PD i përgjigjet trillimeve të gazetës malazeze

Partia Demokratike përgënjeshtron lajmin e publikuar në median malazeze ”Pobjeda”, në një artikull ku pretendohet se Kryetari i PD z. Sali Berisha, ka marrë financime ruse.

Në reagim sqarohet se ky është një abuzim i trashë i informacionit dhe mosnjohje e fakteve nga kjo media, në rastin më të keq, të agjendave politike dhe nacionaliste.

Në sqarimin për këtë media, theksohet se Lulzim Basha prezumohet si ai që ka marrë një financim prej 500 mijë dollarë nga fonde ruse në padijeni të plotë të asnjë forumi apo individi tjetër në Partinë Demokratike.

“Z. Berisha nuk ka qenë kryetar i Partisë Demokratike të Shqipërisë që nga viti 2013, kur dha dorëheqjen pas humbjes së zgjedhjeve parlamentare, dhe është rizgjedhur në këtë post vetëm më 22 maj të vitit 2022.

Së dyti, ‘dosja e financimeve ruse’, ku përmenden lidhje të ndryshme politike të Rusisë në Ballkan, ndër to edhe PD, në zgjedhjet e vitit 2017, kohë në të cilën ka qenë kryetar z. Lulzim Basha, ka marrë një përgjigje shteruese në gjykatat shqiptare”, thuhet në reagimin e PD.

Në një pasqyrë të detajuar të fakte, të cilat i janë bërë të ditura kësaj mediaje, kërkohet korrektim përgënjeshtrim. Në të kundërt, shtohet se PD rezervon të drejtën e padisë sipas legjilacionit kombëtar dhe ndërkombëtar.

Në artikullin e publikuar në gazetën tuaj Pobjeda https://www.pobjeda.me/clanak/ko-je-sve-u-mrezi-moskve, vërejmë me shqetësim një pasaktësi brutale, e cila shpresojmë të mos jetë bërë nga premisat e dashakeqësisë apo, më keq, agjendave politike apo nacionaliste.

Pretendimi se z. Sali Berisha, kryetari (aktual) i Partisë Demokratike, ka marrë financime ruse, është një abuzim i trashë i informacionit dhe mosnjohje e fakteve dhe kontekstit.

Së pari, sqarojmë se z. Berisha nuk ka qenë kryetar i Partisë Demokratike të Shqipërisë që nga viti 2013, kur dha dorëheqjen pas humbjes së zgjedhjeve parlamentare, dhe është rizgjedhur në këtë post vetëm më 22 maj të vitit 2022.

Së dyti, ‘dosja e financimeve ruse’, ku përmenden lidhje të ndryshme politike të Rusisë në Ballkan, ndër to edhe PD, në zgjedhjet e vitit 2017, kohë në të cilën ka qenë kryetar z. Lulzim Basha, ka marrë një përgjigje shteruese në gjykatat shqiptare.

Në vendimin e Gjykatës, të cilin mund t’jua sigurojmë nëse kini interes, thuhet shprehimisht se Partia Demokratike e Shqipërisë nuk ka asnjë lidhje me ‘financimet ruse’ të publikuara për herë të parë në gazetën Mother Jones (shih https://www.motherjones.com/politics/2019/06/the-head-of-albanias-conservative-party-faces-criminal-charges-and-an-ex-trump-aide-is-involved) dhe që trajtohen gjithashtu nga Voice of America 3 vjet më vonë (shih https://www.zeriamerikes.com/a/6746331.html) dhe media të tjera botërore, bazuar në raportin e shërbimeve inteligjente të SHBA.

Të gjitha veprimet, sipas Gjykatës, janë kryer në kapacitet personal, jo INSTITUCIONAL nga kryetari i asokohe i partisë z. Basha.

Statuti i Partisë Demokratike e thotë qartë: vendimet për lobime apo përdorim parash etj. i marrin organet kolegjiale, dhe jo kryetari.

Për më shumë, Partia Demokratike e drejtuar nga z. Berisha ka ngritur para një jave, një Komision Auditi të brendshëm për të bërë transparencë finale lidhur me rastin e ‘financimeve ruse’, pra të dokumentacionit, nëse ka, dhe hyrje-daljeve financiare që përkojnë me dritaren kohore të këtij rasti.
Nëse merrni mundimin t’u referoheni deklaratave publike të Partisë Demokratike dhe artikujve të shumtë në mediat shqiptare, në shqip dhe anglisht, i dyshuari i vetëm për ‘aferën e financimeve ruse’ është kryetari i PD në vitin 2017. Z. Basha prezumohet se ka marrë një financim prej 500,000 USD nga fonde ruse. E theksojmë: në padijeni të plotë të asnjë forumi apo individi tjetër në Partinë Demokratike. Këto para nuk kanë hyrë në financat e PD dhe është e paqartë kur, dhe si, janë marrë dhe si janë përdorur.

Shpresojmë që kjo pasqyrë e fakteve njëkohësiht kontekst i bollshëm, të jetë i mjaftueshëm për të korrektuar të dhënat në shkrim dhe për të botuar një përgënjeshtrim me një link që të çon te artikulli origjinal.

Gazetaria profesionale dhe etike e kërkon këtë.

E bëjmë këtë kërkesë bazuar në rregullat etike duke i ruajtur vetes të drejtën që, në rast të mos publikimit të këtij përgënjeshtrimi dhe ndërhyrjes për publikimin e tij në të gjitha mediat që kanë publikuar artikullin tuaj, brenda 24 orëve, do të ndërmarrim hapat ligjorë, sipas legjislacionit vendas dhe ndërkombëtar.

Versioni në anglisht

REFUTATION and request for CORRECTION

In the article published in your newspaper (https://www.pobjeda.me/clanak/ko-je-sve-u-mrezi-moskve), we noticed a concerning inaccuracy, which we hope is not due to malice or, worse, political or nationalist agendas.

The claim that Mr. Sali Berisha, the current chairman of the Democratic Party of Albania (DPA), has received Russian money, is gross negligence of information, and blatant ignorance of facts and context.
First, we want to clarify for your readers, and you, that Mr. Berisha was not the chairman of DPA from 2013, when he resigned after defeat in the parliamentary elections of that year, till May 22, 2022, when he was re-elected to this post by the party members.
Secondly, the “Russian funding” case, which alleges Russia’s political involvements and ties in the Balkans, including with the DPA in the 2017 Albanian elections when Mr. Lulzim Basha was Chairman, has received an exhaustive answer in the Albanian courts.
In the Court’s decision, it is expressly stated that the Democratic Party of Albania has nothing to do with the ‘Russian funding’. (It all started with an article published in “Mother Jones” newspaper (see https://www. motherjones.com/politics/2019/06/the-head-of-albanias-conservative-party-faces-criminal-charges-and-an-ex-trump-aide-is-involved) and was also covered by Voice of America 3 years later (see https://www.zeriamerikes.com/a/6746331.html) and other world media, based on a US intelligence report.
All actions, according to the Court, were carried out in a personal capacity, not in an institutional one, by the then chairman of the party, Mr. Basha.
The statute of the Democratic Party clearly states that decisions regarding lobbying, use of money, etc. are made by the collegial bodies, not the Chairman.
Furthermore, upon being elected the new chairman of DPA, Mr. Berisha set up an internal Audit Commission to look into the claims made regarding ‘Russian financing’, i.e. the documentation, if any, and the financial inflows and outflows that coincide with this case. This initiative was not because of any legal obligations, but a moral obligation to be transparent with the party members and other partner institutions.
You might not be aware, but there are several public statements of the DPA and numerous articles in the Albanian media, in Albanian and English, that make it clear that the only suspect for the ‘Russian funding affair’ is the chairman of the DPA in 2017. Mr. Basha is presumed to have received funding in the amount of $500,000 from Russian sources. We emphasize: this was done without the knowledge or consent of any other forum or individual in the DPA. This money was not deposited in any of DPA’s financial accounts, and it is unclear when, and how, it was received and how it was used.
We hope that this overview of the facts, along with ample context, will be sufficient to correct the data in the article and publish a rebuttal with a link to the original article.
Professional and ethical journalism demands this.
We make this request based on ethical rules, reserving the right that, in case of non-publication of this refutation and intervention for its publication in all media that have published your article, within 24 hours, we will take legal steps according to domestic and international legislation.

PRESS AND COMMUNICATION OFFICE

DEMOCRATIC PARTY OF ALBANIA