Gazeta RD
Anëtari i Këshillit Kombëtar të PD, Genc Pollo në emisionin ‘Task Force’ me Sonila Meçon në Syri Tv komentoi nismën ‘Ballkani i Hapur’.
Pollo tha se, kjo nismë s’ka asnjë interes për Shqipërinë sepse tregu i lirë disavantazhon industritë dhe bujqësinë shqiptare e cila është; e para më pak e zhvilluar dhe e dyta më pak e subvencionuar.
Sipas tij, nisma ‘Ballkani i Hapur’ paraqet një rrezik për sigurinë gjeopolitike dhe rrezik gjithashtu për zhvillimin ekonomik.
“Pse duhet një psikolog që të merret me Ramën? Mund të jetë kokëfortësi, një ego, mund të jetë diçka më e rrezikshme. Ne operojmë me fakte që i disponojmë. Edhe në kuptimin e sigurisë dhe gjeopolitikës shohim një rrezik dhe në zhvillimin ekonomik shohim një disavantazh”, deklaroi Pollo.
