Gazeta RD
Kryetri i PD, Sali Berisha deklaroi se protestat po vijnë dhe se e gjithë Shqipëria është gati të vërshojë drejt Tiranës. “Gjatë vizits në Vaun e Dejës njerëzit mu shprehën se janë gati të vijnë në protesta familjarisht bashkë me fëmijët. Do të jenë protestat më të fuqishme”,tha Berisha. Ai u shpreh se zëmërimi popullor është i madh aq “sa esdhe gurët po të kishin zë do të reagonin”.
I ftuar në emisionin “Opinion”, Berisha nuk dha një datë të saktë se kur do të organizohet kjo protestë, por tha se pjesë e saj do të jenë qytetarë nga e gjithë Shqipëria.
“Pretendojmë për të qenë partia kryesore e vendit në çdo aspekt në zgjedhjet lokale. Unë kudo që shkoj gjej një urrejtje ndaj qeverisë. A e konstatoni ju? Ka ndodhur një gjë e pabesueshme, ka ndodhur një pakënaqësi, edhe gurët po të kishin gojë do flisnin kundër kësaj qeveria.
Po i përgatisimin protestat. Në Vaun e Dejës më thanë na njofto të vijmë me të madh e më të vogël në Tiranë. Njerëzit do vërshojnë nga e gjithë Shqipëria.
Një gjë është e sigurt që Shqipëria do të njohë protestat që nuk i ka njohur kurrë më parë. Protestat kanë filluar, sindikata e pedagogëve ka nisur dhe ka një përkrahje të fortë pedagogëve, studentëve por edhe mësuesve.
Fitorja e opozitës do të shtrihet nga Tirana në të katërt anët e vendit”, tha Berisha.
