Berisha: Bashkimi i dy dosjeve të McGonigal është një ogur edhe më i zi për Edi Ramën

Kryetari i PD, Sali Berisha tha se, bashkimi i dy dosjeve të McGonigal është një ogur edhe më i zi për Edi Ramën. Berisha tha në mbledhjen e grupit parlamentar se, Oleg Deripaska, një nga shtyllat kryesore të zbulimit të Kremlinit jashtë Rusisë, ka pasur në Shqipëri 6 sipërmarrje dhe është paguar deri ën fund të vitit 2022.
“Të dy këta autokratë, Vuçiçi fliste dje për luftë, ky vendoste sanksione ndaj Kosovës, bëjnë gjithçka për mbijetesën e tyre pasi atij Beogradi i është derdhur në luftë, kundër autokracisë dhe lidhjeve të tij me banda si Belivuku, kurse ky tjetri ka Belivukët e tij, por ka mbi të gjitha aferën McGonigal, për të cilën ka vetëm një alternativë, të shkojë të japë llogari përpara drejtësisë amerikane.
Përveç kësaj, bashkimi i dy dosjeve është një ogur edhe më i zi. Mos harroni se Oleg Deripaska, një nga shtyllat kryesore të zbulimit të Kremlinit jashtë Rusisë, ka pasur në Shqipëri 6 sipërmarrje dhe është paguar deri ën fund të vitit 2022.
Prandaj ky agjitim i pakontrolluar i tij, i shfazuar plotësisht, janë dëshmi e halleve që ka krijuar ky person vetes së tij me qëllimet e padenja, të turpshme dhe uroj që sa më shpejt të marrë ndëshkimin që meriton”, tha Berisha.