Gazeta RD
Kryetari i PD, Sali Berisha ka reaguar pas veprimit skandaloz të Gardës, e cila nuk lejoi deputetët e opozitës të futen në Kryesinë e Kuvemdit. Berisha tha se, ky është parlamenti i një organizate kriminale të strukturuar, shikoni çfarë ndodh, deputetët nuk lejohen të vijnë në zyrën e tyre.
“Ky është parlamenti i Edi Ramës.
Ky është parlamenti i Spiro Kolekës.
Ky është parlamenti i një organizate kriminale të strukturuar.
Shikoni çfarë ndodh, deputetët nuk lejohen të vijnë në zyrën e tyre.
Ky është një akt i shëmtuar, ky është një akt i pashembullt në historinë 32-vjeçare të pluralizmit.
Ky akt tregon tmerrin e Edi Ramës, tmerrin e organizatës së tij kriminale.
Deputetët nuk mund të ndalohen në zyrat e tyre.
Deputetët nuk mund të ndalohen të mblidhen në grupin e tyre.
Kjo që bën Edi Rama, është akti më i shëmtuar, më i paprecedent.
Të kërkon kohën kur dajo i tij kërkonte të fuste tanket dhe ushtrinë në protestën e studentëve.
Kjo është fytyra më e turpshme e këtij institucioni, që në vend që të mbrojë interesat e qytetarëve, mbron interesat kriminale të Edi Ramës dhe bandës së tij.
Ju nuk mund të bllokoni deputetët të shkojnë në zyrat e tyre.
Ky Kuvend kaloi në klandestinitet.
U bëj thirrje qytetarëve që të kuptojnë se cili është regjimi i Edi Ramës sot.
U mbyll dyert deputetëve për të kaluar në zyrat e tyre, ndërsa deputetët e vet i kalon në klandestinitet në kundërshtim me ligjin dhe Kushtetutën.
Nuk ka akt më të shëmtuar, kurrë nuk ka ndodhur, as në Bjellorusinë e Lukashenkos.
Ky është parlamenti Rama-Linda!
Deputetët e opozitës janë të vendosur të përmbushin detyrimet e tyre.
Edi Rama i ka hyrë lepuri në bark, i është kallur data nga krimet dhe pasuritë e paligjshme”, tha Berisha.
