Gazeta RD
Milaim NELA
Pra gjithçka duket e orkestruar në perfeksion:
Rilindja sorosiane, patronazhistët mediatikë dhe bravat që kanë marrë peng simbolet e Partisë Demokratike i mëshojnë fort tezës së po votove Sali Berishën dhe koalicionin “BASHKË FITOJMË” ke votuar majtas e për Ilir Metën i cili çuditërisht vetëm tani është bërë problem për ta.
Dje Komisioni i Ankesave në KQZ vendosi në favor të kërkesës së grupit të alibashëve që Koalicioni “Bashkë Fitojmë” të ketë emrin e Ilir Metës si kryetar i koalicionit. Kjo për të përçuar idene djallëzore tek votuesit se nuk ka të djathtë në atë koalicion, Sali Berisha nuk ekziston e çdo votë shkon vetëm për LSI-në.
Alibashët me ndihmën e marionetave të Rama-Veliajt në hierarkinë e KQZ-së dhe sistemit të drejtësisë vendosin se kush duhet ta udhëheqë një koalicion pjesë e të cilit ata nuk janë.
Pra njelloj si apeli i Alibeajt për vendimin e regjistrimit të Kuvendit te 11 Dhjetorit.
Pjesë e konstelacionit ofensiv kundër Partisë Demokratike Reale të demokratëve dhe Sali Berishës ishte mbrëmë një dokumentar në Top Channel në emisionin Inside Story ku flitej për “korrupsionin” në dy dekadat e fundit të çiftit Meta-Kryemadhi!
Dihet tashmë që ky kanal është nën kontrollin e plotë të Erion Veliajt.
Nga ana tjetër kemi parë këto ditë të na shfaqen “artistë” me syze e pa syze, me lopata e pa lopata në mbështetje të plotë të Veliajt.
Sikur të mos mjaftonte kjo mbrëmë një gazetar profesor në një emsion që e quan Bardh a Zi qe e ka mbajtur veten për mbrojtës të kauzave sociale dhe interesit publik mbrëmë i uli brekët plotësisht dhe premtoi votën dhe mbështetjen për Veliajn.
Paraja e madhe duket se ka blerë edhe artistë që vijnë nga e djathta siç është rasti i Frederik Ndocit.
Janë në ofensive të plotë …gjithçka për gjithçka.
Agresiviteti i bravave ndaj opozitës reale filloi zyrtarisht dy ditë më parë në një sallë të mbyllur ku mbizotëronte ngjyra mavi e rilindjes ne sfond e ku gjithçka që u fol u dominua nga retorika kundës Sali Berishës dhe Ilir Metës.
U theksua fort se ata ishin e vërteta e djathtë duke harruar që një nga folësit kryesorë ishte një nga spiunët e ish-sigurimit të shtetit si Preç Zogaj dhe këta të paftyrë e pa kujtesë kanë votuar të gjitha ligjet që i interesojnë sektit kriminal rilindas.
Kandidati i partisë pa kryetar, pa forume e pa anëtarë por me gjithë buxhetin elektoral të akorduar padrejtësisht nga KQZ Roland Bejko me një gjuhë rrugaçërore në rrjetet sociale mbrëmë tek Opinioni të gjithë ligjërimin e tij agresiv dhe gjithë mllef e kishte me Sali Berishën pikerisht personin e që e kishte bërë funksionar në disa poste përfshirë edhe të doganierit të Sarandës!
Demokratët dhe opozitarët e vërtetë duhet të jenë më të motivuar se kurrë për të mobilizuar të gjitha energjitë për ti injoruar këto makinacione të pështira e për qenë më të vendosur se kurrë për shkuljen e sektit.
Qëllimi i tyre është që Partia Demokratike të dalë jashtë sistemit e që të mos ketë mundësi të regjistrohet as në zgjedhjet e ardhshme të Pergjithshme por kjo është një temë që duhet të trajtohet pas 14 Majit.
