Disa zona në Tiranë pa energji elektrike

Gjatë mesditës së Martë, sërish ka pasur dëmtime të Linjave transmetuese të Tensionit të Lartë në zonën midis Tiranës dhe Elbasanit. Burime të besueshme bënë me dije se këputja e Përcjellësve të kësaj linje ka ndodhur afër Tunelit të Kërrabës.

Për riparimin e saj po punojnë dhjetra inxhinierë dhe punonjës të OST dhe Tensionit të Lartë. Aktualisht disa zona janë ende pa energji.

Gjatë kësaj vere këputja e linjave elektrike të transmetimit të energjisë ka qenë e shpeshtë dhe jo rrallë është rrezikuar edhe jeta e qytetarëve sidomos në Njësinë Administrative të Bradasheshit, ku ka pasur disa raste të këputjes së përcjellësve të Linjave të Tensionit të Lartë.