Gazeta RD
Ngjarja e rëndë që ndodhi në ambientet e komisariatit të policisë Nr.3 në Tiranë ka tronditur të gjithë opinionin në vend. Policia në vend që të zbatojë me përkushtim detyrën e mbrojtjes dhe sigurisë së qytetarit bën krejt të kundërtën.
Në vazhdën e reagimeve që kanë ndodhur ditën e sotme, të rinjtë e Forumit Rinor të Partisë Demokratike kanë protestuar përpara Ministrisë së Brendshme duke kërkuar edhe dorëheqjen e ministrit Çuçi.
Me pankarta në duar dhe duke ndezur qirinj në kujtim të Lear Kurtiti të rinjtë e FRPD janë shprehur të indinjuar me ngjarjen e ndodhur sot dhe kërkojnë menjëherë largimin e të gjithë zinxhirit përgjegjës për këtë krim, kujtojmë edhe tragjedinë e ndodhur pak kohë me parë me të ndjerin Klodian Rasha.
Po ashtu ata kanë paralajmëruar edhe protesta të tjera edhe më masive në ditët në vazhdim, pasi kjo ngjarje e përsëritur është bërë shume problematike dhe institucioni që është krijuar të mbrojë jetën e qytetarit, pabesit po bën të kundërtën e saj, duke e vrarë atë.
