, pastaj Mitro \u00c7ela, i cili do t\u00eb drejtonte gazet\u00ebn nga fundi i vitit 1991 deri pas fushat\u00ebs s\u00eb suksesshme t\u00eb 22 Marsit 1992. Zyrtarisht n\u00eb gazet\u00ebn \u201cRD\u201d do t\u00eb filloja n\u00eb korrik 1992, por p\u00ebrpara zgjedhjeve t\u00eb 22 marsit 1992 un\u00eb bashk\u00eb me Sk\u00ebnder Shkupin, Merita Shkupin dhe Ardian Hacin do t\u00eb themelonim gazeten e PD s\u00eb Tiran\u00ebs \u201cTribuna demokratike\u201d, dhe si kryeredaktor do t\u00eb m\u00eb binte t\u00eb bashk\u00ebpunoja si me Mitron, ashtu edhe me Filip \u00c7akulin, si z\u00ebvend\u00ebskryeredaktor i \u201cRD\u201d-s\u00eb. Gazeta \u201cTribuna Demokratike\u201d botohej dy her\u00eb n\u00eb jav\u00eb me nj\u00eb staf i gjithi vullnetar. Kishte nj\u00eb kriz\u00eb letre, por miq t\u00eb PD-s\u00eb dhe Berish\u00ebs nga SHBA kishin bler\u00eb let\u00ebr n\u00eb Bullgari e cila erdhi falas n\u00eb Tiran\u00eb vet\u00ebm p\u00ebr gaz\u00ebt\u00ebn \u201cTribuna Demokratike\u201d. Nd\u00ebr emrat q\u00eb kontribuan n\u00eb cdo num\u00ebr ishin Sk\u00ebnd\u00ebr Bucpapaj, Mero Baze, Albert Rakipi, Arben Kallamata, Ilirian Zhilla, Elida Bucpapaj, Bardhyl Ukcamaj, Fahri Balliu, Beqir Katana, Zamir Mulaj, Arb\u00ebr Ahmetaj, Vehbi Skenderi, Ylli Rakipi, Myftar Gjana etj, nd\u00ebrsa gazeta faqosej nga piktori i talentuar Xhevahir Kolgjini.<\/p>\n

Por t\u00eb rikthehemi p\u00ebrs\u00ebri tek stafi i RD-s\u00eb.N\u00eb Prill 1992, vjen kryeredaktor Bashkim Trenova, n\u00eb vend t\u00eb Mitros, i cili kishte fituar nj\u00eb vend n\u00eb Parlamentin shqiptar si deputet i PD-s\u00eb. Pas Bashkimit i cili u largua n\u00eb diplomaci, aty nga fundi i vitit 1994, drejtimin e gazet\u00ebs do ta merrte Lorenc Ligori, z\u00ebdh\u00ebn\u00ebs i PD gjat\u00eb koh\u00ebs q\u00eb n\u00eb krye ishte Eduart Selami. Ligori, pas rreth nj\u00eb viti pune, n\u00eb vjesht\u00eb t\u00eb vitit 1995 do t\u2019ia linte k\u00ebt\u00eb post Laz\u00ebr Stanit. Stani do t\u00eb q\u00ebndronte n\u00eb krye t\u00eb gazet\u00ebs deri m\u00eb 12 Mars 1997, kur trazirat q\u00eb p\u00ebrfshin\u00eb vendin deri n\u00eb anarki totale dh\u00eb r\u00ebnjen e qeveris\u00eb demokratike b\u00ebn q\u00eb gazeta t\u00eb mos dilte n\u00eb nj\u00eb num\u00ebr. Ashtu mes plumbave dhe k\u00ebrc\u00ebnimve un\u00eb bashk\u00eb me Sami Milloshin, Mentor Shehun, Zef Lleshin, Dylejman Karajn, Shpetim Lukun, Ndrek\u00eb Gjinin, Dukagjin Hat\u00ebn e Bledi Kasmin e rihap\u00ebm redaksin\u00eb dhe botuam gazet\u00ebn.<\/p>\n

N\u00eb k\u00ebt\u00eb periudh\u00eb do t\u00eb vinte kryeredaktor Xhevat Mustafa, i cili do t\u00eb q\u00ebndronte n\u00eb k\u00ebt\u00eb detyr\u00eb deri n\u00eb Maj 1997 bashk\u00eb me mua si zevend\u00ebskryeredaktor. Xhevati nj\u00eb gazetar i spikatur i \u201cRD\u201d-s\u00eb, dhe me shum\u00eb ndikim do t\u00eb z\u00ebvend\u00ebsohej nga Astrit Patozi, ish-kryeredaktor i gazet\u00ebs \u201cAlbania\u201d, nd\u00ebrsa Xhevati do t\u2019i rikthehej diplomacis\u00eb. Patozi do t\u00eb drejtonte gazet\u00ebn deri n\u00eb korrik 2005 kur ai do t\u00eb zgjidhej deputet i PD-s\u00eb n\u00eb Kuvendin e Shqi\u00ebris\u00eb. Prej k\u00ebsaj kohe dhe n\u00eb vazhdim gazeta RD drejtohet nga gazetari i ri i talentuar dhe i p\u00ebrkushtuar Blendi Kasmi.<\/p>\n

Bledi si t\u00eb thuash \u00ebsht\u00eb rritur n\u00eb Gazet\u00ebn \u201cRD.\u201d Ka ardh\u00eb n\u00eb redaksi qysh kur ishte student n\u00eb gazetari n\u00eb vitin 1995 dhe m\u00eb von\u00eb ka kaluar shef redaksie e kryeredkator.<\/p>\n

Stafi i gazet\u00ebs \u201cRD\u201d \u00ebsht\u00eb i madh, ashtu si\u00e7 \u00ebsht\u00eb edhe emri i saj. Disa prej drejtuesve apo gazetar\u00ebve t\u00eb saj shum\u00eb shpejt filluan q\u00eb t\u00eb mos e ndjenin m\u00eb veten t\u00eb gatsh\u00ebm p\u00ebr t\u00eb punuar me platform\u00ebn politike t\u00eb PD dhe u distancuan prej saj. Shum\u00eb prej t\u00eb tjer\u00ebve, si\u00e7 doli m\u00eb von\u00eb t\u00eb futur nga PS, pasi kryen me sukses misionin e tyre, mor\u00ebn poste t\u00eb larta n\u00eb struktuart e PS dhe t\u00eb qeveris\u00eb s\u00eb saj. Ata u shnd\u00ebrruan n\u00eb kund\u00ebrshtar\u00ebt m\u00eb t\u00eb betuar t\u00eb \u201cRD\u201d-s\u00eb dhe Partis\u00eb Demokratike.<\/p>\n

Sot, pas 30 vjet\u00ebsh, \u201cRilindja Demokratike\u201d vazhdon me sukses detyr\u00ebn e saj t\u00eb informimit t\u00eb pavarur dhe t\u00eb mbrojtjes s\u00eb demokracis\u00eb n\u00eb stilin e saj t\u00eb njohur, duke mos b\u00ebr\u00eb kompromise dhe l\u00ebshime. Pes\u00eb vjet\u00ebt e fundit gazeta ka dal\u00eb vet\u00ebm n\u00eb variantin online, pasi kushtet financiare nuk ja mund\u00ebsuan botimin n\u00eb form\u00eb t\u00eb printuar.<\/p>\n

Gazeta \u201cRD\u201d ka kaluar dit\u00eb t\u00eb mira por edhe shum\u00eb t\u00eb v\u00ebshtira.<\/p>\n

P\u00ebr shembull gjat\u00eb viteve 1997-2005 drejtuesit e gazet\u00ebs dhe gazetar\u00ebt e saj i jan\u00eb n\u00ebnshtruar nj\u00eb dhune dhe represioni t\u00eb papar\u00eb nga organet shtet\u00ebrore, n\u00ebp\u00ebrmjet gjyqeve t\u00eb montuara, k\u00ebrc\u00ebnimeve, gjobave t\u00eb r\u00ebnda dhe sulmeve te egra, deri edhe me arm\u00eb zjarri, si\u00e7 i ka ndodhur autorit t\u00eb k\u00ebtyre radh\u00ebve me 20 gusht 1997 nga bandat neokomuniste.<\/p>\n

Gazeta \u201cRD\u201d ishte nj\u00eb gazet\u00eb e urryer nga regjimi neokomunist i pas vitit 1997-t\u00eb. Ajo diskriminohej nga qeveria dhe entet e saj n\u00eb dh\u00ebnien e reklamave, duke e v\u00ebn\u00eb at\u00eb para v\u00ebshtir\u00ebsish t\u00eb panum\u00ebrta. Megjithat\u00eb gazeta dha nj\u00eb sh\u00ebmbull t\u00eb mbijetes\u00ebs n\u00eb nj\u00eb periudh\u00eb t\u00eb r\u00ebnd\u00eb p\u00ebr demokracin\u00eb dhe pluralizmin pas vitit 1977 dhe n\u00eb vazhdim deri me 3 korrik 2005 kur rierdhi n\u00eb pushtet PD dhe aleatet e saj.<\/p>\n

N\u00eb n\u00ebntor t\u00eb vitit 2005 un\u00eb do t\u00eb largohesha nga gazeta \u201cRD\u201d p\u00ebr t\u00eb drejtuar Qendren Nd\u00ebrkomb\u00ebtare t\u00eb Kultur\u00ebs dhe n\u00eb vijim Zyr\u00ebn Shqiptare t\u00eb t\u00eb Drejtave t\u00eb Autorit deri n\u00eb vitin 2014.<\/p>\n

V\u00ebshtir\u00ebsit\u00eb financiare t\u00eb gazet\u00ebs \u201cRD\u201d u rikthyen pas vitit 2013 e n\u00eb vazhdim.<\/p>\n

Sidoqoft\u00eb edhe sot, pas 31 vjet\u00ebsh, \u201cRilindja Demokratike\u201d vazhdon t\u00eb jet\u00eb nj\u00eb nga z\u00ebrat m\u00eb t\u00eb besuesh\u00ebm dhe profesional t\u00eb shtypit shqiptar, me ndikim t\u00eb konsiderush\u00ebm n\u00eb opinionin shqiptar dhe jet\u00ebn politike t\u00eb vendit.<\/p>\n

Gjat\u00eb k\u00ebtij tranzicioni t\u00eb gjat\u00eb respektimi i liris\u00eb s\u00eb mediave dhe t\u00eb drejtave t\u00eb tjera themelore t\u00eb njeriut ka kaluar n\u00ebp\u00ebr nj\u00eb shteg me ulje-ngritje t\u00eb forta, por qysh prej 5 janarit t\u00eb vitit 1990, kur doli numri i par\u00eb i gazet\u00ebs \u201cRD\u201d e deri m\u00eb sot, kjo media ka luajtur nj\u00eb rol historik si media e par\u00eb e lir\u00eb n\u00eb vend. Un\u00eb dhe shum\u00eb koleg\u00eb t\u00eb tjer\u00eb t\u00eb nderuar, jemi vertet\u00eb krenar\u00eb q\u00eb kemi q\u00ebn\u00eb pjes\u00eb e stafit t\u00eb k\u00ebsaj gazete p\u00ebr shum\u00eb vite me radh\u00eb. N\u00eb k\u00ebt\u00eb 31 vjetor, i urojm\u00eb gazet\u00ebs \u201cRD\u201d jet\u00eb t\u00eb gjat\u00eb, nd\u00ebrsa stafit t\u00eb saj aktual pun\u00eb t\u00eb mbar\u00eb dhe shum\u00eb suksese!<\/p>\n

\"\"<\/p>\n

\"\"<\/p>\n

\"\"<\/p>\n","protected":false},"excerpt":{"rendered":"

DR. MUJ\u00cb BU\u00c7PAPAJ Pak dit\u00eb pas themelimit t\u00eb Partis\u00eb Demokratike t\u00eb Shqip\u00ebris\u00eb, n\u00eb dhjetor 1990, gjendja e liris\u00eb s\u00eb mediave n\u00eb Shqip\u00ebri ishte e vajtueshme. Partia n\u00eb pushtet kontrollonte totalisht mediat e shkruara si dhe ato audiovizive, dhe ajo q\u00eb \u00ebsht\u00eb m\u00eb e keqja, i kishte drejtuar ato kund\u00ebr demokrat\u00ebve t\u00eb pap\u00ebrvoj\u00eb dhe me mund\u00ebsi …<\/p>\n","protected":false},"author":4,"featured_media":1608,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"footnotes":""},"categories":[37],"tags":[],"aioseo_notices":[],"_links":{"self":[{"href":"https:\/\/foltore.al\/index.php\/wp-json\/wp\/v2\/posts\/1605"}],"collection":[{"href":"https:\/\/foltore.al\/index.php\/wp-json\/wp\/v2\/posts"}],"about":[{"href":"https:\/\/foltore.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/foltore.al\/index.php\/wp-json\/wp\/v2\/users\/4"}],"replies":[{"embeddable":true,"href":"https:\/\/foltore.al\/index.php\/wp-json\/wp\/v2\/comments?post=1605"}],"version-history":[{"count":0,"href":"https:\/\/foltore.al\/index.php\/wp-json\/wp\/v2\/posts\/1605\/revisions"}],"wp:featuredmedia":[{"embeddable":true,"href":"https:\/\/foltore.al\/index.php\/wp-json\/wp\/v2\/media\/1608"}],"wp:attachment":[{"href":"https:\/\/foltore.al\/index.php\/wp-json\/wp\/v2\/media?parent=1605"}],"wp:term":[{"taxonomy":"category","embeddable":true,"href":"https:\/\/foltore.al\/index.php\/wp-json\/wp\/v2\/categories?post=1605"},{"taxonomy":"post_tag","embeddable":true,"href":"https:\/\/foltore.al\/index.php\/wp-json\/wp\/v2\/tags?post=1605"}],"curies":[{"name":"wp","href":"https:\/\/api.w.org\/{rel}","templated":true}]}}