Berisha: Ftoj qytetarët e Tiranës dhe mbarë Shqipërisë të bashkohemi në orën 7

Kryetari i PD, Sali Berisha përcolli një mesazh për qytetarët e Tiranës dhe mbarë vendit në oborrin e Kuvendit në prag të protestës. Berisha ftoi qytetarët e Tiranës dhe mbarë Shqipërisë për t’u bashkuar në orën 7 në Bulevardin Dëshmorët e Kombit, para ndërtesës së Këshillit të Ministrave, për të shprehur me protestën tonë vendimin e shqiptarëve për shpëtimin e Shqipërisë nga regjimi kleptokratik i Edi Ramës.

“Kundër shpopullimit të Shqipërisë, kundër manipulimeve të votës dhe sistemeve elektorale, kundër Ballkanit të Hapur, protestojnë fuqishëm mbarë shqiptarët. Duhet të shpreh mirënjohjen dhe ftesën time për qytetarët e Tiranës dhe mbarë Shqipërisë, të bashkohemi në orën 7 në Bulevardin Dëshmorët e Kombit, para ndërtesës së Këshillit të Ministrave, për të shprehur me protestën tonë vendimin e shqiptarëve për shpëtimin e Shqipërisë nga regjimi kleptokratik i Edi Ramës”, tha Berisha.