Gazeta RD
Protagonizmi në fillimin e këtij sezoni i Jude Bellingham me Real Madrid ka bërë që të harrohet Kylian Mbappe për të kaluar te Los Blancos. Të hënën mbrëma në Paris, në ceremoninë e Topit të Artë, askush nuk guxoi ta mohonte mundësinë e kalimit të francezit në Madrid.
Gjithashtu, në dhomat e zhveshjes së Real Madridit është diçka që merret si e mirëqenë. Agjentët, lojtarët dhe gazetarët ndihen të bindur se e ardhja e sulmuesit në Bernabéu është e sigurt në qershor të vitit 2024. Te PSG vazhdojnë të shpresojnë të ndryshojnë situatën, por vazhdimësia është e ndërlikuar.
Por edhe te Real Madrid, është e qartë se drejtuesit e klubit të bardhë duan të largohen nga nevoja për të nënshkruar me një lojtar për të cilin ende nuk mund të flasin dhe as nuk i besojnë plotësisht pasi janë zhgënjyer njëherë dhe nuk duan të përsëritet e njëjta situatë si ajo e para dy viteve.
Drejtuesit nuk duan të krijojnë asnjë iluzion, por gjëja kurioze është se lojtarët madrilenë e marrin si të mirëqenë ardhjen e Mbappe. Edhe vetë Vinicius ka deklaruar se mezi pret të luajë me të, Rodrygo është fotografuar me francezin.
Natyrisht, kjo nuk mjafton. Një gjë është e sigurtë, në janar, kur Mbappe hyn në 6 muajt e fundit të kontratës me PSG-në, do të jetë sërish në qendër të vëmendjes, por në dy muaj mund të lëvizin shumë gjëra.
