Gazeta RD
Nga Iva V.GRILLO
Profesionistet e fushes mund te japin arsyet e tyre se perse autobuset e transportit urban ne kryeqytet perplasen pothuajse çdo dite me peme, shtylla, trotuare apo gremisen neper kanale, por nje gje eshte e qarte:
justifikimet me shofere qe u bie niveli i sheqerit ne gjak, qe nuk kane bere gjumin e nates te mire, et, etj …nuk hahen me.
Shpeshtesia e aksidenteve qe po ndodhin me urbanet e kryeqytetit te ben te mendosh se problemi eshte nje problem sistemik, i cili nuk zgjidhet as duke futur koken ne rere siç ben Kryetari aktual i Bashkise Tirane, e as duke kercenuar media-sic ben perseri po i njejti individ, nga karrigia e bute e pushtetit.
Perplasja e gremisjet e muajve te fundit te bejne te mendosh se Tirana ka:
– nje flote te amortizuar autobusesh gjendja teknike e te cileve perben rrezik per qytetaret qe perdorin transportin publik apo edhe per kalimtaret qe mund te ndodhen aty pari gjate aksidentit
– tipa joadekuate autobusesh per llojin e rrugeve e hapesirave qe ofron Tirana e trafiku i saj- i menderosur si kurre me pare gjate ketyre 8 viteve.
-keqmenaxhim te transportit urban nga ana e Bashkise duke mos vendosur kritere apo kontrolluar zbatimin e tyre nga kompanite private te transportit.
Jeta e qytetareve eshte ne rrezik…dikush duhet te mbaje pergjegjesi per kete mungese te frikshme te normave te sigurise ne transportin urban.
Sikur zelli qe perdorin disa analiste e pseudo-aktiviste kunder idese se transportit falas te kandidatit opozitar (qe ne fund te fundit eshte nje aspirate) te perdorej per t’i kerkuar llogari kryetarit te bashkise Tirane per transportin publik qe rrezikon koken e qytetareve e qe ata e paguajne me leke (qe ne fund te fundit eshte nje deshtim i paster) … kush do te ishte si ne…
Nga ana tjeter, ne qofte se duhet fajesuar patjeter nje shofer, ai duhet te jete vetem “shoferi” i bashkise Tirane, kryebashkiaku, i cili mban pergjegjesi kryesore per allishverishet qe ka bere e vazhdon te beje ne kurriz te sigurise dhe cilesise se jetes se qytetareve.
Prandaj pyetjet, zellin dhe romuzet… direkt tek ai qe paguhet per kete pune…
Atij duhet t’ia zini deren (dhe jo vetem ne menyre figurative) …para se te ndodhe ndonje gjeme edhe me e madhe.
