“Vila 760 mijë euro”, Spaho: Bardhi i mbushi brekët, pranoi që gënjeu

Pas një debati ditën e sotme në sallën e Kuvendit me deputetin Gazement Bardhi, ka reaguar Edmond Spaho.

Në një prononcim për gazetarin Osman Stafa, deputeti Edmond Spaho pohoi se, dje në emisionin ‘Open’ në ‘News24’ Bardhi ka shpifur për vilën e një deputeti opozitar me vlerë 760 milionë euro.

“Ka shpifur dje në një emision që vilen prej 760 mije euro mund ta ketë një nga katër deputetët Noka, Shehu, Spaho dhe Leskaj. I mbushi brekët dhe nuk pranonte që e ka thënë. I thamë që je shpifës, gënjashtar dhe legen që thotë që vila 760 mijë euro është e njerit nga katër deputetët Noka, Shehu, Spaho, Leskaj”, tha Spaho.